ଭାରସାମ୍ୟ ହରାଇ ରାସ୍ତା ତଳକୁ ଓଲଟିଲା ସ୍କୁଲ ଭ୍ୟାନ, ୬ ଛାତ୍ରଛାତ୍ରୀ ଆହତ

School Van Overturns: ଢେଙ୍କାନାଳ:  ଓଲଟିଲା ସ୍କୁଲ ଯାଉଥିବା ଭ୍ୟାନ । ଫଳରେ ୬ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି । ତେବେ ଅଳ୍ପକେ ବର୍ତ୍ତି ଯାଇଛନ୍ତି ୧୨ ଜଣ ଛାତ୍ରଛାତ୍ରୀ । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ପଙ୍ଗାତିରା-କମର ପୂର୍ତ୍ତ ବିଭାଗ ରାସ୍ତାର ଡିହଡୋଳ ଗାଁ ଆଶ୍ ଫାକ୍ଟ୍ରି ନିକଟରେ ଏହି ଅଘଟଣ ଘଟିଛି । ସମସ୍ତ ଛାତ୍ରଛାତ୍ରୀ ପରଜଙ୍ଗ ବ୍ଲକ ବାରିହାପୁର ଆଦର୍ଶ ବିଦ୍ୟାଳୟର ହୋଇଥିବା ଜଣାପଡିଛି । ସ୍କୁଲ ଭ୍ୟାନଟି କଙ୍କଡାସୋଡ଼ା ଓ କନ୍ତୁର ଗାଁରୁ ଛାତ୍ରଛାତ୍ରୀଙ୍କୁ ନେଇ ବାରିହାପୁର ଓଡିଶା ଆଦର୍ଶ ବିଦ୍ୟାଳୟକୁ ଯାଉଥିବା ବେଳେ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା ।

ଏହା ମଧ୍ୟ ପଢନ୍ତୁ ... ଗୋପାଳପୁରରେ ଓଲଟିଲା ବସ୍, ଜଣେ ମୃତ ୧୬ ଆହତ

ଆହତ ଛାତ୍ରଛାତ୍ରୀଙ୍କୁ ପରଜଙ୍ଗ ମେଡିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଖବର ପାଇ ପରଜଙ୍ଗ ମେଡିକାଲରେ ସ୍ଥାନୀୟ ବିଧାୟକ ଡାକ୍ତର ନୃସିଂହ ଚରଣ ସାହୁ, ବ୍ଲକ ଅଧକ୍ଷା ଶର୍ମିଷ୍ଠା ଦଳବେହେରା ଓ ବ୍ଲକ ଶିକ୍ଷାଧିକାରୀ ପହଞ୍ଚି ଆହତ ଛାତ୍ରଛାତ୍ରୀଙ୍କୁ ଭେଟିବା ସହ ସେମାନଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ । ଏପଟେ ପରଜଙ୍ଗ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରି ଦେଇଛନ୍ତି  ।

ଇଟିଭି ଭାରତ, ଢେଙ୍କାନାଳ