ଡେରାଡୁନ: ଉତ୍ତରାଖଣ୍ଡରେ ବାଦଲ ଫଟା ବର୍ଷା ଜାରି ରହିଛି । ଫଳରେ କିଛି ସ୍ଥାନରେ ପ୍ରବଳ ବର୍ଷା ହେବା ସହ ପ୍ରଖର ଜଳ ସ୍ରୋତରେ ବାଗେଶ୍ବର ଜିଲ୍ଲାରେ ବାଷ୍ଟି ଅଞ୍ଚଳର କିଛି ଗାଁ ଭାସି ବ୍ୟାପକ ଭାବେ ପ୍ରଭାବିତ ହୋଇଥିବା ସୂଚନା ରହିଛି । ସେପଟେ ସରକାରୀ ଭାବେ ସ୍ଥିତି ନିୟନ୍ତ୍ରଣରେ ଥିବା କୁହାଯାଇଥିବାବେଳେ ଅଘଟଣରେ କୌଣସି ପ୍ରାଣହାନି ହୋଇନଥିବା କଥା ମଧ୍ୟ ସୂଚନା ଦେଇଛି ପ୍ରଶାସନ ।
ଉତ୍ତରାଖଣ୍ଡରେ ବାଦଲ ଫଟା ବର୍ଷା, କେହି ମୃତାହତ ହୋଇନଥିବା ପ୍ରଶାସନର ସୂଚନା
ଏପରି ବିଶେଷ ଭାବେ ପ୍ରଭାବିତ ହୋଇଥିବା ଗାଁକୁ ଏକ ଉଦ୍ଧାରକାରୀ ଦଳ ପଠାଯାଇଛି । ସେମିତି କିଛି ବଡ ଅଘଟଣ ସାମ୍ନାକୁ ଆସିନଥିବାବେଳେ କେହି ମୃତାହତ ମଧ୍ୟ ହୋଇନଥିବା ପ୍ରାଥମିକ ଭାବେ କୁହାଯାଇଛି । ଏନେଇ ସ୍ଥାନୀୟ ଏସଡିଏମ ରାକେଶ ଚନ୍ଦ୍ର ତିଓ୍ବାରୀ ସୂଚନା ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
