ଶ୍ରୀନଗର: ଜମ୍ମୁ କାଶ୍ମୀରର ଅନନ୍ତନାଗରେ ସିଆରପିଏଫ ଗାଡି ଉପରେ ଆକ୍ରମଣ କରିଛନ୍ତି ଆତଙ୍କବାଦୀ । ଗ୍ରେନେଡ ଯୋଗେଁ ହୋଇଛି ଏହି ଆକ୍ରମଣ । ବର୍ତ୍ତମାନର ସୂଚନା ଅନୁଯାୟୀ ଏହି ଆକ୍ରମଣରେ ଜଣେ ସିଆରପିଏଫ ଯବାନ ଆହତ ହୋଇଛନ୍ତି ।
ଘଟଣାରେ ଜଣେ ଦୋକାନୀ ମଧ୍ୟ ଆହତ ହୋଇଥିବା ନେଇ ଖବର ହସ୍ତଗସ୍ତ ହୋଇଛି । ଅନନ୍ତନାଗର ଅଚବଲ ସ୍ଥିତ ମୁଖ୍ୟ ବସଷ୍ଟାଣ୍ଡରେ ଗ୍ରେନେଡ ଫିଙ୍ଗିଥିଲେ ଆତଙ୍କବାଦୀ । ଏହି ସମୟରେ ଏଠାରେ ସିଆରପିଏଫର ପାଟ୍ରୋଲିଂ ପାର୍ଟି ଏଠାରେ ମୁତୟନ ହୋଇଥିଲେ । ତେବେ ଗ୍ରେନେଡଟି ରାସ୍ତାରେ ବିସ୍ଫୋରଣ ହେବା ପରେ ସିଆରପିଏ ଯବାନ ଜଣଙ୍କ ଆହତ ହୋଇଥିଲେ ।
ଅନନ୍ତନାଗରେ CRPF ଗାଡି ଉପରେ ଗ୍ରେନେଡ ଆକ୍ରମଣ, ଜଣେ ଯବାନ ଆହତ
ମିଳିଥିବା ସୂଚନା ଅନୁଯାୟୀ ଗ୍ରେନେଡ ଆକ୍ରମଣ କରିଥିବା ଆତଙ୍କବାଦୀମାନେ ଫେରାର ହୋଇଯାଇଛନ୍ତି । ଏହି ଅଞ୍ଚଳକୁ କର୍ଡନ କରାଯାଇ ସର୍ଚ୍ଚ ଅପରେସନ ଜାରି ରହିଛି । ତେବେ ଆକ୍ରମଣକାରୀଙ୍କ ବିଷୟରେ ବର୍ତ୍ତମାନ ସୁଦ୍ଧା କୌଣସି ସୂଚନା ମିଳିପାରିନାହିଁ । ତେବେ ଘଟଣାସ୍ଥଳକୁ ଅତିରିକ୍ତ ସୁରକ୍ଷାକର୍ମୀଙ୍କୁ ଡକାଯାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
