ବିଦ୍ୟାଳୟ ନାହିଁ ତ ଭୋଟ ନାହିଁ, ନାରା ଦେଇ ଭୋଟ ବର୍ଜନ କରିଲେ ଗ୍ରାମବାସୀ - Villagers boycott Election

Villagers boycott Election: ନୟାଗଡ: ବିଦ୍ୟାଳୟ ବନ୍ଦ ତ ଭୋଟ ବନ୍ଦ । ଏପରି କିଛି ନାରାଦେଇ ଭୋଟ ବର୍ଜନ କରିଛନ୍ତି ନୟାଗଡ ଜିଲ୍ଲା ଦଶପଲ୍ଲା ନିର୍ବାଚନ ମଣ୍ଡଳୀର 108 ନମ୍ବର ବୁଥ ଡିହଗାଁ ପଞ୍ଚାୟତ ଖଇରାପଙ୍କାଳସାହିର ଭୋଟର । ବୁଥ ଅଧିନରେ 482 ଜଣ ଭୋଟର ରହିଥିବା ବେଳେ ଜଣଙ୍କୁ ଛାଡି, କେହି ବି ଭୋଟ ଦେଇ ନାହାନ୍ତି । ତେବେ ଗ୍ରାମରେ ସ୍କୁଲ ନଥିବାରୁ ଭୋଟ ବର୍ଜନ କରିଛନ୍ତି ଗ୍ରାମବାସୀ  ।
 

ଗ୍ରାମବାସୀଙ୍କ କହିବା ଅନୁଯାୟୀ, ଗାଁରେ ଥିବା ଏକମାତ୍ର ଉଚ୍ଚ ବିଦ୍ୟାଳୟକୁ ପାଖ ସ୍କୁଲରେ 2021ରେ ମିଶ୍ରଣ କରାଯାଇଥିଲା । ଯାହାଦ୍ୱାରା ପିଲାମାନେ ପାଠ ପଡ଼ିବାକୁ ଦୂର ବାଟକୁ ଯାଇପାରିନଥିଲେ l ତେବେ ଗ୍ରାମରେ ସ୍କୁଲ ଖୋଲିବାକୁ ଜିଲ୍ଲାପାଳଙ୍କଠାରୁ ଆରମ୍ଭ କରି ମୁଖ୍ୟମନ୍ତୀଙ୍କ କାର୍ଯ୍ୟାଳୟ ପର୍ଯ୍ୟନ୍ତ ସବୁଠି ଅଭିଯୋଗ ପରେ ସୁଦ୍ଧା ଏପର୍ଯ୍ୟନ୍ତ ସ୍କୁଲ ନିର୍ମାଣ ହୋଇପାରିଲା ନାହିଁ  ।" 

ଗାଁରେ ସ୍କୁଲ ନିର୍ମାଣ ଦାବିରେ ପ୍ରତିବାଦ କରି ଗାଁର ସମସ୍ତ ଲୋକେ ଭୋଟ ନଦେଇ ବୁଥ ଆଗରେ ଧାରଣାରେ ବସିରହି ପ୍ରତିବାଦ କରିଥିଲେ  । ଖବର ପାଇ ପ୍ରଶାସନ ଘଟଣା ସ୍ଥଳରେ ପହଞ୍ଚି ବହୁ ବୁଝାସୁଝା କରିଥିଲେ ମଧ୍ୟ ଗାଁ ଲୋକ ଭୋଟ ଦେଇ ନଥିବା ଜଣା ପଡ଼ିଛି ।

ଇଟିଭି ଭାରତ, ନୟାଗଡ