ରାମଲାଲାଙ୍କ ପ୍ରାଣ ପ୍ରତିଷ୍ଠା ସମାରୋହ; ବିଗ ବି-ଅମ୍ବାନୀ ପରିବାରଙ୍କୁ ଭେଟିଲେ ମୋଦି

Modi Meets Amitabh Bachchan: ଅଯୋଧ୍ୟା: ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ପାଇଁ ଉତ୍ସବମୁଖର ରାମ ନଗରୀ । ସାରା ବିଶ୍ବ ଆଜିର ଦିନକୁ ଉତ୍ସବ ପରି ପାଳନ କରୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଅଯୋଧ୍ୟା ମନ୍ଦିରରେ ନୂତନ ରାମ ଲାଲାଙ୍କ ପ୍ରାଣ ପ୍ରତିଷ୍ଠା ହୋଇଥିଲା । ସ୍ବତନ୍ତ୍ର ରୀତିନୀତି ଅନୁଯାୟୀ ମୋଦି ପ୍ରଭୁ ଶ୍ରୀ ରାମଙ୍କ ପୂଜାର୍ଚ୍ଚନା କରିଥିଲେ । ଏଥିସହ ସେ ଶ୍ରୀରାମଙ୍କ ସମ୍ମୁଖରେ ସାଷ୍ଟାଙ୍ଗ ପ୍ରଣିପାତ ମଧ୍ୟ କରିଥିଲେ । ଏହା ପରେ ସେ ଦେଶବାସୀଙ୍କ ସମ୍ବୋଧନ କରିଥିଲେ । ତାପରେ ସେ ଏହି ସମାରୋହରେ ସାମିଲ ହୋଇଥିବା ସମସ୍ତ ଅତିଥିଙ୍କ ସହ ସାକ୍ଷାତକାର କରିଥିଲେ ।  

ଏହି ସମୟରେ ମୋଦି ଶିଳ୍ପପତି ମୁକେଶ ଅମ୍ବାନୀଙ୍କ ପରିବାର, ଅମିତାଭ ବଚ୍ଚନଙ୍କୁ ମଧ୍ୟ ଭେଟିଛନ୍ତି ଏବଂ ପରସ୍ପରକୁ ହାତଯୋଡି ସମ୍ମାନ ମଧ୍ୟ ଜଣାଇଥିଲେ ।  ମୋଦି ବିଗ ବି ଙ୍କ ସହ କଥାବାର୍ତ୍ତା ମଧ୍ୟ କରିଥିଲେ । ଏହି ସମାରୋହର ଅନେକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି । କହିରଖୁଛୁ କି, ଲୋକେ ଏହି ଐତିହାସିକ ମୁହୁର୍ତ୍ତକୁ ଘରେ ରହି ମଧ୍ୟ ଲାଇଭ ଟେଲିଭିଜନ ଶୋ' ଜରିଆରେ ଦେଖିପାରିଥିଲେ । ସୁନା, ହୀରା ଅଳଙ୍କାରରେ ପରିପୂର୍ଣ୍ଣ ପ୍ରଭୁ ଶ୍ରୀ ରାମ ଲାଲାଙ୍କ ସୁନ୍ଦର ମନୋହର ରୂପକୁ ଦେଖି ଆତ୍ମବିଭୋର ହୋଇଛନ୍ତି ବିଶ୍ବବାସୀ । ଆଜିର ଦିନକୁ କେବଳ ଭାରତ ନୁହଁ ସମଗ୍ର ବିଶ୍ବ ଉତ୍ସାହର ସହ ପାଳନ କରୁଛି ।  

ଏହା ମଧ୍ୟ ପଢନ୍ତୁ: ବିଶ୍ବରେ ରାମଲାଲାଙ୍କ କ୍ରେଜ, ନ୍ୟୁୟର୍କରୁ ପ୍ୟାରିସ ରାମମୟ