ବୋଇତ ବନ୍ଦାଣ ଉତ୍ସବରେ ଅଭିନେତ୍ରୀ ଦିବ୍ୟା ମହାନ୍ତି, ଦେଖିବାକୁ ଜମିଲା ଲୋକଙ୍କ ଭିଡ଼

ନୟାଗଡ: ପୁରୁଣା ସହରଠାରେ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି । ନୌବାଣିଜ୍ୟର ପରମ୍ପରାକୁ ଉଜ୍ଜିବୀତ କରି ରଖିବା ପାଇଁ ଗତ 20 ବର୍ଷ ହେଲା ସ୍ଥାନୀୟ ବୋଇତ ବନ୍ଦାଣ କମିଟି ପକ୍ଷରୁ ବୋଇତ ବନ୍ଦାଣ ଉତ୍ସବ ପାଳନ କରାଯାଉଛି । ନୟାଗଡ଼ ଜିଲ୍ଲା ଆରାଧ୍ୟ ଦେବୀ ମା ଦକ୍ଷିଣକାଳୀଙ୍କ ପଡିଆଠାରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ନୟାଗଡ଼ ବିଧାୟକ ଡ. ଅରୁଣ କୁମାର ସାହୁ, ନୟାଗଡ଼ SP S ସୁଶ୍ରୀ, ଉପ ଜିଲ୍ଲାପାଳ କର୍ଣ୍ଣ ଦେବ ସମାଦାର ଯୋଗ ଦେଇଥିବା ବେଳେ ମୁଖ୍ୟ ଆକର୍ଷଣ ସାଜିଥିଲେ ଓଲିଉଡ ଅଭିନେତ୍ରୀ ଦିବ୍ୟା ମହାନ୍ତି । ଏହି ସମୟରେ ଅଭିନେତ୍ରୀଙ୍କୁ ଦେଖିବା ପାଇଁ ସାଗର ପୁଷ୍କରିଣୀ କୂଳରେ ଲୋକଙ୍କ ପ୍ରବଳ ଭିଡ଼ ଜମିଥିଲା । ଅଭିନେତ୍ରୀ ନିଜ ଫିଲ୍ମ 'କର୍ମ'ର ଟ୍ରେଣ୍ଡିଂ ଗୀତ 'ଚିରିଙ୍ଗ ଚିରିଙ୍ଗ'ରେ ଡ୍ୟାନ୍ସ କରି ଆୟୋଜିତ ଉତ୍ସବରେ ଦର୍ଶକଙ୍କ ମନମୋହିଥିଲେ । ସେହିପରି କୁନିକୁନି କଳାକାର ମାନଙ୍କ ଦ୍ୱାରା ବୋଇତ ବନ୍ଦାଣ ନୃତ୍ୟ ମଧ୍ୟ ପ୍ରଦର୍ଶିତ କରିଥିଲେ । ଶେଷରେ ପରମ୍ପରା ଅନୁଯାୟୀ ମୁଖ୍ୟ ଅତିଥିଙ୍କ ସହ ଅନ୍ୟ ଅତିଥି ମାନେ ମିଶି ସୁସଜ୍ଜିତ ନୌକାରେ ସାଗର ପୁଷ୍କରିଣୀ ନୌବିହାର କରିଥିଲେ । ଏହି ଉତ୍ସବରେ ସାମିଲ ହୋଇ ହଜାର ହଜାର ଦର୍ଶକ କାର୍ଯ୍ୟକ୍ରମକୁ ଉପଭୋଗ କରିଥିଲେ ।

ଏହା ମଧ୍ୟ ପଢନ୍ତୁ: ପୁରାତନ ନୌବାଣିଜ୍ୟ କେନ୍ଦ୍ରସ୍ଥଳୀ ଗୋପାଳପୁରରେ 'ବୋଇତ ବନ୍ଦାଣ ଉତ୍ସବ'

ଇଟିଭି ଭାରତ, ନୟାଗଡ଼