ଟିକଟ୍‌ ଦେଲାନି ବିଜେପି, ମହାଙ୍ଗାରୁ ସ୍ୱାଧୀନ ଲଢ଼ିବେ ସାରଦା - Mahanga Assembly constituency

କଟକ: ବଦଳୁଛି ମାହାଙ୍ଗା ନିର୍ବାଚନ ମଣ୍ଡଳୀର ରାଜନୈତିକ ପାଣିପାଗ । ଗତ ନିର୍ବାଚନରେ ବିଜେପି ଟିକଟରେ ନିର୍ବାଚନ ଲଢ଼ିଥିବା ନେତା ସାରଦା ପ୍ରଧାନ,ଏଥର ସ୍ୱାଧୀନ ଭାବରେ ଲଢ଼ିବେ । ବିଜେପି ଟିକେଟ ଦେଲାନି, ଲୋକେ ନିଷ୍ପତ୍ତି ନେଲେ ।ମାହାଙ୍ଗାବାସୀଙ୍କ ଅନୁରୋଧ କ୍ରମେ ଏଥର ସେ ସ୍ୱାଧୀନ ଭାବରେ ନିର୍ବାଚନ ଲଢ଼ିବାକୁ ଯାଉଥିବା ନିଜେ ସୂଚନା ଦେଇଛନ୍ତି ସାରଦା । ଗତ ନିର୍ବାଚନରେ ବିଜେଡିର ଟାଣୁଆ ନେତା ପ୍ରତାପ ଜେନାଙ୍କ ସହ ସାରଦାଙ୍କ କଡା ମୁକାବିଲା ହୋଇଥିଲା । ଏଥର ଆଶା କରାଯାଉଥିଲା ମାହାଙ୍ଗାରୁ ବିଜେପି ପାର୍ଥୀ ହେବେ ସାରଦା ଏବଂ ଲଢେଇ ମଧ୍ୟ ଜୋରଦାର ହେବ । ମାତ୍ର ସାରଦାଙ୍କୁ ବିଜେପି ଟିକଟ ଦେଲାନାହିଁ । ଏବେ ସମର୍ଥକ ଓ ମାହାଙ୍ଗାବାସୀଙ୍କ ଅନୁରୋଧ କ୍ରମେ ସାରଦା ସ୍ବାଧୀନ ଭାବେ ନିର୍ବାଚନ ଲଢ଼ିବେ ବୋଲି ନିଷ୍ପତ୍ତି ନେଇଛନ୍ତି । ଏନେଇ ତାଙ୍କ ସହ ଅଧିକ ଆଲୋଚନା କରିଛନ୍ତି ‘ଇଟିଭି ଭାରତ’ର କଟକ ପ୍ରତିନିଧି ନାରାୟଣ ସାହୁ ।