ଚର୍ଚ୍ଚାରେ ସୁରଟ ବଣିଆ, ମୁଦି ଉପରେ ତିଆରି କଲେ ରାମ ମନ୍ଦିର

Ayodhya Ram Mandir replica on Ring: ଗାନ୍ଧୀନଗର: ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ନେଇ ସାରା ଦେଶରେ ଉତ୍ସବର ମାହୋଲ । ହୀରା ସହର ସୁରଟ ମଧ୍ୟ ରାମମୟ ହୋଇଉଠିଛି । ସୁରଟର ଜଣେ ଆଭୂଷଣ ନିର୍ମାଣକାରୀ କମ୍ପାନୀ ଏକ ନିଆରା ମୁଦି ତିଆରି କରିଛନ୍ତି । ଏହି ମୁଦି ଉପରେ ରହିଛି ଅଯୋଧ୍ୟା ରାମ ମନ୍ଦିର ମଡେଲ । 38 ଗ୍ରାମରେ ଗୋଲାପି ସୁନାର ଏହି ମୁଦି ଉପରେ ରାମ ମନ୍ଦିର ବେଶ ଶୋଭନୀୟ ହୋଇଛି । ଆସନ୍ତା 22 ତାରିଖରେ ଚେନ୍ନାଇ ଓ ମୁମ୍ବାଇ ଜେୱେଲର୍ସ ଏହାକୁ ଲଞ୍ଚ କରିବେ । ଏହି ମୁଦିର ମୂଲ୍ୟ 3 ଲକ୍ଷ ଟଙ୍କା ରହିଛି । ଏହି ମୁଦି ତିଆରି କରିଥିବା ବଣିଆ ନୈନେଶ ପଚ୍ଚିଗର କହିଛନ୍ତି, "38 ଗ୍ରାମର ଏହି ମୁଦି ଉପରେ ରାମ ମନ୍ଦିର ପ୍ରତିକୃତି ରହିଛି । ଏବେ ଆମ ନିକଟରେ 178 ଟି ମୁଦିର ଅର୍ଡ ରହିଛି । ଏହାର ଚାହିଦା ବଢୁଥିବାରୁ ଆମେ 350 ମୁଦି ତିଆରି କରିବା ଲାଗି ଯୋଜନା କରିଛୁ । ଏହା ପୂର୍ବରୁ ଆମେ 300 ଗ୍ରାମରୁ 10କେଜି ମଧ୍ୟରେ ଚାନ୍ଦି ରାମ ମନ୍ଦିର ପ୍ରତିକୃତି ନିର୍ମାଣ କରିଥିଲୁ ।"

ଏହା ବି ପଢନ୍ତୁ- ଦିଆସିଲି କାଠିରେ ସୁନ୍ଦର କଳାକୃତି, ରାମ ମନ୍ଦିର ମଡେଲ ନିର୍ମାଣ କଲେ ଶିଳ୍ପୀ ସ୍ମୃତି