ପ୍ରଚାର ମୈଦାନରେ ବିଜେଡି ବିଧାୟକ ପ୍ରାର୍ଥୀ ରୁଦ୍ର ପ୍ରତାପ ମହାରଥୀ - ELECTION CAMPAIGN

BJD Election Campaign: ନିମାପଡ଼ା: ଆଗାମୀ ସାଧାରଣ ନିର୍ବାଚନକୁ ନେଇ ପିପିଲିରେ ବିଜେଡି ପକ୍ଷରୁ ଜାରି ରହିଛି ଜୋରଦାର ପ୍ରଚାର । ପିପିଲି ବିଧାୟକ ପ୍ରାର୍ଥୀ ରୁଦ୍ରପ୍ରତାପ ମହାରଥୀଙ୍କ ନେତୃତ୍ୱରେ ଶତାଧିକ କର୍ମୀ ବାଇକ ଶୋଭାଯାତ୍ରାରେ ଘରକୁ ଘର ବୁଲି ଦଳ ସପକ୍ଷରେ ଭୋଟ ମାଗୁଛନ୍ତି ।  

ଆଜି ସକାଳେ ଉତ୍ତରା ଛକ ଦୁଲାଦେଇ ମନ୍ଦିରରେ ପୂଜାର୍ଚ୍ଚନା କରିବା ପରେ ପୂବା, ଗୋବିନ୍ଦପୁର, ଦୁର୍ଗାଦାଶପୁର ଆଦି ପଞ୍ଚାୟତର ବିଭିନ୍ନ ଗ୍ରାମ ପରିକ୍ରମା କରିଥିଲେ ରୁଦ୍ର । ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ସକାଳେ ଓ ସନ୍ଧ୍ୟାରେ ପ୍ରଚାର କରାଯାଉଛି। ଗାଁ ଗାଁରେ ବିଜେଡିକୁ ବିପୁଳ ସମର୍ଥନ ମିଳୁଥିବା ରୁଦ୍ର କହିଛନ୍ତି । ତେବେ ପିପିଲିର ବିଜେଡି ବିଧାୟକ ପ୍ରାର୍ଥୀ ରୁଦ୍ର ପ୍ରତାପ ମହାରଥୀ କହିଛନ୍ତି " ପିପିଲି ନିର୍ବାଚନ ମଣ୍ଡଳୀର ପୂବା ଶାସନ ଗ୍ରାମ ପଞ୍ଚାୟତରେ ୪୦ ଡିଗ୍ରୀ ତାପମାତ୍ରା ଖରାରେ ଏତେ ତାତିରେ ଏତେ ସଂଖ୍ୟାରେ ମା' ମାନେ ମୁରବିମାନେ, ଯୁବ ବନ୍ଧୁମାନେ ଅନେକ ଉତ୍ସାହ ଉଦ୍ଦୀପନା ସହିତ ଯୋଗ ଦେଇଛନ୍ତି । ଲୋକଙ୍କ ସମର୍ଥନ ମିଳୁଥିବାରୁ ଆଗାମୀ ନିର୍ବାଚନରେ ବିଜେଡିର ବିଜୟ ହେବ।"         

ଇଟିଭି ଭାରତ, ନିମାପଡ଼ା