ସ୍ଥାନୀୟ ବିଧାୟକଙ୍କ ସହ ହିଙ୍ଗୁଳା ମନ୍ଦିର ଦର୍ଶନ କଲେ ପ୍ରଣବ ପ୍ରକାଶ - Pranab visits Hingula Temple Angul

Pranab visits Hingula Temple ଅନୁଗୋଳ : ତାଳଚେରରେ ଅବସ୍ଥିତ ଜିଲ୍ଲାର ଆରାଧ୍ୟ ଦେବୀ ମା ହିଙ୍ଗୁଳା ମନ୍ଦିର ଯାଇ ମାଆଙ୍କ ଆଶୀଷ ଭିକ୍ଷା କରିଛନ୍ତି ବିଜେଡି ସମ୍ବଲପୁର ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସ । ହିଙ୍ଗୁଳା ମାଆ ଏବେ ଅଗ୍ନି ରୂପେ ବିରାଜିତ ହୋଇଥିବା ବେଳେ ମାଆଙ୍କ ଦର୍ଶନ କରିବା ସହ ତାଙ୍କଠାରେ ପୂଜାର୍ଚ୍ଚନା କରିଛନ୍ତି। ତାଙ୍କ ସହ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଓ UPSE କୃତି ଛାତ୍ର ଅନିମେଶ ମଧ୍ୟ ମାଆଙ୍କ ଠାରେ ପୂଜା କରିଛନ୍ତି । 

ସମ୍ବଲପୁର ବିଜେଡି ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସ ଆଜି(ବୁଧବାର) ସକାଳୁ ତାଳଚେର ହିଙ୍ଗୁଳା ମନ୍ଦିର ଆସି ପୂଜାର୍ଚ୍ଚନା କରିଛନ୍ତି । ସେ ପ୍ରଥମେ ମାଆ ହିଙ୍ଗୁଳାଙ୍କ ଉଭା ସ୍ଥଳକୁ ଯାଇ ପୂଜାର୍ଚ୍ଚନା କରିବା ସହ ମାଙ୍କ ଆଶିଷ ଭିକ୍ଷା କରିଥିଲେ । ଏହାପରେ ମନ୍ଦିର ଯାଇ ମଧ୍ୟ ପୂଜା କରିଥିଲେ । ତାଙ୍କ ସହ ତାଳଚେର ବିଧାୟକ ବ୍ରଜ କିଶୋର ପ୍ରଧାନ, ଚଳିତ ୟୁପିଏସ ପରୀକ୍ଷାରେ ସର୍ବ ଭାରତୀୟ ସ୍ତରରେ ଦ୍ଵିତୀୟ ସ୍ଥାନ ରଖିଥିବା ଅନିମେଶ ପ୍ରଧାନଙ୍କ ସମେତ ବହୁ ଦଳୀୟ ନେତା ଓ କର୍ମୀ ଉପସ୍ଥିତ ଥିଲେ । ପ୍ରଣବ ପ୍ରକାଶ ଏହାପରେ ୧୧ଟା ବେଳେ ଛେଣ୍ଡିପଦା ଠାରେ ଏକ ଦଳୀୟ କାର୍ଯ୍ୟକ୍ରମରେ ଯୋଗ ଦେବା ନେଇ ସୂଚନା ରହିଛି ।

ଇଟିଭି ଭାରତ, ଅନୁଗୋଳ