ପାଣ୍ଡିଆନଙ୍କ ଶୋ' ପରେ ବିଜେପିର ବିଶାଳ ବାଇକ ରାଲି - Campaigning In Angul

Campaigning In Angul: ଅନୁଗୋଳ: ଉଠୁଛି ପଡୁଛି ପ୍ରଚାର ମଇଦାନ। ଗୋଟିଏ ପଟେ ବିଜେଡି ପାଇଁ ପାଣ୍ଡିଆନ ପ୍ରଚାର କରୁଥିବାବେଳେ ଅନ୍ୟପଟେ ଦମ୍ ଦେଖାଇଛି ବିଜେପି। ଅନୁଗୋଳ ବିଧାନସଭା ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ପ୍ରତାପ ପ୍ରଧାନ ଓ ଢେଙ୍କାନାଳ ଲୋକସଭା ପ୍ରାର୍ଥୀ ରୁଦ୍ର ନାରାୟଣ ପାଣିଙ୍କ ପାଇଁ କରିଛନ୍ତି ବାଇକ ରାଲି। ଗତକାଲି (ମଙ୍ଗଳବାର) ଅନୁଗୋଳ ସହରରେ ବିଜେଡିର ଷ୍ଟାର ପ୍ରଚାରକ ଭିକେ ପାଣ୍ଡିଆନ ଦଳ ପାଇଁ ପ୍ରଚାର କରିଥିଲେ । 

ମଙ୍ଗଳବାର ସନ୍ଧ୍ୟାରୁ ରାତି ପ୍ରାୟ 11ଟା ଯାଏଁ ସହର ସାରା ବିଜେଡି ପକ୍ଷରୁ ହୋଇଥିଲା ରୋଡ୍ ଶୋ'। ଏଥିରେ ବିଜେଡି ନେତା ଭିକେ ପାଣ୍ଡିଆନ ବିଜେଡି ପ୍ରାର୍ଥୀଙ୍କ ପାଇଁ ଭୋଟ୍ ଭିକ୍ଷା କରିଥିଲେ। । ସେପଟେ ବିଜେପି ଯୁବ ମୋର୍ଚ୍ଚା ପକ୍ଷରୁ ମଧ୍ୟ ସହର ପରିକ୍ରମା ହୋଇଛି। ଅନୁଗୋଳ ଶୈଳ ଶ୍ରୀକ୍ଷେତ୍ର ଜଗନ୍ନାଥ ମନ୍ଦିରରୁ ଏହି ଶୋଭାଯାତ୍ରା ବାହାରି ବଜାର ଛକ, ରାଜା ଛକ, ଥାନା ଛକ ଦେଇ ପୁଣି ଜଗନ୍ନାଥ ମନ୍ଦିର ନିକଟରେ ପହଞ୍ଚିଥିଲା। ଦଳୀୟ ପ୍ରାର୍ଥୀଙ୍କୁ ଭୋଟ୍ ଦେଇ ଜିତାଇବା ପାଇଁ ନେତା ଓ କର୍ମୀ ଲୋକଙ୍କୁ ନିବେଦନ କରିଥିଲେ। 

ଇଟିଭି ଭାରତ, ଅନୁଗୋଳ