କୋଣାର୍କ ମନ୍ଦିର ବୁଲି ଦେଖିଲେ କେନ୍ଦ୍ରମନ୍ତ୍ରୀ ଏସପି ସିଂ ବଘେଲ

Central Minister S. P. Singh Baghel at Konark: ନିମାପଡ଼ା: କୋଣାର୍କ ସୂର୍ଯ୍ୟ ମନ୍ଦିର ପରିଦର୍ଶନ କଲେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ ଏସପି ସିଂ ବଘେଲ । କୋଣାର୍କ ମନ୍ଦିରର ପଥର ନିର୍ମିତ ନିଖୁଣ କାରୁକାର୍ଯ୍ୟକୁ ମନ୍ତ୍ରୀ ମନ ଭରି ଉପଭୋଗ କରିଥିଲେ । ପରେ ନବଗ୍ରହ ମନ୍ଦିର ବୁଲିବା ସହ ପୂଜାର୍ଚ୍ଚନା କରିଥିବା ଦେଖିବାକୁ ମିଳିଥିଲା ।

ଏହା ମଧ୍ୟ ପଢ଼ନ୍ତୁ... ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ଶ୍ରୀମନ୍ଦିର ସେବାୟତଙ୍କ ସ୍ବାସ୍ଥ୍ୟବୀମା ବୃଦ୍ଧି, ପ୍ରତି ଭାଗବତ ଟୁଙ୍ଗୀକୁ ୫୦ ହଜାର

ରାତି ପାହିଲେ ହଜାର ହଜାର ଦେଶ ବିଦେଶର ପର୍ଯ୍ୟଟକମାନେ ସୂର୍ଯ୍ୟ ମନ୍ଦିର ବୁଲି ଆସୁଥିବା ବେଳେ ବିଭିନ୍ନ ସମୟରେ ସୂର୍ଯ୍ୟ ମନ୍ଦିର ବୁଲିବାବେଳେ ଛୋଟବଡ ଦୁର୍ଘଟଣାରେ ଶିକାର ହୋଇ ଯାତ୍ରୀ ଚିକିତ୍ସା ପାଇଁ ପୁରୀ, ଭୁବନେଶ୍ବର ଯାଉଛନ୍ତି । ସେମାନଙ୍କ ପାଇଁ କୋଣାର୍କ ଡାକ୍ତରଖାନାରେ ଭଲ ଡାକ୍ତର ନଥିବାରୁ କେତେକ ପର୍ଯ୍ୟଟକ ମୃତ୍ୟୁ ବରଣ କରୁଛନ୍ତି । ଏଭଳି ବହୁ ଘଟଣା ସାମ୍ନାକୁ ଆସୁଥିଲେ ମଧ୍ୟ କୌଣସି ସୁଫଳ ମିଳିନଥିବା ନେଇ ଗଣମାଧ୍ୟମ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ । ଏନେଇ ମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦେଖାକରି କଥାବାର୍ତ୍ତା କରିବା ସହ ତୁରନ୍ତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଜଣାଇ ଜରୁରୀକାଳୀନ ଭାବେ କୋଣାର୍କକୁ ଡାକ୍ତର ଯୋଗାଇ ଦେବାକୁ ଚେଷ୍ଟା କରିବାକୁ ପ୍ରତିଶ୍ରୁତି ଦେଇଛନ୍ତି ।

ଇଟିଭି ଭାରତ, ନିମାପଡ଼ା