ଶେଷ ଯାତ୍ରାରେ ଖଲ୍ଲିକୋଟ ରାଣୀ

V Sugnana Kumari Deo:ବ୍ରହ୍ମପୁର: ପରଲୋକରେ ପୂର୍ବତନ ବିଧାୟିକା ତଥା ଖଲ୍ଲିକୋଟ ରାଣୀ ଭି. ସୁଜ୍ଞାନ ଦେଓ । ରାଣୀ ସାହେବାଙ୍କ ଦେହାନ୍ତ ପରେ ଶୋକରେ ବୁଡିଛି ଖଲ୍ଲିକୋଟ । ବର୍ତ୍ତମାନ ଶେଷ ଯାତ୍ରାରେ ବାହାରିଛନ୍ତି ରାଣୀ ମାଆ  । ତାଙ୍କ ପାର୍ଥିବଙ୍କ ଶରୀରକୁ ବିରାଟ ଶୋଭାଯାତ୍ରାରେ ଖଲ୍ଲିକୋଟ ଅଞ୍ଚଳ ପରିକ୍ରମା ପରେ ଗାର୍ଡ ଅଫ୍ ଅନର ଦିଆଯିବ । ପରେ ଶେଷକୃତ୍ୟ ସଂପନ୍ନ ହେବ । ସୁଜ୍ଞାନ ଦେଓଙ୍କୁ ହରାଇ ଦୁଃଖରେ ଭାଙ୍ଗି ପଡିଛନ୍ତି ଅଞ୍ଚଳବାସୀ । ସମସ୍ତଙ୍କ ଆଖିରେ ଲୁହ । ଗତକାଲି (ଶନିବାର) ବିଳମ୍ବିତ ରାତିରେ ନିର୍ମଳଝର ବାସଭବନରେ ରାଣୀ ସାହେବାଙ୍କ ପାର୍ଥିବ ଶରୀରକୁ ଆଣି ରଖାଯାଇଥିଲା । ଆଜି ଭୋରରୁ ସମର୍ଥକଙ୍କ ଠାରୁ ଆରମ୍ଭ କରି ଶୁଭେଚ୍ଛୁ, ଅଞ୍ଚଳର ଜନପ୍ରତିନିଧିମାନେ ରାଣୀ ସାହେବାଙ୍କ ଅନ୍ତିମ ଦର୍ଶନ କରିଥିଲେ । ଶନିବାର ଚେନ୍ନାଇର ଏକ ଘରୋଇ ମେଡିକାଲରେ ଚିକିତ୍ସାଧୀନ ଅବସ୍ଥାରେ ଶେଷ ନିଶ୍ବାସ ତ୍ୟାଗ କରିଥିଲେ ସୁଜ୍ଞାନ ଦେଓ  । 

ଇଟିଭି ଭାରତ, ବ୍ରହ୍ମପୁର