ମାଟ୍ରିକ ଗଣିତ ପ୍ରଶ୍ନପତ୍ର ଭାଇରାଲ, ଛାତ୍ରଛାତ୍ରୀଙ୍କ ଭବିଷ୍ୟତ ସହ ନଖେଳିବାକୁ ପରୀକ୍ଷାର୍ଥୀଙ୍କ ଅପିଲ୍

Matric Exam କଟକ: ସୋସିଆଲ ମିଡିଆରେ ଘୁରି ବୁଲୁଛି ଗଣିତ ପରୀକ୍ଷା ପ୍ରଶ୍ନପତ୍ର । ସବ୍‌ଜେକ୍ଟିଭ ପ୍ରଶ୍ନ ପତ୍ର ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଗଣିତ ବିଷୟ C ସେଟର ସବ୍‌ଜେକ୍ଟିଭ ପ୍ରଶ୍ନପତ୍ର ସୋସିଆଲ ମିଡିଆରେ ଘୁରି ବୁଲୁଛି । ଭାଇରାଲ ହେଉଥିବା ପ୍ରଶ୍ନପତ୍ର ପରୀକ୍ଷାରେ ଆସିଥିବା ନେଇ ପରୀକ୍ଷା ପରେ ପରୀକ୍ଷାର୍ଥୀ କହିଛନ୍ତି । ଯାହାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଛି । ଅତ୍ୟାଧୁନିକ ଟେକ୍ନୋଲୋଜି ବ୍ୟବହାର ସତ୍ତ୍ୱେ ଏପରି କେମିତି ସମ୍ଭବ ତାହା ଏବେ ବଡ଼ପ୍ରଶ୍ନ ସୃଷ୍ଟି କରିଛି । ସବୁଠାରୁ ବଡ଼ କଥା ହେଉଛି ଏହି ପ୍ରଶ୍ନପତ୍ର କେବଳ ସ୍କୁଲରେ ରହିଥାଏ । ଏଥିରେ ଉତ୍ତର ଦେବାର ବ୍ୟବସ୍ଥା ରହିଛି । କୌଣସି ଛାତ୍ରଛାତ୍ରୀ ଏହାକୁ ପରୀକ୍ଷା କେନ୍ଦ୍ରରୁ ବାହାରକୁ ନେଇପାରିବେ ନାହିଁ । ଏହାସତ୍ତ୍ୱେ କିପରି ବାହାରକୁ ଆସିଲା ସେନେଇ ତଦନ୍ତ ସାପେକ୍ଷ । ତେବେ ଏପରି କରି ଛାତ୍ରଛାତ୍ରୀମାନଙ୍କ ଭବିଷ୍ୟତ ସହ ନଖେଳିବାକୁ ପରୀକ୍ଷାର୍ଥୀମାନେ ଅନୁରୋଧ କରିଛନ୍ତି ।

ଇଟିଭି ଭାରତ, କଟକ