ଡେରାଡୁନ: ମେ 3 ତାରିଖରୁ ଆରମ୍ଭ ହୋଇଛି ଚାରଧାମ ଯାତ୍ରା । ଯାତ୍ରାରେ ଭକ୍ତଙ୍କ ପ୍ରବଳ ସମାଗମ ହୋଇଥିଲା । ଯାତ୍ରା ପାଇଁ ବ୍ୟାପକ ବ୍ୟବସ୍ଥା ହୋଇଥିଲେ ମଧ୍ୟ ଅଘଟଣ ଘଟି ଯାଇଛି । 8 ଦିନ ଭିତରେ 20 ଜଣ ଶ୍ରଦ୍ଧାଳୁଙ୍କ ମୃତ୍ୟୁ ହୋଇଛି । ଚାରଧାମ ଯାତ୍ରାରେ ହୋଇଥିବା ଏହି ଅଘଟଣକୁ କେନ୍ଦ୍ର ସରକାର ଗୁରୁତର ସହ ନେଇ ରାଜ୍ୟ ସରକାରଙ୍କୁ ରିପୋର୍ଟ ମାଗିଛନ୍ତି ।
ଶ୍ରଦ୍ଧାଳୁଙ୍କ ମୃତ୍ୟୁ ପଛରେ ସରକାରଙ୍କ ତ୍ରୁଟି ସାମ୍ନାକୁ ଆସୁଛି, ବ୍ୟବସ୍ଥାରେ ଅବହେଳା ପାଇଁ ଭକ୍ତଙ୍କ ଜୀବନରେ ପ୍ରଭାବିତ ହୋଇଛି । ଚାରଧାମ ଯାତ୍ରା ସମୟରେ ଅଧିକାଂଶ ଭକ୍ତଙ୍କ ମୃତ୍ୟୁ ହୃଦଘାତ କାରଣରୁ ହୋଇଥିଲା। ଏଥି ସହିତ ଖାଲରେ ଖସିପଡ଼ିବା କାରଣରୁ କେତେକ ଭକ୍ତଙ୍କ ମୃତ୍ୟୁ ଘଟିଛି। କେଦାରନାଥ ଧାମରେ ନିଯୁକ୍ତ ଥିବା ପ୍ରଦୀପ ଭରଦ୍ବାଜଙ୍କ ଅନୁଯାୟୀ, ଯଦି ଭକ୍ତମାନେ କିଛି ଦିଗରେ ସତର୍କ ହୁଅନ୍ତେ ତେବେ ସେମାନେ ଏହିପରି ବିପଦରୁ ରକ୍ଷା ପାଇପାରିବେ । ସହଜରେ ଯାତ୍ରା ସମାପ୍ତ ହେବ । ସେ ଆହୁରି କହିଛନ୍ତି ଶ୍ରଦ୍ଧାଳୁଙ୍କ କିଛି ଭୁଲ ପାଇଁ ତାଙ୍କ ଜୀବନ ଉପରେ ବିପଦ ସୃଷ୍ଟି ହୋଇଛି । ସବୁଠୁ ବଡ ଭୁଲ ହେଲା କମ ସମୟରେ କେଦାରନାଥ ଭଳି ସ୍ଥାନରେ ଦର୍ଶନ କରି ଫେରିବା ଫଳରେ ହେଲିକପ୍ଟରରେ ଆସିଥିବା ଲୋକଙ୍କ ସଂଖ୍ୟା ବଢିବାକୁ ଲାଗିଥିଲା ।
8 ଦିନ ଧରି ଚାରିଧାମରେ 20 ତୀର୍ଥଯାତ୍ରୀଙ୍କ ମୃତ୍ୟୁ ପରେ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ପର୍ଯ୍ୟଟନ ସଚିବ ଦିଲୀପ ଜାଭାଲକର କହିଛନ୍ତି ଯେ ଚାରିଧାମ ଯାତ୍ରାରେ ବହୁ ସଂଖ୍ୟାରେ ଭକ୍ତ ଆସୁଛନ୍ତି । ଲୋକଙ୍କ ଜୀବନ, ଖାଦ୍ୟ ଏବଂ ସ୍ୱାସ୍ଥ୍ୟ ପାଇଁ ସରକାର ନିରନ୍ତର ବ୍ୟବସ୍ଥା କରୁଛନ୍ତି । ଏହା ସହିତ ବିନା ପଞ୍ଜିକରଣରେ ଆସୁଥିବା କୌଣସି ଯାତ୍ରୀଙ୍କୁ ଧାମକୁ ଯିବାକୁ ଦିଆଯାଉ ନାହିଁ । ସରକାର ତୀର୍ଥଯାତ୍ରୀଙ୍କ ସଂଖ୍ୟାକୁ ସୀମିତ କରିବାକୁ ଯାଉଛନ୍ତି । ଯାହାଦ୍ୱାରା ବ୍ୟବସ୍ଥାଗୁଡ଼ିକ ବିଗିଡିବ ନାହିଁ ।
ୟେମୁନେତ୍ରୀ ଓ ଗଙ୍ଗୋତ୍ରୀ ମେ’ 3 ତାରିଖରୁ ଶ୍ରଦ୍ଧାଳୁଙ୍କ ପାଇଁ ଖୋଲିଛି । ସେହିପରି କେଦାରନାଥ ଧାମ 6 ତାରିଖ ଓ ବଦ୍ରିନାଥ ଧାମକୁ 8 ତାରିଖରେ ଶ୍ରଦ୍ଧାଳୁମାନେ ଯାତ୍ରା କରିଛନ୍ତି । ଏହି ଯାତ୍ରାରେ ସାମିଲ ହେବାକୁ ଥିବା ଆଗ୍ରହୀ ଶ୍ରଦ୍ଧାଳୁଙ୍କୁ ପୂର୍ବରୁ ପଞ୍ଜୀକରଣ କରିଛନ୍ତି । କେଦାରନାଥ ଧାମରେ ମେ ୬ରୁ ଆରମ୍ଭ ହେଲି ସେବା ଆରମ୍ଭ ହୋଇଛି । ଡିଜିସିଏ ଟିମ୍ ମେ 3ରେ ସମସ୍ତ ହେଲିପ୍ୟାଡ ଯାଞ୍ଚ କରିଥିଲେ । ମେ 20 ପର୍ଯ୍ୟନ୍ତ କେଦାରନାଥ ପାଇଁ ସମସ୍ତ ହେଲି ଟିକେଟ୍ ବୁକ୍ କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
