ଘଟଗାଁ ତାରିଣୀ ମନ୍ଦିରରେ ଅଘଟଣ, ଦୀପରୁ ନିଆଁ ଲାଗି ମହିଳା ଗୁରୁତର

କେନ୍ଦୁଝର: ଘଟଗାଁ ମା' ତାରିଣୀଙ୍କ ମନ୍ଦିରରେ ଅଘଟଣ । ଦୀପଷ୍ଟାଣ୍ଡରେ ଦୀପ ଲଗାଇଲାବେଳେ ନିଆଁ ଲାଗିବାରୁ ମହିଳା ଗୁରୁତର। ଆଜି(ରବିବାର) କେନ୍ଦୁଝର ଜିଲ୍ଲା ଘଟଗାଁ ମା' ତାରିଣୀ ମନ୍ଦିରରେ ଘଟିଛି ଅଘଟଣ । ସୂଚନା ଅନୁସାରେ, ଅସାବଧାନତା ଯୋଗୁଁ ମନ୍ଦିର ବେଢାରେ ଦୀପଷ୍ଟାଣ୍ଡରେ ଦୀପ ଲଗାଇଲାବେଳେ ମହିଳା ଭକ୍ତଙ୍କ ଶାଢ଼ୀରେ ନିଆଁ ଲାଗିଯାଇଥିଲା । ଏହି ନିଆଁ ଲାଗିବା ଯୋଗୁଁ ମହିଳା ଗୁରୁତର ହୋଇଥିଲେ ।

ଏହା ବି ପଢନ୍ତୁ...କେନ୍ଦୁଝର ତାରିଣୀ ମନ୍ଦିର ନିକଟରେ ଅଗ୍ନିକାଣ୍ଡ, ଜଳିଗଲା ଭୋଗ ଦୋକାନ

ଏହା ବି ପଢନ୍ତୁ...ରାଜଧାନୀରେ ଭୟଙ୍କର ଅଗ୍ନିକାଣ୍ଡ, ଜଳିଗଲା ଏକ ନମ୍ବର ମାର୍କେଟ

ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଘଟଗାଁ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ କଟକ ସ୍ଥାନାନ୍ତର କରାଯାଇଥିବା ଜଣାପଡିଛି। ଗୁରୁତର ମହିଳା ହେଲେ ଢେଙ୍କାନାଳ ଜିଲ୍ଲା କୁରୁଣ୍ଟୀ ଗ୍ରାମର ମିନାକ୍ଷୀ ବରାଳ । ସେ ତାଙ୍କ ପରିବାର ଲୋକଙ୍କ ସହ ମା' ତାରିଣୀଙ୍କ ଦର୍ଶନ କରିବାକୁ ଆସିଥିଲେ । ଗତ ବୁଧବାର ଦିନ ମନ୍ଦିର ସାମ୍ନା ଭୋଗ ଦୋକାନ ଗୁଡ଼ିକରେ ନିଆଁ ଲାଗିଯାଇଥିଲା। ଯେଉଁଥିପାଇଁ ଲକ୍ଷାଧିକ ଟଙ୍କାର ନଡ଼ିଆ ପୋଡ଼ି ନଷ୍ଟ ହୋଇଯାଇଥିଲା। ଗତ କିଛି ଦିନ ହେବ ଏଭଳି ଅଘଟଣ ଘଟୁଥିବାର ନଜିର ରହିଛି  ।  

ଇଟିଭି ଭାରତ, କେନ୍ଦୁଝର