ଝାରସୁଗୁଡ଼ାରେ ବିଜେଡିର ବିଶାଳ ମହିଳା ସମାବେଶ - BJD Women Rally

BJD Women Rally In Jharsugudaଝାରସୁଗୁଡ଼ା: ବିଜୁ ଜନତା ଦଳ ପକ୍ଷରୁ ଝାରସୁଗୁଡ଼ା ଜିଲ୍ଲା ସାହସପୁର ଠାରେ ଏକ ବିଶାଳ ମହିଳା ସମାବେଶ ଅନୁଷ୍ଠିତ ହୋଇଯାଇଅଛି । ଏହି ସମାବେଶ ପ୍ରଥମେ ବିଜେଡି ବିଧାୟିକା ପ୍ରାର୍ଥିନୀ ଦୀପାଳି ଦାସ ଓ ବରଗଡ ଲୋକସଭା ପ୍ରାର୍ଥିନୀ ପରିଣିତା ମିଶ୍ର ସାହସପୁର ସ୍ଥିତ ବାବା ନୀଳକଣ୍ଠେଶ୍ଵର ମନ୍ଦିର ଦର୍ଶନ କରି ଶୋଭାଯାତ୍ରାରେ ବାହାରିଥିଲେ । ଏହାସହ ବିଶାଳ ଶୋଭାଯାତ୍ରା ବ୍ଲକ ମୁଖ୍ୟ ରାସ୍ତା ଦେଇ ସଭାସ୍ଥଳରେ ପହଞ୍ଚିଥିଲା ।

ଏହି ଅବସରରେ ଦୀପାଳି ଦାସ କହିଛନ୍ତି, "ବାପା (ସ୍ବର୍ଗତ ନବ ଦାସ) ଏହି ଅଞ୍ଚଳର ରାସ୍ତା, ଶିକ୍ଷା ଓ ସ୍ବାସ୍ଥ୍ୟ କ୍ଷେତ୍ରରେ ବିକାଶ ମୂଳକ କାର୍ଯ୍ୟ ହାତକୁ ନେଇ ଅନେକ ଉନ୍ନତି କାମ କରାଯାଇଛି  । ସେ ଏହି ଅଞ୍ଚଳର ସମସ୍ତଙ୍କ ସହ ଯେଉଁ ବ୍ୟକ୍ତିତ୍ଵ ସମ୍ପର୍କ ସ୍ଥାପନ କରିଥିଲେ ତାହା କେବେ ଭୁଲିହେବ ନାହଁ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହିଳାମାନଙ୍କୁ ଯେଉଁ ସମ୍ମାନ ପ୍ରଦାନ କରିଛନ୍ତି ତାହା ମହିଳା ସଶକ୍ତିକରଣର ଏକ ଉଦାହରଣ ସୃଷ୍ଟି କରିଛନ୍ତି । ଏହିପରି ମୁଁ ମଧ୍ଯ ଆପଣଙ୍କ ଗହଣରେ ରହି ଏହି ଅଞ୍ଚଳର ବିକାଶ ମୂଳକ କାର୍ଯ୍ୟ ପାଇଁ ପ୍ରତିବଦ୍ଧ ।" ତେବେ ଆଜିର ଏହି ବିଶାଳ ସମାବେଶରେ ଜିଲ୍ଲା ପର୍ଯ୍ୟବେକ୍ଷକ ବିଷ୍ଣୁ କେଡିଆ, ଜିଲ୍ଳା ସଭାପତି ରବି ସିଂ, ଜିଲ୍ଳା ମହିଳା ସଭାନେତ୍ରୀ ରୋଜାଲିନ ପଟେଲ, ବ୍ଲକ ଅଧ୍ୟକ୍ଷ ସଂଜିତ ନାଏକ, ଜିଲ୍ଳା ପରିଷଦ ଅଧ୍ୟକ୍ଷା ତୁଲାବତୀ ମିଞ୍ଜଙ୍କ ସହ ବ୍ଲକ ସ୍ତରୀୟ ଜନପ୍ରତିନିଧି ନେତୃବୃନ୍ଦ ମଞ୍ଚାସିନ ଥିଲେ । ସଭାରେ ହଜାର ହଜାର ମହିଳାଙ୍କ ସମେତ ଶହ ଶହ ଦଳୀୟ କର୍ମୀ ଉପସ୍ଥିତ ଥିଲେ ।

ଇଟିଭି ଭାରତ, ଝାରସୁଗୁଡ଼ା