ବିଜେଡି ଗଡ଼ ହାତେଇବାକୁ ବିଜେପି ପ୍ରାର୍ଥୀଙ୍କ ପ୍ରୟାସ, ଘରକୁ ଘର ବୁଲି ଅଶୋକଙ୍କ ଭୋଟ ଭିକ୍ଷା - Election Campaign By BJP

Election Campaign By BJP: ଅନୁଗୋଳ: ପ୍ରଚାର ମୈଦାନରେ ନେତା । ଭୋଟରଙ୍କ ମନ ଜିଣି ତାଙ୍କ ନିକଟତର ହେବା ପାଇଁ ଚଳାଇଛନ୍ତି ପ୍ରୟାସ । ନିଜ ନିଜ ସମର୍ଥକ ଓ କର୍ମୀଙ୍କୁ ସାଙ୍ଗରେ ଧରି ଭୋଟ୍ ଭିକ୍ଷା କରୁଛନ୍ତି । ପାଲଲହଡା ନିର୍ବାଚନ ମଣ୍ଡଳୀର ବିଜେପି ପ୍ରାର୍ଥୀ ଅଶୋକ ମହାନ୍ତି ମଧ୍ୟ ଚଳାଇଛନ୍ତି ଜୋରଦାର ପ୍ରଚାର । ହାତରେ ପ୍ରଚାର ପତ୍ର ଧରି ଲୋକଙ୍କୁ ଦେବା ସହ ପଦ୍ମ ଫୁଲ ଚିହ୍ନରେ ଭୋଟ୍ ଦେବାକୁ ଅପିଲ କରିଛନ୍ତି । ଅଶୋକ ହେଉଛନ୍ତି ଏ ଅଞ୍ଚଳର ଜଣାଶୁଣା ବିଜେପି ନେତା । ଏଠାରୁ ସେ ଦୁଇଥର ବିଜେପି ବିଧାୟକ ପ୍ରାର୍ଥୀ ଭାବେ ଲଢ଼ି ପରାସ୍ତ ହୋଇଛନ୍ତି । ହେଲେ ଦଳ ତାଙ୍କ ଉପରେ ପୁଣି ଭରସା କରିଛି । 

ତେଣୁ ମୋଦିଙ୍କ ଯୋଜନା କିଭଳି ଲୋକଙ୍କ ପାଖରେ ପହଞ୍ଚାଇବେ ତାକୁ ଲକ୍ଷ୍ୟ ରଖି କାମ କରିବେ ବୋଲି କହିଛନ୍ତି ଅଶୋକ । ରାଜ୍ୟ ସରକାରଙ୍କୁ କଟୁ ସମାଲୋଚନା କରିଛନ୍ତି ଅଶୋକ । ସେ କହିଛନ୍ତି," ବିଗତ 25 ବର୍ଷ ଏ ଅଞ୍ଚଳ ବିଜେଡି କ୍ଷମତାରେ ଥିବାବେଳେ ଏଠାରେ ସଠିକ ଭାବେ କିଛି ବିକାଶ ହୋଇନାହିଁ । ତେଣୁ ଲୋକେ ମନ ବଦଳାଇଛନ୍ତି।" ଆଗାମୀ ଦିନରେ ତାଙ୍କୁ ଆଶୀର୍ବାଦ କଲେ ସେ ଅଞ୍ଚଳର ବିକାଶ ଦିଗରେ କାର୍ଯ୍ୟ କରିବେ ବୋଲି କହିଛନ୍ତି ।

 
ଇଟିଭି ଭାରତ, ଅନୁଗୋଳ