ରାଜଧାନୀରେ ଭୟଙ୍କର ଅଗ୍ନିକାଣ୍ଡ, ଜଳିଗଲା ଏକ ନମ୍ବର ମାର୍କେଟ

ଭୁବନେଶ୍ୱର: ବିଳମ୍ବିତ ରାତ୍ରିରେ ବଡ଼ ଧରଣର ଅଗ୍ନିକାଣ୍ଡ । ରାଜଧାନୀରେ ହୁତୁ ହୁତୁ ହୋଇ ଜଳିଗଲା ପରିବା ଦୋକାନ ।ଏକ ନମ୍ବର ମାର୍କେଟରେ ଗୋଦାମ ପଡିଆ ନିକଟରେ ଅଗ୍ନିକାଣ୍ଡ ଘଟିଥିବା ବେଳେ ସୌଭାଗ୍ୟବଶତଃ ଏଥିରେ କେହି ମୃତାହତ ହୋଇନାହାନ୍ତି ।

ବିଳମ୍ୱିତ ରାତିରେ ଏକ ନମ୍ବର ମାର୍କେଟରେ ଅଗ୍ନିକାଣ୍ଡ: 

ରାତି ପ୍ରାୟ ୧୧ଟା ୩୦ସମୟରେ ମାର୍କେଟରେ ଅଗ୍ନିକାଣ୍ଡ ଘଟିଥିଲା । ମାର୍କେଟରେ ଥିବା ଲୋକେ ଏନେଇ ଅଗ୍ନିଶମ ବିଭାଗକୁ ଫୋନ କରି ଜଣାଇବା ପରେ ଦମକଳ ଓ ଆମ୍ବୁଲାନ୍ସ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ପ୍ରାୟ ୧ ଘଣ୍ଟା ପରେ ନିଆଁକୁ ଆୟତ୍ତ କରିବାରେ ସକ୍ଷମ ହୋଇଥିଲା ଦମକଳ ଟିମ୍ ।

ଏହାମଧ୍ୟ ପଢନ୍ତୁ...

ମଶା ଧୂଆଁରୁ ଅଗ୍ନିକାଣ୍ଡ: ଏନେଇ ପରିବା ବ୍ୟବସାୟିକ ମହାସଂଘର ସଭାପତି କବିରାଜ ସ୍ବାଇଁ କହିଛନ୍ତି,"ରାତି ୧୧.୩୦ ସମୟରେ ନିଆଁ ଲାଗିଥିଲା ।ମଶା ଧୂଆଁ ଲଗାଇ ଶୋଇଥିବା ସମୟରେ ଅଗ୍ନିକାଣ୍ଡ ଘଟିଥିଲା ।ପରିବା ଟ୍ରେରୁ ନିଆଁ ଲାଗିବାରୁ ସେହି ଟ୍ରେରୁ ରୋଷେଇ ଘର ପର୍ଯ୍ୟନ୍ତ ନିଆଁ ବ୍ୟାପିଥିଲା । ପରେ ଧିରେ ଧିରେ ନିଆଁ ଚାରିଆଡକୁ ବ୍ୟାପିଥିଲା । କୌଣସି କ୍ଷୟକ୍ଷତି ହୋଇନାହିଁ କେବଳ ଦୋକାନ ଗୃହ ଓ ଆସବାବପତ୍ର ଯାହା ନଷ୍ଟ ହୋଇଛି ।
ଇଟିଭି ଭାରତ, ଭୁବନେଶ୍ୱର