ପରଲୋକରେ ରାମୋଜୀ ରାଓ, ଇଟିଭି ଭାରତ ଓଡ଼ିଶା ବ୍ୟୁରୋ ଅଫିସ ପକ୍ଷରୁ ଶ୍ରଦ୍ଧାଞ୍ଜଳି - Tribute To Ramoji Rao

Tributes To Ramoji Rao: ଭୁବନେଶ୍ବର: ପରଲୋକରେ ମିଡିଆ ଓ ଫିଲ୍ମ ଦୁନିଆ ବେତାଜ ବାଦଶାହ ତଥା ‘ରାମୋଜୀ ଗ୍ରୁପ’ ପ୍ରତିଷ୍ଠାତା ତଥା ଅଧ୍ୟକ୍ଷ ସି. ରାମୋଜୀ ରାଓ । ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଆଜି (ଶନିବାର) ଭୋର ପ୍ରାୟ 4ଟା 50 ମିନିଟରେ ସେ ଶେଷନିଶ୍ବାସ ତ୍ୟାଗ କରିଛନ୍ତି । ତାଙ୍କ ପାର୍ଥିବ ଶରୀର ଫିଲ୍ମ ସିଟି ସ୍ଥିତ ବାସଭବନକୁ ଅଣାଯାଇଛି । ସେଠାରେ ତାଙ୍କ ଶୁଭେଚ୍ଛୁ, ପ୍ରଶଂସକ, କର୍ମଚାରୀ ଏବଂ ବିଭିନ୍ନ ବିଶିଷ୍ଟ ବ୍ୟକ୍ତିବିଶେଷ ପହଞ୍ଚି ଶେଷ ଦର୍ଶନ କରୁଛନ୍ତି । ତାଙ୍କ ଦେହାନ୍ତରେ ସାରା ଦେଶ ଶ୍ରଦ୍ଧାଞ୍ଜଳି ଜଣାଉଥିବା ବେଳେ ଓଡିଶାର 'ଇଟିଭି' ବ୍ୟୁରୋ ଅଫିସ ପକ୍ଷରୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି । କାର୍ଯ୍ୟାଳୟର କର୍ମକର୍ତ୍ତାମାନେ ରାମୋଜୀ ରାଓଙ୍କ ଫଟୋରେ ପୁଷ୍ପମାଲ୍ୟା ଅର୍ପଣ ସହ ଶ୍ରଦ୍ଧାଞ୍ଜଳି ଜଣାଇଛନ୍ତି ଓ ତାଙ୍କର ସ୍ମୃତି ଚରଣ କରିଛନ୍ତି । 

ଇଟିଭି ଭାରତ, ଭୁବନେଶ୍ବର