ସ୍ବାଧୀନ ଲଢୁଛନ୍ତି ସୌମ୍ୟ, ନିର୍ବାଚନ ବୈତରଣୀ ପାର ହେବାକୁ ବଦ୍ରିଙ୍କ ଠାରୁ ଆଶୀର୍ବାଦ - Soumya Ranjan Patnaik nomination

Soumya Ranjan Patnaik Seek Blessings Badri Narayan Patra:  କେନ୍ଦୁଝର: ଆଜି କେନ୍ଦୁଝର ଜିଲ୍ଲାର ଘଷିପୁରା ନିର୍ବାଚନ ମଣ୍ଡଳୀ ପାଇଁ ନାମାଙ୍କନର ଅନ୍ତିମ ଦିନ ଥିବା ବେଳେ ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନ ଭରିଛନ୍ତି ସାମ୍ବାଦିକରୁ ନେତା ହୋଇଥିବା ସୌମ୍ୟରଞ୍ଜନ ପଟ୍ଟନାୟକ । ସେହିପରି ଆଜି ବିଜେଡିର ବରିଷ୍ଠ ନେତା ତଥା ବର୍ତ୍ତମାନର ବିଧାୟକ ଥିବା ବଦ୍ରି ନାରାୟଣ ପାତ୍ର ମଧ୍ୟ ନିଜର ନାମାଙ୍କନ ଭରିଛନ୍ତି । ସୌମ୍ୟ ରଞ୍ଜନ ହଜାର ହଜାର ସମର୍ଥକଙ୍କୁ ନେଇ ପାରମ୍ପରିକ ବାଦ୍ୟ ସହ ଶୋଭାଯାତ୍ରା କରି ଆନନ୍ଦପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ ।

ଏହା ମଧ୍ୟ ପଢନ୍ତୁ .... ଘଷିପୁରାରେ ସୌମ୍ୟଙ୍କ ପାୱାର ଶୋ': ସ୍ବାଧୀନ ପ୍ରାର୍ଥୀ ଭାବେ ଭରିଲେ ନାମାଙ୍କନ, ସାଥୀରେ ଥିଲେ ଅନ୍ୟ ଦଳର ଅସନ୍ତୁଷ୍ଟ ନେତା - Power Show By Soumya Ranjan

ସୌମ୍ୟ ସକାଳୁ ଘଟଗାଁରେ ମା ତାରିଣୀଙ୍କୁ ଦର୍ଶନ କରି ଘସିପୁରା ନିର୍ବାଚନ ମଣ୍ଡଳୀ ର ଜର୍ଦା ଠାରୁ ହଜାର ହଜାର ସମର୍ଥକଙ୍କୁ ସାଙ୍ଗରେ ଧରି ଶାଳପଡା ର ଇନ୍ଦିରା ଗାନ୍ଧୀ ପଡିଆ ରେ ଏକ ବୈଠକର ଆୟୋଜନ କରିଥିଲେ । ବୈଠକ ପରେ ପୁନର୍ବାର ସମର୍ଥକଙ୍କୁ ସାଙ୍ଗରେ ନେଇ ଆନନ୍ଦପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ପ୍ରାର୍ଥୀ ପତ୍ର ଦାଖଲ କରିଛନ୍ତି । ସବୁଠାରୁ ବଡ଼ କଥା ହେଉଛି ପ୍ରାର୍ଥୀ ପତ୍ର ଦାଖଲ ସମୟରେ ଏକ ରୋଚକ ଦୃଶ୍ୟ ଦେଖିବାକୁ ମିଳିଥିଲା । ବଦ୍ରିଙ୍କ ନିକଟରୁ ନିର୍ବାଚନ ବୈତରଣୀ ପାର ହେବାକୁ ଆଶୀର୍ବାଦ ନେଇଥିଲେ ସୌମ୍ୟ ରଞ୍ଜନ ପଟ୍ଟନାୟକ । 

ଇଟିଭି ଭାରତ, କେନ୍ଦୁଝର