ନବରଙ୍ଗପୁର ବିଧାନସଭା ପାଇଁ କୌଶଲ୍ୟା ପ୍ରଧାନୀଙ୍କୁ ପ୍ରାର୍ଥୀ କଲା ବିଜେଡି - ODISHA ASSEMBLY ELECTION 2024

Kaushalya Pradhani As BJD Candidate For Nabarangpur Constituency Assembly : ନବରଙ୍ଗପୁର: ପ୍ରକାଶ ପାଇଛି ବିଜେଡିର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା । ପ୍ରାର୍ଥୀମାନଙ୍କ ନାଁ ଘୋଷଣା କରିଛନ୍ତି ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଥମ ପର୍ଯ୍ୟାୟରେ ବିଜେଡି 9ଟି ଲୋକସଭା ଏବଂ 72ଟି ବିଧାନସଭା ଆସନରେ ପ୍ରାର୍ଥୀ ଘୋଷଣା କରିଛି । ନବରଙ୍ଗପୁର ବିଧାନସଭା ଆସନ ପାଇଁ ବିଜେଡି ଦେଇଛି ନୂଆ ଚେହେରା । ବର୍ତ୍ତମାନର ବିଧାୟକ ସଦାଶିବ ପ୍ରଧାନୀଙ୍କ ସ୍ତ୍ରୀ କୌଶଲ୍ୟା ପ୍ରଧାନୀଙ୍କୁ ଦଳ ପ୍ରାର୍ଥୀ କରିଛି । 

ଏହା ମଧ୍ୟ ପଢନ୍ତୁ... ବିଜେଡିର ପ୍ରଥମ ପ୍ରାର୍ଥୀ ତାଲିକା: ହିଞ୍ଜିଳିକାଟୁରୁ ମୁଖ୍ୟମନ୍ତ୍ରୀ ନବୀନ, ସମ୍ବଲପୁରରୁ ପ୍ରଣବ ପ୍ରକାଶ - General Elections 2024

ଏନେଇ କୌଶଲ୍ୟା କହିଛନ୍ତି ଯେ ତାଙ୍କ ଉପରେ ଆସ୍ଥା ପ୍ରକଟ କରି ଟିକେଟ ଦେଇଥିବାରୁ ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେଇଛନ୍ତି । ଏଥିସହ ସେ ରାଜନୀତିରେ ନବାଗତ ହୋଇଥିଲେ ମଧ୍ୟ ସେ ଗତ ପାଞ୍ଚ ବର୍ଷ ନିଜ ସ୍ବାମୀ ସଦାଶିବ ପ୍ରଧାନୀଙ୍କ ସହିତ ରହି ରାଜନୀତିକୁ ଅତି ପାଖରୁ ଦେଖିଛନ୍ତି । ଲୋକ ତଥା ଦଳୀୟ କାର୍ଯ୍ୟକ୍ରମ ରେ ପ୍ରତ୍ୟକ୍ଷ ଭାବେ ଜଡିତ ହୋଇ କାର୍ଯ୍ୟକରି ଥିବାରୁ ନିର୍ବାଚନ ରେ ଲଢ଼ିବାରେ କୌଣସି ଅସୁବିଧା ହେବନାହିଁ ବୋଲି କହିଛନ୍ତି । କୌଶଲ୍ୟାଙ୍କୁ ଟିକେଟ ଦେବାପରେ ବିଜେଡି କର୍ମୀମାନେ ଘରକୁ ଯାଇ ଫୁଲ ତୋଡା ଦେଇ ଶୁଭେଚ୍ଛା ଜଣାଇଛନ୍ତି ।

ଇଟିଭି ଭାରତ, ନବରଙ୍ଗପୁର