ନିର୍ବାଚନ ପୂର୍ବରୁ ଆନ୍ଧ୍ରରେ ଜଗନମୋହନଙ୍କ ମେଗା ରୋଡ୍ ଶୋ', ପ୍ରଶଂସକଙ୍କ ସହ ନେଲେ ସେଲଫି

Mega Road Show In Andhra: ବିଶାଖାପାଟଣା: ଖୁବଶୀଘ୍ର ହେବାକୁ ଯାଉଛି ଆନ୍ଧ୍ରପ୍ରଦେଶ ବିଧାନସଭା ନିର୍ବାଚନ । ଏହାକୁ ନେଇ ସମସ୍ତ ଦଳ ଆରମ୍ଭ କରିଛନ୍ତି ପ୍ରସ୍ତୁତି । ଶାସକ YSR କଂଗ୍ରେସ ମଧ୍ୟ ଲୋକଙ୍କ ପାଖରେ ପହଞ୍ଚି ପ୍ରଚାର କରୁଛି । ଗତ ୩ ତାରିଖରେ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ସମାବେଶରେ ବିଶାଳ ଜନସମୁଦ୍ର ଦେଖିବାକୁ ମିଳିଥିଲା । ଏହି ମେଗା ରୋଡ୍ ଶୋ'ରେ ପ୍ରଶଂସକ ଓ ଦଳୀୟ କର୍ମୀ ଜଗନମୋହନଙ୍କ କଟଆଉଟ୍‌ ହାତରେ ଧରି ନାରା ଦେଉଥିବା ଦେଖିବାକୁ ମିଳିଛି ।

ମଞ୍ଚ ଉପରେ ଛିଡ଼ା ହୋଇ ଜନତାଙ୍କୁ ନିଆରା ଅନ୍ଦାଜରେ ଅଭିବାଦନ ଜଣାଇଥିଲେ ମୁଖ୍ୟମନ୍ତ୍ରୀ ୱାଇଏସ୍‌ ଜଗନମୋହନ । ଖାଲି ସେତିକି ନୁହେଁ, ପ୍ରଶଂସକଙ୍କ ସେଲଫି ନେବାକୁ ଆସିଥିବାବେଳେ ନିଜେ ଫୋନ ଧରି ଫଟୋ ଉତ୍ତୋଳନ କରିଥିଲେ ମୁଖ୍ୟମନ୍ତ୍ରୀ । ଯାହାର ଭିଡିଓ YSR କଂଗ୍ରେସର ଅଫିସିଆଲ ଏକ୍ସ ଆକାଉଣ୍ଟରେ ସେୟାର କରାଯାଇଥିବାବେଳେ ଏହା ଜୋରଦାର ଭାଇରାଲ ମଧ୍ୟ ହେଉଛି ।