ବାଇକକୁ ଧକ୍କା ଦେଇ 1 କିମି ଘୋଷାଡି ନେଲା ଚଳନ୍ତା କାର

Car drags bike: ଭୁବନେଶ୍ବର: ରାଜଧାନୀରେ ସଡକ ଦୁର୍ଘଟଣା । ବାଇକକୁ ଧକ୍କା ଦେବା ପରେ ଘୋଷାଡି ନେଲା ଚଳନ୍ତା କାର ।  ବାଇକ ଆରୋହି ଗୁରୁତର ଆହତ ହୋଇଥିବା ସୂଚନା ମିଳିଛି । ପଟିଆ ଅଞ୍ଚଳରେ ଏହି ଦୁର୍ଘଟଣା ଘଟିଛି । ପ୍ରଥମେ ବାଇକଟିକୁ ଚଳନ୍ତା କାର ଧକ୍କା ଦେବା ପରେ ଚାଳକ ଜଣଙ୍କ ତଳେ ପଡିଯାଇଥିଲେ । ଏହାପରେ ବାଇକଟିକୁ ଏକ କିଲୋମିଟର ପର୍ଯ୍ୟନ୍ତ ଘୋଷାଡି ନେଇଥିଲା କାର । ସେହି ସମୟରେ ସ୍ଥାନୀୟ ଅଞ୍ଚଳର କିଛି ଲୋକ ମୋବାଇଲରେ ଭିଡିଓ ଉତ୍ତୋଳନ କରିଥିଲେ । ଏନେଇ ଖବର ପାଇ ପିସିଆର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ବୁଧବାର ରାତିରେ ଏହି ଘଟଣା ଘଟିଥିଲା । ଆହତ ବ୍ୟକ୍ତିଙ୍କ ପରିଚୟ ମିଳିପାରିନଥିବା ବେଳେ କାର ଚାଳକଙ୍କୁ ପୋଲିସ ଧରିବାରେ ସଫଳ ହୋଇଛି ନା ନାହିଁ ତାହା ଅସ୍ପଷ୍ଟ ରହିଛି ।

ଇଟିଭି ଭାରତ, ଭୁବନେଶ୍ବର