ସୁନା ଦୋକାନରେ ଖଚାଖଚ୍‌ ଭିଡ଼, ମନପସନ୍ଦର ଅଳଙ୍କାର କିଣି ନେଉଛନ୍ତି ଗ୍ରାହକ - Akshaya Tritiya 2024

Akshaya Tritiya 2024 ଭୁବନେଶ୍ବର: ଆଜି ହେଉଛି ପବିତ୍ର ଅକ୍ଷୟ ତୃତୀୟା । ଏହି ପବିତ୍ର ଅକ୍ଷୟ ତୃତୀୟା ଅବସରରେ ସୁନା, ରୂପା ବା ଯେ କୌଣସି ଧାତୁ କିଣିବା ଦ୍ୱାରା ଜୀବନରେ ସମୃଦ୍ଧି ଆସିବା ସହ ସମ୍ପତ୍ତି ବଢ଼ିଥାଏ ଓ ଘରକୁ ଲକ୍ଷ୍ମୀ ଆସନ୍ତି ବୋଲି ବିଶ୍ୱାସ ରହିଛି । ଏହି ବିଶ୍ୱାସକୁ ନେଇ ଆଜିର ଦିନରେ ବିଶେଷ କରି ସୁନା ଦୋକାନରେ ବେଶ ଭିଡ ରହିଥାଏ । ଏହି କ୍ରମରେ ଆଜି ରାଜଧାନୀ ଭୁବନେଶ୍ୱରର ବିଭିନ୍ନ ସୁନା ଦୋକାନରେ ଲାଗିଛି ପ୍ରବଳ ଭିଡ । ଏଥିପାଇଁ ରାଜଧାନୀରେ ଥିବା ବିଭିନ୍ନ ଅଳଙ୍କାର ଦୋକାନରେ ଗ୍ରାହକଙ୍କ ଖଚାଖଚ ଭିଡ ଦେଖିବାକୁ ମିଳିଛି । ଗ୍ରାହକମାନେ ସୁନା ଦୋକାନକୁ ଯାଇ ଘର ପାଇଁ ନିଜ ମନ ପସନ୍ଦର ଜିନିଷ କିଣିନେଉଛନ୍ତି । । ସେପଟେ ପ୍ରଧାନମନ୍ତ୍ରୀଙ୍କ ରୋଡ ସୋକୁ ନେଇ କଟକଣା ରହିଥିଲେ ମଧ ଆଜିର ଦିନର ବିଶେଷତାକୁ ନେଇ ଲୋକମାନେ ସୁନା କିଣୁଛନ୍ତି । ଅକ୍ଷୟ ତୃତୀୟା ଉପଲକ୍ଷେ ଅଳଙ୍କାର ପ୍ରତିଷ୍ଠାନଗୁଡ଼ିକ ପକ୍ଷରୁ ଆକର୍ଷଣୀୟ ଅଫର ଓ ରିହାତି ରହିଥିବାରୁ ଲୋକମାନେ ସୁନା କିଣି ଖୁସି ହେଉଛନ୍ତି । 
ଏହା ମଧ୍ୟ ପଢ଼ନ୍ତୁ...ଅକ୍ଷୟ ତୃତୀୟାରେ କମିଲା ସୁନା ଦର, ଜାଣନ୍ତୁ ସୁନା କିଣିବାର ଶୁଭ ମୁହୂର୍ତ୍ତ - Akshaya Tritiya 2024

ଇଟିଭି ଭାରତ, ଭୁବନେଶ୍ବର