ନୂଆପଡାରେ ଧୁମଧାମରେ ହିନ୍ଦୁ ନବବର୍ଷ ପାଳିତ, ସାମିଲ ହେଲେ ପ୍ରାର୍ଥୀ - HINDU NEW YEAR 2024

HINDU NEW YEAR: ନୂଆପଡା: ରାଷ୍ଟ୍ରୀୟ ହିନ୍ଦୁ ନବବର୍ଷ । ଏହାକୁ ସମଗ୍ର ଭାରତ ବର୍ଷରେ ବେଶ୍ ଧୁମଧାମରେ ପାଳନ କରାଯାଇଥିବା ବେଳେ ଏଥିରୁ ବାଦ ପଡ଼ିନାହିଁ ନୂଆପଡା ଜିଲ୍ଲା ସଂସ୍କୃତି ସଂପନ୍ନ ଖଡ଼ିଆଳ ସହର । ଜିଲ୍ଲାର ତିନି ପ୍ରମୁଖ ଦଳର ନେତା ସମସ୍ତେ ମିଳିତ ଭାବରେ ଏହି ହିନ୍ଦୁ ନବ ବର୍ଷ ପାଳନ କରିଛନ୍ତି । ରାଷ୍ଟ୍ରୀୟ ନବର୍ଷ ଉପଲକ୍ଷେ ଏକ ବିଶାଳ ସାଂସ୍କୃତିକ ଶୋଭାଯାତ୍ରାରେ ତିନି ପ୍ରମୁଖ ଦଳର ନେତାମାନେ ଏକତ୍ରିତ ହୋଇ ନଗର ପରିକ୍ରମା କରିଛନ୍ତି । ପରେ ବାଜା ସଂକୀର୍ତ୍ତନ ଘଣ୍ଟ ବାଦ୍ୟର ତାଳେ ତାଳେ ବାଣ ରୋଷଣୀ ବଜାଇ ସହର ପରିକ୍ରମା କରିଛନ୍ତି । ହିନ୍ଦୁ ନବବର୍ଷ ସମସ୍ତଙ୍କ ପାଇଁ ସୁଖ ସମୃଦ୍ଧି ଆଣିଦେଉ ବୋଲି ପରସ୍ପରକୁ ଶୁଭେଚ୍ଛା ବାର୍ତ୍ତା ଦେଇଛନ୍ତି । ଏନେଇ ନଗରବାସୀ ଖଡ଼ିଆଳ ଆଜାଦ ଛକ,ପଟ୍ଟନାୟକ ପଡା ଛକ,ଥାନା ଛକ,ପୁରୁଣା ବସ ଷ୍ଟାଣ୍ଡ ଛକ,ଗୁରୁ ନାନକ ଛକ,ବ୍ଲକ ଛକ ସ୍ଥାନ ଗୁଡିକରେ ମହିଳାମାନେ ପୁଷ୍ପ ବୃଷ୍ଟି କରି ହିନ୍ଦୁ ନବବର୍ଷ ଶୋଭାଯାତ୍ରାକୁ ସ୍ୱାଗତ କରିଛନ୍ତି । ସେହିପରି ସ୍ଥାନେ ସ୍ଥାନେ ସମାଜସେବୀମାନେ ମୃଦୁ ପାନୀୟ ଜଳ,ଜଳଖିଆ,ମିଠା ବଣ୍ଟନ କରିଛନ୍ତି । ତେବେ ତିନି ପ୍ରମୁଖ ଦଳର ବିଧାୟକ,ସାଂସଦ ପ୍ରାର୍ଥୀମାନେ ଏକତ୍ରିତ ହିନ୍ଦୁ ନବବର୍ଷ ପାଳନ କରୁଥିବା ଦୃଶ୍ୟ ସହରବାସୀଙ୍କୁ ଆଶ୍ଚର୍ଯ୍ୟ କରିଛି । ନେତାଙ୍କ ଏଭଳି ଭାଇଚାରା ଦୃଶ୍ୟକୁ ସହରବାସୀ ପ୍ରଶଂସା କରିଛନ୍ତି ।

ଏହା ମଧ୍ୟ ପଢନ୍ତୁ-ବାଲୁକା କଳାରେ ରାଷ୍ଟ୍ରୀୟ ନବବର୍ଷର ଶୁଭେଚ୍ଛା ଜଣାଇଲେ ସୁଦର୍ଶନ

ଇଟିଭି ଭାରତ, ନୂଆପଡା