ପ୍ରତିଶ୍ରୁତି ଦେଇ ଭୁଲିଯାଉଥିବା ନେତାଙ୍କୁ ଦେବୁନି ଭୋଟ: ଜନତା

ନୂଆପଡା: ନିର୍ବାଚନ ଆଚରଣ ବିଧି ଲାଗୁ ହେବା ପରେ ଗାଁଗୁଡିକରେ ନିର୍ବାଚନ ଚର୍ଚ୍ଚା ଜୋର ଧରିଛି । ଲୋକେ ଚା ଦୋକାନ ପାନ ଦୋକାନରେ ବସି ନିଜ ନିଜ ମଧ୍ୟରେ ରାଜନୀତି ଚର୍ଚ୍ଚା କରୁଥିବା ଦେଖାଦେଇଛି । ଗ୍ରାଉଣ୍ଡ ଜିରୋରେ ନିର୍ବାଚନ ପାଣିପାଗ ପରଖିବା ପାଇଁ ସାନ ମହେଶ୍ୱର ବଷ୍ଟାଣ୍ଡରେ ପହଞ୍ଚିଛନ୍ତି ଆମ ନୂଆପଡା ପ୍ରତିନିଧି ମୋତିଲାଲ ବାଗ । ସେଠାରେ କିଛି ବରିଷ୍ଠ ନାଗରିକଙ୍କ ସହିତ ନିର୍ବାଚନ ପାଣିପାଗ ଉପରେ ଆଲୋଚନା କରିଛନ୍ତି । ଲୋକେ ନିର୍ବାଚନକୁ ନେଇ ସଚେତନ ରହିଥିବା ବେଳେ, ଏଥର ମନ ପସନ୍ଦର ପ୍ରାର୍ଥୀକୁ ଭୋଟ ଦେଇ ବିଜୟୀ କରିବେ ବୋଲି କହିଛନ୍ତି । ଲୋକମାନଙ୍କ କହିବାନୁଯାୟୀ,  ନେତାଏ ନିର୍ବାଚନ ସମୟ ଆସିଲେ ଗାଁ ମୁହାଁ ହୋଇଥାନ୍ତି । ପିଲା ଠାରୁ ବୟସ୍କ ସମସ୍ତଙ୍କୁ ମୁଣ୍ଡିଆ ମାରି ନେହୁରା ହୋଇଥାନ୍ତି । ଗାଁ ସମସ୍ୟାର ସମାଧାନ ନେଇ ଅନେକ ପ୍ରତିଶ୍ରୁତି ମଧ୍ୟ ଦେଇଥାନ୍ତି । ହେଲେ ନିର୍ବାଚନ ଶେଷ ହୋଇଗଲେ ନେତାଙ୍କ ଆଉ ଦେଖା ମିଳେନାହିଁ । 

ସେହିଭଳି ସରକାର ଯୋଜନା ଉପରେ ଯୋଜନା କରି ଚାଲିଥିବା ବେଳେ ଚାଷୀଙ୍କ ପାଇଁ କିଛି କରୁନଥିବା ବରିଷ୍ଠ ଚାଷୀମାନେ ମତ ଦେଇଛନ୍ତି । ଏଥର ପ୍ରତିଶ୍ରୁତି ଦେଇ ଭୁଲିଯାଉଥିବା ନେତାଙ୍କୁ ଭୋଟ ଦେବେ ନାହିଁ । ଯିଏ ଚାଷୀଙ୍କ ହିତ ପାଇଁ କାମ କରିବ ତାକୁ ଭୋଟ ଦେବେ ବୋଲି ନିର୍ବାଚନୀ ଚର୍ଚ୍ଚାରେ ପ୍ରକାଶ କରିଛନ୍ତି । 
 

ଇଟିଭି ଭାରତ, ନୂଆପଡା