ନାରୀ ଶକ୍ତିର ପ୍ରମାଣ ଦେଲେ ମହିଳା ପୋଲିସ କର୍ମଚାରୀ, ଛୁଆକୁ ଧରି କଲେ ଡ୍ୟୁଟି

Female Police With Her Child ଲକ୍ଷ୍ନୌ: ମହିଳାମାନେ ପୁରୁଷଙ୍କ ତୁଳନାରେ ବେଶ ତତ୍ପର ଏବଂ ଦକ୍ଷ । ମହିଳାଙ୍କ ପାଖରେ ପରିବାର ଏବଂ ନିଜର କର୍ମ କ୍ଷେତ୍ରକୁ ସମାନ୍ତରଳ ଭାବେ ସମ୍ପାଦନ କରିବା ସକ୍ଷମ ରହିଛି । ଏଭଳି ଏକ ଉହାଦାରଣ ଦେଖିବାକୁ ମିଳିଛି ଉତ୍ତର ପ୍ରଦେଶର ମୌରଦାବାଦ ଜିଲ୍ଲାରେ । ଜିଲ୍ଲାରେ ପୋଲିସ କନଷ୍ଟେବଳ ନିଯୁକ୍ତି ପରୀକ୍ଷା ଚାଲିଥିବାବେଳେ ଜଣେ ମହିଳା ପୋଲିସ କର୍ମଚାରୀ ନିଜର ଶିଶୁକୁ କାନ୍ଧରେ ଧରି ସୁରକ୍ଷା ଦାୟିତ୍ବରେ ନିୟୋଜିତ ରହିଥିଲେ । ସେ ଖାକି ପୋଷାକ ପିନ୍ଧି ଜଣେ ପୋଲିସ ଏବଂ ଜଣେ ମାଆର କର୍ତ୍ତବ୍ୟ ସମ୍ପାଦନ କରୁଥିଲେ । ଏହାକୁ ଦେଖି ସେଠାରେ ଉପସ୍ଥିତ ଥିବା ଲୋକେ ତାଙ୍କୁ ବହୁ ପ୍ରଶଂସା କରିଥିଲେ ।

ସେହି ମହିଳା ପୋଲିସ ଅଧିକାରୀ ଜଣକ କହିଛନ୍ତି, "ମୁଁ ମୋର ଛୁଆକୁ ପାଞ୍ଚ ମାସ ପୂରଣ ହେବା ପରେ ନିଜ ସାଙ୍ଗରେ ଆଣି ଡ୍ୟୁଟି କରୁଛି । ମୋ ସ୍ବାମୀ ମଧ୍ୟ ପୋଲିସ ଚାକିରି କରୁଛନ୍ତି । ଆମ ସହ ମୋ ଭଉଣୀ ମଧ୍ୟ ରହୁଛନ୍ତି । ଆଜି ତାର ପୋଲିସ ପରୀକ୍ଷା ରହିଥିବାରୁ ମୁଁ ଛୁଆକୁ ସାଙ୍ଗରେ ନେଇ ଆସିଛନ୍ତି । ତେବେ ବର୍ତ୍ତମାନ ପୁଅକୁ ଦେଢ ବର୍ଷର ହୋଇଯାଇଛି ତେଣୁ ପୂର୍ବ ତୁଳନାରେ ବର୍ତ୍ତମାନ ପୁଅ ସହିତ ଡ୍ୟୁଟିରେ ଥିବାବେଳେ କମ୍ ଅସୁବିଧା ହେଉଛି ।" ସେହିପରି ସ୍ଥାନୀୟ ଏସପି ମଧ୍ୟ ଉକ୍ତ ମହିଳା କର୍ମଚାରୀଙ୍କୁ ବେଶ ପ୍ରଶଂସା କରିଛନ୍ତି  ।  

ବ୍ୟୁରୋ ରିପୋର୍ଟ, ଇଟିଭି ଭାରତ