ପ୍ରଧାନମନ୍ତ୍ରୀ ମୋଦି-ଗୃହମନ୍ତ୍ରୀ ଶାହଙ୍କୁ ବାଲୁକା କଳାରେ ସ୍ବାଗତ

PM Modi And HM Amit shah sand Art In Puri Sea Beach, ପୁରୀ: ଭୁବନେଶ୍ବରରେ ପୋଲିସ ଡିଜି-ଆଇଜି ସମ୍ମିଳନୀରେ ଅଂଶଗ୍ରହଣ କରିବା ପାଇଁ ଆଜିଠାରୁ ତିନିଦିନିଆ ଓଡିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତାଙ୍କ ସହ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ଓଡିଶା ଆସୁଛନ୍ତି । ପ୍ରଧାନମନ୍ତ୍ରୀଙ୍କୁ ବାଲୁକା କଳାରେ ସ୍ବାଗତ କରିଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ । ପୁରୀ ନିଳାଦ୍ରୀ ବିଚରେ ସୁଦର୍ଶନ ଏକ ସୁନ୍ଦର ବାଲୁକାକଳା ନିର୍ମାଣ କରିଛନ୍ତି । ଯେଉଁଥିରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହାଙ୍କ ପ୍ରତିକୃତିକୁ ବାଲୁକା କଳାରେ ଅତି ନିଖୁଣ ଭାବେ ସ୍ଥାନ ଦେଇଛନ୍ତି । ଓଡ଼ିଶାର ଗର୍ବ-ଗୌରବ କୋଣାର୍କ ଚକ୍ରକୁ ମଧ୍ୟ ବାଲୁକା କଳାରେ ସ୍ଥାନ ଦିଆଯିବା ସହ ‘ସ୍ବାଗତମ ମୋଦିଜୀ’ ଓ ‘ଅମିତଜୀ’ ଲେଖାଯାଇଛି । ବାଲୁକା ଚିତ୍ର ଶିଳ୍ପୀ ସୁଦର୍ଶନ ପଟ୍ଟନାୟକ କହିଛନ୍ତି, ‘‘ପ୍ରଧାନମନ୍ତ୍ରୀ ଓଡ଼ିଶା ଆସିବା ଆମକୁ ବେଶ ଉତ୍ସାହ ଦେଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁବେଳେ ଓଡ଼ିଶାର କଳା, ସଂସ୍କୃତି, ଐତିହ୍ୟ ଓ କଳାକାରଙ୍କୁ ପ୍ରଶଂସା କରିଆସିଛନ୍ତି ।’’

ଏହା ମଧ୍ୟ ପଢ଼ନ୍ତୁ-

ଇଟିଭି ଭାରତ, ପୁରୀ