କଳାହାଣ୍ଡିରେ ବିଜେଡିର ଶକ୍ତି ପ୍ରଦର୍ଶନ ଓ ମିଶ୍ରଣ ପର୍ବ - Kalahandi Lok Sabha Constituency

Kalahandi Lok Sabha Constituency :ଭବାନୀପାଟଣା: କଳାହାଣ୍ଡି ଜିଲ୍ଲା ଲାଞ୍ଜିଗଡ ନିର୍ବାଚନ ମଣ୍ଡଳୀର ମୁସାନାଲ ଠାରେ ବିଜେଡିର ଶକ୍ତି ପ୍ରଦର୍ଶନ । ହଜାର ହଜାର ଲୋକଙ୍କୁ ନେଇ ଲୋକସଭା ପ୍ରାର୍ଥୀ ଓ ବିଧାୟକ ପ୍ରାର୍ଥୀଙ୍କ ଶୋଭାଯାତ୍ରା । ଟିକେଟ ଘୋଷଣା ପରେ ଲାଞ୍ଜିଗଡ ନିର୍ବାଚନ ମଣ୍ଡଳୀରେ ପ୍ରଚାର ଆରମ୍ଭ କରିଛନ୍ତି ବିଜେଡି ବିଧାୟକ ପ୍ରାର୍ଥୀ ପ୍ରଦୀପ ଦୀଶାରି । ମୁସନାଲ ଜଗନ୍ନାଥ ମନ୍ଦିର ଦର୍ଶନ ପରେ ସେଠାରୁ ଏକ ବିଶାଳ ଶୋଭାଯାତ୍ରା ଅନୁଷ୍ଟିତ ହୋଇଥିଲା । ଅନୁଷ୍ଟିତ ଶୋଭାଯାତ୍ରାରେ ବିଜେଡି ଲୋକସଭା ପ୍ରାର୍ଥୀ ଲମ୍ବୋଦର ନିଆଲ, ବିଧାୟକ ପ୍ରାର୍ଥୀ ପ୍ରଦୀପ ଦୀଶାରି ସାମିଲ ହୋଇ ମୂଷାନାଲ ଆମ୍ବ ତୋଟାରେ ଅନୁଷ୍ଟିତ ସଭାରେ ପହଞ୍ଚି ଥିଲେ ।

ଅନୁଷ୍ଟିତ କାର୍ୟ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶର ବାର୍ତ୍ତା ଲୋକଙ୍କ ନିକଟରେ ପହଞ୍ଚାଇ ଥିଲେ । ଏହି କାର୍ଯ୍ୟକ୍ରମରେ ହଜାର ହଜାର ଅଞ୍ଚଳବାସୀଙ୍କ ସମେତ ବିଜେଡି ନେତା ଓ କର୍ମୀ ସାମିଲ ହୋଇଥିଲେ । ସେହିପରି ଭବାନୀପାଟଣା ନିର୍ବାଚନ ମଣ୍ଡଳୀ ଅନ୍ତର୍ଗତ ପାଷ୍ଟିଗୁଡ଼ି ଠାରେ ବିଜେଡି ପକ୍ଷରୁ ଏକ  ମିଶ୍ର ପର୍ବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଜେଡି ଲୋକସଭା ପ୍ରାର୍ଥୀ ଲମ୍ବୋଦର ନିଆଲ ଓ ଭବାନୀପାଟଣା ବିଧାୟିକା ପ୍ରାର୍ଥିନୀ ଲଳିତା ନାଏକଙ୍କ ଉପସ୍ଥିତିରେ କଂଗ୍ରେସ ଓ ବିଜେପି ଛାଡି ପ୍ରାୟ ୩୦୦ ସହ କର୍ମୀ ବିଜେଡିରେ ଯୋଗ ଦେଇଥିବା ବେଳେ ଦଳ ପକ୍ଷରୁ ସେମାନଙ୍କୁ ସ୍ଵାଗତ ଓ ସମ୍ବର୍ଦ୍ଧନା ଜଣାଯାଇଛି ।

ଏହା ମଧ୍ୟ ପଢ଼ନ୍ତୁ... ବିଜେପିର ମହିଳା କାର୍ଡ ନା ବିଜେଡି-କଂଗ୍ରେସର ଟାଣୁଆ ନେତା, କାହାର ହେବ କଳାହାଣ୍ଡି ଲୋକସଭା ? - Kalahandi Lok Sabha Constituency

ଇଟିଭି ଭାରତ, କଳାହାଣ୍ଡି