ବିଜେଡି ଦଖଲକୁ ଗଲା ଭାପୁର, ବାଜି ମାରିଲେ ସାବିତ୍ରୀ ପ୍ରଧାନ - Bhapur Block Chairman Election

ନୟାଗଡ: ଉପନିର୍ବାଚନରେ ଭାପୁର ବ୍ଲକରେ ବିଜେଡିର ବାଜିମାତ । ପୁଣିଥରେ ଗଡ଼ ଜିତିଛନ୍ତି ସାବିତ୍ରୀ ପ୍ରଧାନ । ନିଦ୍ବନ୍ଦ୍ବରେ ଭାପୁର ବ୍ଲକର ଅଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି ସାବିତ୍ରୀ । ମୋଟ ୨୦ ଜଣ ସମିତି ସଭ୍ୟାଙ୍କ ମଧ୍ୟରୁ ସାବିତ୍ରୀଙ୍କ ସପକ୍ଷରେ ୧୬ ଜଣ ସମିତି ସଭ୍ୟା ରହିଥିଲେ । ଆଜି ନିର୍ଦ୍ଧାରିତ ପ୍ରାର୍ଥୀ ପତ୍ର ଦାଖଲ ପାଇଁ ସାବିତ୍ରୀ ଏକାକୀ ପ୍ରାର୍ଥୀ ପତ୍ର ଦାଖଲ କରିଥିଲେ । ବିରୋଧୀ ଦଳ ପକ୍ଷରୁ କୌଣସି ପ୍ରାର୍ଥୀ ପ୍ରାର୍ଥୀ ପତ୍ର ଦାଖଲ କରିନଥିଲେ । ସାବିତ୍ରୀ ପ୍ରଧାନ ପୁଣି ଥରେ ଭାପୁର ବ୍ଲକ ଅଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି ।  

ସୂଚନାନୁସାରେ ଗତ ପଞ୍ଚାୟତ ନିର୍ବାଚନ ସମୟରେ ଭାପୁର ବ୍ଲକର ଅଧ୍ୟକ୍ଷା ଭାବେ ସାବିତ୍ରୀ ପ୍ରଧାନ ନିର୍ବାଚିତ ହୋଇଥିଲେ । ଗତ ବିଧାନ ସଭା ନିର୍ବାଚନରେ ବିଜୁ ଜନତା ଦଳ ସାବିତ୍ରୀ ପ୍ରଧାନଙ୍କୁ ଖଣ୍ଡପଡ଼ା ନିର୍ବାଚନ ମଣ୍ଡଳୀ ପ୍ରାର୍ଥୀ କରିଥିଲା । ସାବିତ୍ରୀ ଏଥି ନିମନ୍ତେ ନିଜ ପଦବୀରୁ ଇସ୍ତଫା ଦେଇଥିଲେ । ଏହା ପର ଠାରୁ ଏହି ପଦବୀଟି ଖାଲି ପଡିଥିଲା । ଆଜି ନିର୍ବାଚନ ଥ‌ିବାରୁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଥିଲା । ଶାନ୍ତି ଶୃଙ୍ଖଳାର ସହିତ ଭାପୁର ବ୍ଲକ ଅଧ୍ୟକ୍ଷା ନିର୍ବାଚନ ଶେଷ ହୋଇଛି ।

ଏହା ମଧ୍ୟ ପଢନ୍ତୁ: ଜିଲ୍ଲା ପରିଷଦ ନିର୍ବାଚନ; କେନ୍ଦ୍ରାପଡାରେ ଜିତିଲା ବିଜେଡି, ଲିଲିତା ଦାସ ଅଧ୍ୟକ୍ଷା ନିର୍ବାଚିତ

ଇଟିଭି ଭାରତ, ନୟାଗଡ