ସକାଳୁ ସକାଳୁ ମତଦାନ କେନ୍ଦ୍ର ଆଗରେ ଭୋଟରଙ୍କ ଲମ୍ବା ଲାଇନ - Voting under way in Odisha

Lok Sabha Election 2024 କଟକ: ଆଜି ଚତୁର୍ଥ ବା ଶେଷ ପର୍ଯ୍ୟାୟ ନିର୍ବାଚନ ପାଇଁ ମତଦାନ । କଟକ ଜିଲ୍ଲାରେ ୩ଟି ନିର୍ବାଚନ ମଣ୍ଡଳୀରେ ଜାରି ରହିଛି ଭୋଟିଂ । ସକାଳୁ ମକପୋଲ ପରେ ମତଦାନ ପ୍ରକ୍ରିୟା ଆରମ୍ଭ ହୋଇଛି । ଲାଇନରେ ରହି ମତଦାନ କରୁଛନ୍ତି ଭୋଟର । ପାଗ ଅନୁକୂଳ ରହିଥିବାରୁ ମତଦାନ କେନ୍ଦ୍ରରେ ସକାଳୁ ଭିଡ଼ ଦେଖିବାକୁ ମିଳୁଛି  । ଲୋକଙ୍କ ମନରେ ଉତ୍ସାହ ମଧ୍ୟ ଦେଖିବାକୁ ମିଳିଛି  । 
 

ଶାନ୍ତି ଶୃଙ୍ଖଳାର ସହ ନିର୍ବାଚନ ପରିଚାଳନା ପାଇଁ ଜିଲ୍ଲା ପ୍ରଶାସନ ପକ୍ଷରୁ ପଦକ୍ଷେପମାନ ଗ୍ରହଣ କରାଯାଇଛି । କଟକ ଜିଲ୍ଲାରେ ଥିବା 3 ବିଧାନସଭା ନିର୍ବାଚନ ମଣ୍ଡଳୀ ଯଥା ସାଲେପୁର, ମାହାଙ୍ଗା ଓ ନିଆଳି ପାଇଁ ଆଜି ନିର୍ବାଚନ ହେଉଛି । ସାଲେପୁରର 253ଟି , ମାହାଙ୍ଗାର 309 ଟି ଓ ନିଆଳିରେ 274 ଟି ବୁଥ ମତଦାନ କରାଯାଇଛି । ତେବେ ଚଳିତବର୍ଷ ଭଲ ମତଦାନ ହେବ ବୋଲି କଟକ ଜିଲ୍ଲାପାଳ ଆଶାପ୍ରକଟ କରିଛନ୍ତି ।

ଇଟିଭି ଭାରତ, କଟକ