ରାଉରକେଲାରେ ହର୍ବାଲ ହୋଲିର ଆସର; କମଳା, ପାଳଙ୍ଗ ବିଟ୍ ରୁଟରୁ ପ୍ରସ୍ତୁତ ହେଲା ରଙ୍ଗ - Herbal Holi in Rourkela

Herbal Holi Celebrated in Steel City Rourkela: ରାଉରକେଲା: ଆଜିଠାରୁ ରାଉରକେଲାରେ ଧୁମଧାମରେ ହର୍ବାଲ ହୋଲି ଖେଳ ଆରମ୍ଭ ହୋଇଛି । ହର୍ବାଲ ହୋଲି ରଙ୍ଗ ସାଙ୍ଗକୁ ନାଚଗୀତରେ ଉତ୍ସବମୟ ହୋଇ ପଡ଼ିଛି ଷ୍ଟିଲସିଟି । ଉତ୍ସବ ସମୟରେ ବ୍ୟବହୃତ ହେଉଥିବା ସମସ୍ତ ଅବିର ସମ୍ପୂର୍ଣ୍ଣ ଭାବରେ ପ୍ରାକୃତିକ ଉପାଦାନ ଯଥା କମଳା, ପାଳଙ୍ଗ ଶାଗ ଏବଂ ବିଟ୍ ରୁଟରୁ ପ୍ରସ୍ତୁତ କରାଯାଇଛି ।  

ଏହି ପଦକ୍ଷେପ ମାଧ୍ୟମରେ କେବଳ ଉତ୍ସବ ପାଳନରେ ଏକ ନୂତନ ଦିଗକୁ ଯୋଡିଥିଲା ତାହା ନୁହେଁ, ବରଂ ପରିବେଶର ସୁରକ୍ଷାରେ ମଧ୍ୟ ସହାୟକ ହୋଇପାରିବ । ଗୀତ ଏବଂ ବାଦ୍ୟର ତାଳେ ତାଳେ ହୋଲି ଖେଳର ଆନନ୍ଦମୟ ପରିବେଶ ସହରବାସୀଙ୍କୁ ଉତ୍ସାହିତ କରିଦେଇଥିଲା ।  ଲୋକମାନେ ପରସ୍ପର ମଧ୍ୟରେ ହସଖୁସି ଏବଂ ଆନନ୍ଦର ମୁହୂର୍ତ୍ତକୁ ଉପଭୋଗ କରିଥିଲେ । ଏହା ଫଳରେ ସମସ୍ତଙ୍କ ମଧ୍ୟରେ ଏକତାର ଭାବନା ବୃଦ୍ଧି ପାଇଥିଲା । ତେବେ ଆସନ୍ତା ୨୬ ତାରିଖରେ ହୋଲି ଖେଳ ପାଇଁ ହର୍ବାଲ ରଙ୍ଗକୁ ପ୍ରୋତ୍ସାହିତ କରିବା ପାଇଁ ବାସିନ୍ଦାମାନଙ୍କୁ ଅନୁରୋଧ କରାଯାଇଥିଲା ।      

ଇଟିଭି ଭାରତ, ରାଉରକେଲା