ବେଙ୍ଗାଲୁରୁ: କର୍ଣ୍ଣାଟକର ବାଗଲକୋଟା ଓ ଗଙ୍ଗଭାତିରେ ଦୁଇଟି ପୃଥକ ସ୍ଥାନରେ ସଡକ ଦୁର୍ଘଟଣା । ଦୁର୍ଘଟଣାରେ 7ଜଣଙ୍କର ମୃତ୍ୟୁ ହୋଇଛି ।
ସାରା ଦେଶ ଆଜି ରଙ୍ଗର ରଙ୍ଗୀନ ହୋଇଥିବା ବେଳେ କର୍ଣ୍ଣାଟକ ବାଗଲକୋଟା ଓ ଗଙ୍ଗଭାତି ରାସ୍ତା ରକ୍ତରେ ଭିଜିଛି । ହୁଙ୍ଗୁଡା ପୋଲିସ ଷ୍ଟେସନ ନିକଟରେ ଗୋଟିଏ ଅଟୋକୁ ଟ୍ରକ ଧକ୍କା ଦେବା ଫଳରେ ତିନିଜଣଙ୍କର ମୃତ୍ୟୁ ହୋଇଛି । ମୃତକ ତିନିଜଣ ହେଲେ ଫକିରାପା ନାଗାପା, ଭିମାନା ଚିନ୍ନପା ଓ ରାମାନା ଶଙ୍କରାପା ଡୋଲି । ଦୁର୍ଘଟଣା ପରେ ଟ୍ରକ ଡ୍ରାଇଭର ଫେରାର ଅଛି ।
ଏହା ସହିତ ବାଗଲକୋଟା ଜିଲ୍ଲା ବେବାନମତି ଗାଁ ନିକଟରେ ଏକ ସଡକ ଦୁର୍ଘଟଣା ହୋଇଛି । ଦୁର୍ଘଟଣାରେ ଚାରିଜଣଙ୍କର ମୃତ୍ୟୁ ହୋଇଛି । ମୃତକ ଚାରିଜଣ ହେଲେ ଚନ୍ଦ୍ରୁ ବୁଟା, ନବୀନ ସାକା ଓ କରିବସାୟା । ଦୁର୍ଘଟଣାରେ ଗାଡି ଡ୍ରାଇଭର ଗୁରୁତର ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ଡ୍ରାଇଭରକୁ ବାଗଲକୋଟା ଡାକ୍ତରଖାନାରେ ଭର୍ତ୍ତି କରାଯାଇଛି । ହୁଙ୍ଗୁଡା ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
