ଲତା ମଙ୍ଗେସ୍କରଙ୍କ ଜନ୍ମଦିନ; ବାଲୁକା କଳାରେ ଶ୍ରଦ୍ଧାଜ୍ଞଳି ଜଣାଇଲେ ସୁଦର୍ଶନ ପଟ୍ଟନାୟକ - Lata Mangeshkar Birthday

ପୁରୀ: ଆଜି ପ୍ରଖ୍ୟାତ କଣ୍ଠଶିଳ୍ପୀ, ସୁର ସାମ୍ରାଜ୍ଞୀ ଲତା ମଙ୍ଗେସ୍କରଙ୍କ ଜନ୍ମଦିନ । କୋଟି କୋଟି ଭାରତୀୟ ସଙ୍ଗୀତପ୍ରେମୀ ଆଜି ତାଙ୍କୁ ମନେ ପକାଉଛନ୍ତି । ଏହି ଅବସରରେ ପୁରୀ ବେଳାଭୂମିରେ ଲତାଙ୍କର ଏକ ବିଶାଳ ବାଲୁକା ପ୍ରତିକୃତି ନିର୍ମାଣ କରିଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମିର ନୀଳାଦ୍ରି ବିଚରେ ଏହି ବାଲୁକା କଳା ନିର୍ମାଣ କରିଛନ୍ତି ସୁଦର୍ଶନ । ଲତା ଦିଦିଙ୍କ ବିଶାଳ ପ୍ରତିକୃତି ସହ ‘ଆପଣ ସର୍ବଦା ଆମ ହୃଦୟରେ ରାଜ କରିବେ’ ବୋଲି ଇଂରାଜୀରେ ଲେଖିଛନ୍ତି ସୁଦର୍ଶନ । ଏହି ବାଲୁକା କଳାକୁ ଦେଖିବାକୁ ମଧ୍ୟ ପର୍ଯ୍ୟଟକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଅନ୍ୟପଟେ ଆଜି ସ୍ବର୍ଗତଃ ଲତାଙ୍କ ଜନ୍ମଦିବସରେ ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ବହୁ ବିଶିଷ୍ଟ ବ୍ୟକ୍ତିବିଶେଷ ଶ୍ରଦ୍ଧାଜ୍ଞଳି ଜଣାଇ ଭାରତୀୟ ସଙ୍ଗୀତ ଜଗତରେ ସେ ଛାଡି ଯାଇଥିବା ବଳିଷ୍ଠ ଛାପର ସ୍ମୃତିଚାରଣ କରିଛନ୍ତି । 

ଇଟିଭି ଭାରତ, ପୁରୀ