ବୁଥରେ ପହଞ୍ଚିଲେ ପୋଲିଂ କର୍ମଚାରୀ, ଆସିକା ସଂସଦୀୟ କ୍ଷେତ୍ରର କାଲି ପଡ଼ିବ ଭୋଟ୍ - ELECTION PREPARATION IN ganjam

ଗଞ୍ଜାମ/ଆସିକା: ରାଜ୍ୟରେ ଦ୍ବିତୀୟ ପର୍ଯ୍ୟାୟର ମତଦାନ ପାଇଁ ଆସନ୍ତାକାଲି ପଡ଼ିବ ଭୋଟ । ଏନେଇ ଗଞ୍ଜାମ ଜିଲ୍ଲାର ଆସିକା ସଂସଦୀୟ କ୍ଷେତ୍ରର ସମସ୍ତ ମତଦାନ କେନ୍ଦ୍ରରେ ପହଞ୍ଚିଛନ୍ତି ନିର୍ବାଚନ ପରିଚାଳନା ଅଧିକାରୀ । ଆସନ୍ତାକାଲି ସକାଳ ସମୟରେ ମତଦାନ ଆରମ୍ଭ ହେବାକୁ ଥିବାବେଳେ ଏହା ପୂର୍ବରୁ ନିର୍ବାଚନ ପରିଚାଳନା କରିବା ପାଇଁ ଦାୟିତ୍ୱରେ ରହିଥିବା ପ୍ରିଜାଇଡିଂ ଓ ପୋଲିଂ ଅଧିକାରୀମାନେ ଇଭିଏମ, ଭିଭିପାଟ ଠାରୁ ଆରମ୍ଭ କରି ସମସ୍ତ କାଗଜପତ୍ର ଧରି ମତଦାନ କେନ୍ଦ୍ରରେ ପହଞ୍ଚିଛନ୍ତି ।

ସେପଟେ ଯେଭଳି ଶାନ୍ତିପୂର୍ଣ୍ଣ, ଅବାଧ ଓ ନିରପେକ୍ଷ ଭାବରେ ମତଦାନ କରିବେ ସେ ନେଇ ସମସ୍ତ ପ୍ରକାର ପଦକ୍ଷେପ ଗ୍ରହଣ କରିଛି ଜିଲ୍ଲା ପ୍ରଶାସନ । ଆସନ୍ତାକାଲି ଆସିକା ଲୋକସଭା ଆସନର ୭ଟି ବିଧାନସଭା ସମେତ କନ୍ଧମାଳ ସଂସଦୀୟ କ୍ଷେତ୍ରର ଭଞ୍ଜନଗରେ ଆସନ୍ତାକାଲି ନିର୍ବାଚନ ହେବ । ଏହି ଅବସରରେ ଗଞ୍ଜାମ ଜିଲ୍ଲାର ପୋଲସରା ନିର୍ବାଚନ ମଣ୍ଡଳୀର ମତଦାନ କେନ୍ଦ୍ରରେ ପହଞ୍ଚିଥିବା ପ୍ରିଜାଇଡିଂ ଏବଂ ପୋଲିଂ ଅଧିକାରୀଙ୍କ ସହିତ ଆଲୋଚନା କରିଛନ୍ତି ଆମ ସମ୍ବାଦଦାତା ସମୀର ଆଚାର୍ଯ୍ୟ ।

 
ଇଟିଭି ଭାରତ,ଗଞ୍ଜାମ