ଭୋଟରଙ୍କ ଆକୃଷ୍ଟ କରୁଛି କାକଟପୁରର ପାନ ବରଜ ଥିମ ଆଧାରିତ ମତଦାନ କେନ୍ଦ୍ର - Kakatpur Assembly Constituency

Beetle Vine Theme Based Booth: ନିମାପଡ଼ା: ଜାରି ରହିଛି ରାଜ୍ୟରେ ଚତୁର୍ଥ ପର୍ଯ୍ୟାୟ ଭୋଟଦାନ । ରାଜ୍ୟରେ ୬ଟି ଲୋକସଭା ଆସନ ଓ ୪୨ଟି ବିଧାନସଭା ଆସନ ପାଇଁ ଚାଲିଛି ମତଦାନ ଗ୍ରହଣ ପ୍ରକ୍ରିୟା । ଆଜି ଜଗତସିଂପୁର ସଂସଦୀୟ କ୍ଷେତ୍ର ଅନ୍ତର୍ଗତ କାକଟପୁର ବିଧାନସଭା ଆସନ ପାଇଁ ଚାଲିଛି ମତଦାନ । ଏହାରି ମଧ୍ୟରେ ଏକ ନିଆରା ଶୈଳୀରେ ଭୋଟରଙ୍କୁ ଆକୃଷ୍ଟ କରିବା ପାଇଁ ନିର୍ମାଣ କରାଯାଇଛି ପାନ ବରଜ ଥିମ୍ ଆଧାରିତ ମତଦାନ କେନ୍ଦ୍ର । 

ଏହା ମଧ୍ୟ ପଢନ୍ତୁ ... ଫଟୋରେ ଖବର; କାକଟପୁରର ପାନବରଜ ପୁଲିଂ ବୁଥ, ଭୋଟରଙ୍କୁ କରୁଛି ଆକୃଷ୍ଟ - Beetle Vine Theme Booth

କାକଟପୁର ବାଳିକା ଉଚ୍ଚ ବିଦ୍ୟାଳୟ ରେ ହେଇଥିବା ଏହି  ବୁଥ ଏବେ ଚର୍ଚ୍ଚାରେ । କାକଟପୁର ଅଞ୍ଚଳ ସାଧାରଣତଃ ଧାନ ପାନର ଅଞ୍ଚଳ ଭାବେ ପରିଚିତ । ତେଣୁ ଅଞ୍ଚଳର ପରିଚୟକୁ ଲୋକଲୋଚନକୁ ଆଣିବାର ଏଭଳି ଉଦ୍ୟମକୁ ସବୁରି ମହଲରେ ପ୍ରଶଂସା କରାଯାଇଛି । ମତଦାନ କେନ୍ଦ୍ରକୁ ଅବିକଳ ପାନ ବରଜ ଶୈଳୀରେ ସଜା ଯାଇଛି, ଯାହାକୁ ଦେଖିଲେ ଆପଣ ମଧ୍ୟ ଭ୍ରମରେ ପଡିଯିବେ, ଏହା ବୁଥ ନା ପାନ ବରଜ । ଏହି ପାନ ବରଜ ଥିମର ବୁଥ ଭୋଟରଙ୍କ ଆକୃଷ୍ଟ କରୁଛି ।  

ଇଟିଭି ଭାରତ, ନିମାପଡ଼ା