One Nation One Election Panel: ଅଧୀର ଚୌଧୁରୀଙ୍କ ନିଯୁକ୍ତିକୁ ନେଇ କେନ୍ଦ୍ର ଉପରେ ବର୍ଷିଲେ ରାଘବ

ଏକକ ନିର୍ବାଚନ ପ୍ରସ୍ତାବ ଅନୁଧ୍ୟାନ କମିଟିରେ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କ ନିଯୁକ୍ତିକୁ ନେଇ କେନ୍ଦ୍ର ଉପରେ ବର୍ଷିଲେ ଆପ୍‌ ସାଂସଦ ରାଘବ ଚଢା। ଅଧିକ ପଢନ୍ତୁ

ନୂଆଦିଲ୍ଲୀ: 'ଗୋଟିଏ ଦେଶ ଗୋଟିଏ ନିର୍ବାଚନ' ପ୍ରସ୍ତାବ ଅନୁଧ୍ୟାନ ଲାଗି ସରକାର ଗଠନ କରିଛନ୍ତି ଏକ 8 ଜଣିଆ ଟିମ । ଏଥିରେ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କ ନାମ ମଧ୍ୟ ସାମଲି କରାଯାଇଛି । ଯାହାକୁ ନେଇ କେନ୍ଦ୍ର ଉପରେ ବର୍ଷିଛନ୍ତି ଆମ ଆଦମୀ ପାର୍ଟି ସାଂସଦ ରାଘବ ଚଢା । କମିଟିରେ ଅଧୀରଙ୍କୁ ସାମିଲ କରିବା ପୂର୍ବରୁ କେନ୍ଦ୍ର ସରକାର ତାଙ୍କ ଅନୁମତି ନେଇନଥିବା ସେ ଅଭିଯୋଗ କରିଛନ୍ତି । ଏ ନେଇ ସେ ଟ୍ବିଟ କରି କେନ୍ଦ୍ର ଉପରେ ବର୍ଷିଥିବା ଦେଖିବାକୁ ମିଳିଛି ।

ଆପ୍‌ ସାଂସଦ ରାଘବ ଚଢା X ସାଇଟରେ ଏକ ପୋଷ୍ଟ କରି ଲେଖିଛନ୍ତି, "ବୋଧହୁଏ ଏକ ଉଚ୍ଚ ସ୍ତରୀୟ କମିଟିରେ ନିଯୁକ୍ତ ହେବା ପୂର୍ବରୁ ଜଣେ ସାଂସଦଙ୍କ ଅନୁମତି ଲୋଡ଼ିବା ଏବେ ବିକଳ୍ପ ହୋଇଗଲାଣି ? " ଅଧୀର ରଞ୍ଜନ ଚୌଧୁରୀ ଏକକ ନିର୍ବାଚନ କମିଟିରେ ସାମିଲ ହେବେ ନାହିଁ ବୋଲି ମନା କରିବା ପରେ ଏଭଳି ପ୍ରତିକ୍ରିୟା ରଖିଛନ୍ତି ସାଂସଦ ରାଘବ । ଏହି ପୋଷ୍ଟ ସହିତ ଅଧୀର ରଞ୍ଜନ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଲେଖିଥିବା ଚିଠିକୁ ମଧ୍ୟ ସେ ସେୟାର କରିଛନ୍ତି ।

• So, apparently, getting an MP's prior consent before APPOINTING them to a high-level committee is now optional? It's not like there's any precedent for suspending MPs for merely SUGGESTING names lawfully, right? 😉 pic.twitter.com/kbWAPExx33

  — Raghav Chadha (@raghav_chadha) September 3, 2023 " class="align-text-top noRightClick twitterSection" data="

  So, apparently, getting an MP's prior consent before APPOINTING them to a high-level committee is now optional? It's not like there's any precedent for suspending MPs for merely SUGGESTING names lawfully, right? 😉 pic.twitter.com/kbWAPExx33

  — Raghav Chadha (@raghav_chadha) September 3, 2023

  ">

  So, apparently, getting an MP's prior consent before APPOINTING them to a high-level committee is now optional? It's not like there's any precedent for suspending MPs for merely SUGGESTING names lawfully, right? 😉 pic.twitter.com/kbWAPExx33

  — Raghav Chadha (@raghav_chadha) September 3, 2023

ଏକକ ନିର୍ବାଚନ ପ୍ରସ୍ତାବ ଅନୁଧ୍ୟାନ କମିଟିରେ ରହିବାକୁ ମନା କରି କେନ୍ଦ୍ରକୁ କଂଗ୍ରେସ ସାଂସଦ ଅଧୀର ଏହି ଚିଠି ଲେଖି କହିଛନ୍ତି, " କମିଟିରେ ସାମିଲ ହେବାକୁ ମନା କରିବା ଦ୍ବାରା ମୋ ମନରେ କୌଣସି ଦ୍ବିଧା ବା ସଙ୍କୋଚ ନାହିଁ । ସାଧାରଣ ନିର୍ବାଚନର ମାସକ ପୂର୍ବରୁ କେନ୍ଦ୍ର ସରକାର ଏହି ପ୍ରସ୍ତାବ ଆଣିଛନ୍ତି । ଯାହାକି ସରକାରଙ୍କ ଭିନ୍ନ ଉଦ୍ଦେଶ୍ୟକୁ ଦର୍ଶାଉଛି । ଅନ୍ୟପଟେ ଏହି କମିଟିରେ ବର୍ତ୍ତମାନର ରାଜ୍ୟସଭା ବିରୋଧୀ ଦଳର ନେତାଙ୍କୁ ମଧ୍ୟ ସାମିଲ କରାଯାଇନାହିଁ । ଯାହାକି ସମ୍ପୂର୍ଣ୍ଣ ଭାବେ ସଂସଦୀୟ ଗଣତନ୍ତ୍ର ପ୍ରତି ଅପମାନ ।"

ସୂଚନା ଥାଉ କି ଏକକ ନିର୍ବାଚନ ପ୍ରସ୍ତାବ ଅନୁଧ୍ୟାନ ପାଇଁ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଅଧ୍ୟକ୍ଷତାରେ କେନ୍ଦ୍ର ସରକାର ଏକ 8 ଜଣିଆ କମିଟି ଗଠନ କରିଛନ୍ତି । ଏହି କମିଟିରେ ରହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ, କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କ ସହ ପୂର୍ବତନ ରାଜ୍ୟସଭା ବିରୋଧୀ ଦଳ ନେତା ଗୁଲାମ ନବୀ ଆଜଦ । ଏନେଇ ଗତକାଲି(ଶନିବାର) କେନ୍ଦ୍ର ଆଇନ ମନ୍ତ୍ରଣାଳୟ ଏକ ବିଜ୍ଞପ୍ତି ଜାରି କରି ସୂଚନା ପ୍ରଦାନ କରାଯାଇଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ