ଲକ୍ଷ୍ନୌ: ଘାଇରେ ବୁଡି 3 ଶିଶୁ ମୃତ । ଗତ ଶନିବାର ୟୁପିର ମିର୍ଜାପୁର ଜିଲ୍ଲାର ଚିରାୟା ଅଞ୍ଚଳରେ ଖଣି ଖନନ ସମୟରେ ସୃଷ୍ଟି ହୋଇଥିବା ଘାଇରେ ବୁଡି ତିନି ଜଣ ଶିଶୁଙ୍କର ମୃତ୍ୟୁ ଘଟିଛି । ତେବେ ତିନି ଜଣ ଶିଶୁ ଗୋଟିଏ ପରିବାର ଥିବା ଜଣାପଡିଛି ।
ବାରଣାସୀ ଡିଏମ ସୁଶିଲ ପଟେଲଙ୍କ କହିବା ଅନୁଯାୟୀ, ମୃତ ଶିଶୁମାନେ ଚିରାୟା ଅଞ୍ଚଳକୁ ଛେଳି ଚରାଇବା ପାଇଁ ଯାଇଥିଲେ । ସେହି ସମୟରେ ଖଣି ଖନନ ବେଳେ ଖୋଳା ହୋଇଥିବା ଗାତରେ ବର୍ଷା ପାଣି ଜମିଯାଇଥିଲା । ଯେଉଁଥିରେ ତିନି ଜଣ ଶିଶୁ ପଡିଯାଇ ତାଙ୍କର ମୃତ୍ୟୁ ଘଟିଛି ।
ଏପଟେ ମୃତ ଶିଶୁଙ୍କ ପରିବାରକୁ କ୍ଷତିପୂରଣ ଦାବି କରିଛନ୍ତି ଜିଲ୍ଲା ପଞ୍ଚାୟତର ସଦସ୍ୟ । ଘଟଣାର ଅଧିକ ତଦନ୍ତ ଜାରି ରହିଛି ।
