ପ୍ରଚାର ବେଳେ ଅସୁସ୍ଥ ସାଂସଦ ପ୍ରାର୍ଥୀ ଅରୁପ ପଟ୍ଟନାୟକ, କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି - Arup Patnaik ill

ARUP PATNAIK ପୁରୀ: ବିଜେଡି ସାଂସଦ ପ୍ରାର୍ଥୀ ଅରୁପ ପଟ୍ଟନାୟକ ଅସୁସ୍ଥ । ପୁରୀ ଜିଲ୍ଲା  ପିପିଲି ହାଟ ଛକ ନିକଟରେ ପ୍ରଚାର କରୁଥିବା ବେଳେ ହଠାତ ଅସୁସ୍ଥ ହୋଇ ପଡିଲେ ଅରୁପ । ପ୍ରବଳ ଖରା ଗୁଳୁଗୁଳି ପାଇଁ ଅସୁସ୍ଥ ହୋଇପଡିଥିବା ଜଣାପଡିଛି । 

ପୁରୀ ସଂସଦୀୟ କ୍ଷେତ୍ର ବିଜେଡି ପ୍ରାର୍ଥୀ ଅରୁପ ପଟ୍ଟନାୟକ ଓ ପିପିଲି ବିଧାୟକ ପ୍ରାର୍ଥୀ ରୁଦ୍ର ପ୍ରତାପ ମହାରଥୀ ନିଜ ସପକ୍ଷରେ ଭୋଟ ମାଗି ବାଇକ୍ ଶୋଭାଯାତ୍ରାରେ ଯାଉଥିବା ବେଳେ ପିପିଲି ହାଟଛକ ଠାରେ ହଠାତ୍ ଅସୁସ୍ଥ ହୋଇପଡ଼ିଛନ୍ତି ।  ବିଜେଡି କର୍ମୀମାନେ ତାଙ୍କୁ ତୁରନ୍ତ ପିପିଲି ମେଡିକାଲରେ ଭର୍ତ୍ତି କରିଥିଲେ । ସେଠାରେ  ଡ଼ାକ୍ତର ତାଙ୍କର ପରୀକ୍ଷା କରିଛନ୍ତି ।  ରକ୍ତ ଚାପ କମି ଯାଇଥିବା ଯୋଗୁ ଅରୁପ ଅସୁସ୍ଥ ହୋଇପଡିଥିବା ଡାକ୍ତର ସୂଚନା ଦେଇଛନ୍ତି । ପ୍ରାଥମିକ ଚିକିତ୍ସା କରିବା ପୂର୍ବରୁ ସାଂସଦ ପ୍ରାର୍ଥୀ ଅରୂପ ପଟ୍ଟନାୟକ ଚିକିତ୍ସା ନ ହୋଇ ଫେରି ଯାଇଥିବା ସୂଚନା ରହିଛି । ସେ ତୁରନ୍ତ ଭୁବନେଶ୍ୱର ଯାଇଥିବା କୁହାଯାଉଛି । ତେବେ ତାଙ୍କୁ ପରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । 

ଇଟିଭି ଭାରତ, ପୁରୀ