ରାସ୍ତା ଉପରେ ହୁତୁହୁତୁ ହୋଇ ଜଳିଗଲା କାର, ଏପଟେ ପେଟ୍ରୋଲ ପମ୍ପରେ ଭୟଙ୍କର ଅଗ୍ନିକାଣ୍ଡ - Fire Breaks Out At Petrol Pump
![ETV Bharat Odisha Team](https://etvbharatimages.akamaized.net/etvbharat/prod-images/authors/odisha-1716536003.jpeg?imwidth=128)
Published : Jul 30, 2024, 11:06 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/30-07-2024/640-480-22088212-thumbnail-16x9-od.jpg)
Fire Breaks Out At Petrol Pump: ଭୁବନେଶ୍ବର/ନିମାପଡ଼ା: ପେଟ୍ରୋଲ ପମ୍ପ ପାଖରେ ଜଳିଲା କାର । ଭୁବନେଶ୍ୱର ପଟିଆ ଛକ କୋଏଲ କ୍ୟାମ୍ପସ କଡ଼ରେ ଥିବା HP ପେଟ୍ରୋଲ ପମ୍ପ ପାଖରେ ଅଘଟଣ । ଗାଡିରେ ବସିଥିବା ବେଳେ ହଠାତ୍ ଜଳିଉଠିଲା କାର । OD05BD 1531ନମ୍ବର ଗାଡିଟି ନିଆଁ ଲାଗି ଜଳି ଉଠିବା ପରେ ଗାଡିରେ ବସିଥିବା ଯୁବକ ଜଣଙ୍କ ଭୟରେ ଦୌଡ଼ି ପଳାଇଥିଲେ । ଏନେଇ ଖବର ପାଇ ପହଞ୍ଚିଥିଲା ଚନ୍ଦ୍ରଶେଖର ପୁର ଫାୟାରଷ୍ଟେସନ ଟିମ୍ । ନିଆଁକୁ ଆୟତ ପାଇଁ ପ୍ରୟାସ ପରେ ଶେଷରେ ନିଆଁ ଆୟତ ହୋଇଥିଲା । କାରଟି ସମ୍ପୂର୍ଣ୍ଣ ଭାବରେ ଜଳି ଯାଇଥିବା ବେଳେ ନିଆଁ ଲାଗିବାର କାରଣ ଅସ୍ପଷ୍ଟ ରହିଛି ।
ସେହିପରି ପୁରୀ ଜିଲ୍ଲା ନିମାପଡ଼ାସ୍ଥିତ ଏକ ପେଟ୍ରୋଲ ପମ୍ପରେ ଆଜି ସନ୍ଧ୍ୟାରେ ଅଗ୍ନିକାଣ୍ଡ ଘଟିଛି । ସ୍ଥାନୀୟ ଇଣ୍ଡିଆନ ଅଏଲର ଏକ ପେଟ୍ରୋଲ ପମ୍ପରେ ଆଜି ସନ୍ଧ୍ୟା ୬ଟାରେ ନିଆଁ ଲାଗିଥିଲା । ଅଗ୍ନିକାଣ୍ଡ ନେଇ ସୂଚନା ମିଳିବା ପରେ ଅଗ୍ନିଶମ ସେବା ବିଭାଗର ୩ଟି ଗାଡ଼ି ପହଞ୍ଚିଥିଲା । ଦମକଳ ବାହିନୀର କର୍ମଚାରୀମାନେ ଦୀର୍ଘ ସମୟ ଧରି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ । କମ୍ପାନୀର ବୈଷୟିକ ଦଳ ଘଟଣାସ୍ଥଳରେ ପହଞ୍ଚି ପେଟ୍ରୋଲ ପମ୍ପର ଯାଞ୍ଚ କରିଛନ୍ତି । ତେବେ ପେଟ୍ରୋଲ ପମ୍ପରେ ନିଆଁ ଲାଗିଥିବା କାରଣରୁ ଜନସାଧାରଣଙ୍କୁ ସେଠାକୁ ଛଡ଼ାଯାଉନାହିଁ । ସେହିପରି ଆଖପାଖ ଅଞ୍ଚଳକୁ ନିଆଁ ବ୍ୟାପିବା ପାଇଁ ସତର୍କ ବ୍ୟବସ୍ଥା କରାଯାଇଛି । ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ । କ୍ଷୟକ୍ଷତିର ମଧ୍ୟ ଆକଳନ କରାଯାଇ ନାହିଁ ।
ଇଟିଭି ଭାରତ, ଭୁବନେଶ୍ବର/ନିମାପଡ଼ା