କେନ୍ଦୁଝର ତାରିଣୀ ମନ୍ଦିର ନିକଟରେ ଅଗ୍ନିକାଣ୍ଡ, ଜଳିଗଲା ଭୋଗ ଦୋକାନ

କେନ୍ଦୁଝର: ଭୋଗ ଦୋକାନରେ ଲାଗିଲା ନିଆଁ । ଲକ୍ଷାଧିକ ଟଙ୍କାର ଭୋଗ ପୋଡ଼ି ନଷ୍ଟ । ଗତକାଲି(ମଙ୍ଗଳବାର) ବିଳମ୍ବିତ ରାତିରେ ଘଟଗାଁ ମା' ତାରିଣୀ ପୀଠରେ ଘଟିଛି ଅଭାବନୀୟ ଘଟଣା। ମନ୍ଦିରର ଦୁଇ ନମ୍ୱର ଗେଟ୍ ସମ୍ମୁଖ ଭୋଗ ଦୋକାନରେ ନିଆଁ ଲାଗିଥିବା ସୂଚନା ମିଳିଛି । ଏହି ଅଗ୍ନିକାଣ୍ଡ ହେବା ଫଳରେ ୧୫ରୁ ଉର୍ଦ୍ଧ୍ବ ଭୋଗ ଦୋକାନ ସମ୍ପୂର୍ଣ୍ଣ ଜଳି ପୋଡ଼ି ନଷ୍ଟ ହୋଇଯାଇଛି । ଏହାର ଆନୁମାନିକ ମୂଲ୍ୟ ୧୦ ଲକ୍ଷରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି । ଅଗ୍ନିଶମ ବିଭାଗ ଆସି ନିଆଁକୁ ଆୟତ କରିଥିବାବେଳେ ଦୋକାନ ଗୁଡ଼ିକ ସମ୍ପୂର୍ଣ୍ଣ ଜଳିଯାଇଛି। 

ଏହା ବି ପଢନ୍ତୁ...କଟକରେ ଅଗ୍ନିକାଣ୍ଡ, ପୋଡ଼ିଗଲା ଲକ୍ଷାଧିକ ଟଙ୍କାର ଆସବାବପତ୍ର

ଏହା ବି ପଢନ୍ତୁ...ହସ୍ପିଟାଲ ନିଆଁକୁ ନେଇ କେନ୍ଦ୍ରର ତତ୍ପରତା, ଅଗ୍ନିକାଣ୍ଡ ରୋକିବାକୁ ରାଜ୍ୟକୁ ଚିଠି

କେଉଁ କାରଣରୁ ଏହି ଅଗ୍ନିକାଣ୍ଡ ଘଟିଲା ତାହା ଜଣାପଡ଼ି ନଥିବାବେଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଗତ କିଛି ମାସ ପୂର୍ବରୁ ତିନି ନମ୍ୱର୍ ଗେଟ୍ ସମ୍ମୁଖ ଭୋଗ ଦୋକାନ ଗୁଡ଼ିକରେ ଏଭଳି ଅଗ୍ନିକାଣ୍ଡ ଘଟି ବ୍ୟାପକ କ୍ଷତି ହୋଇଥିଲା । ପ୍ରଶାସନ ପକ୍ଷରୁ ଏହି ଦୋକାନଗୁଡ଼ିକୁ ବାରମ୍ବାର ହଟାଇବା ପାଇଁ ଉଦ୍ୟମ ହେଉଥିବାବେଳେ ସୁଫଳ ମିଳୁନାହିଁ । ରାଜ୍ୟ ସରକାର ଏବେ ମନ୍ଦିର ସୌନ୍ଦର୍ଯ୍ୟକରଣ ପାଇଁ ୧୦୦ କୋଟି ଟଙ୍କାର ବ୍ୟୟବରାଦ କରିଛନ୍ତି ।

ଇଟିଭି ଭାରତ, କେନ୍ଦୁଝର