ନୂଆଦିଲ୍ଲୀ: ଭାରତ ସରକାରଙ୍କ ସାର୍ବଜନୀନ ବା ଲୋକ ସେବା ପ୍ରସାରଣକାରୀ ସଂଗଠନ (Public Sector Broadcaster) ପ୍ରସାର ଭାରତୀ ଏବେ ନିଜସ୍ବ ଓଟିଟି ପ୍ଲାଟଫର୍ମ ଲଞ୍ଚ୍ କରିଛି । ନେଟ୍ଫ୍ଲିକ୍ସ, ଆମାଜନ ପ୍ରାଇମ୍, ଜିଓ ସିନେମା ଏବଂ ହଟ୍ଷ୍ଟାର ଭଳି 'ୱେଭ୍ସ' (Waves)କୁ ସଂଗଠନ ଗୋଆରେ ଆୟୋଜିତ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ ଅଫ ଇଣ୍ଡିଆ 2024(IFFI 2024)ରେ ଲଞ୍ଚ କରାଯାଇଛି । ବିଶେଷ କରି ଭାରତୀୟ ସଂସ୍କୃତିକୁ ପ୍ରୋତ୍ସାହିତ କରିବା ଲାଗି ଏହି ଓଟିଟି ପ୍ଲାଟଫର୍ମ ଲଞ୍ଚ ହୋଇଥିବା ବେଳେ ଏହାକୁ ପ୍ରାଥମିକ ସ୍ତରରେ ନିଶୁଳ୍କ ରଖାଯାଇଛି ।
Prasar Bharati launches the #WAVES #OTT platform at #IFFI !
— PIB India (@PIB_India) November 20, 2024
The platform aims to revive nostalgia while embracing modern digital trends by offering a rich mix of classic content and contemporary programming #IFFI2024 #IFFI55
(1/3) pic.twitter.com/3l3DlRNSE4
'Waves'ର ଉଦ୍ଦେଶ୍ୟ କଣ ?
ଆଣ୍ଡ୍ରଏଡ୍ ଏବଂ ଆଇଓଏସରେ ଉପଲବ୍ଧ ଏହି ଆପ୍ 'ୱେଭ୍ସ' - ପାରିବାରିକ ମନୋରଞ୍ଜନର ନୂତନ ତରଙ୍ଗ' ଟ୍ୟାଗଲାଇନ୍ ଅଧୀନରେ ବିଭିନ୍ନ ବିଷୟବସ୍ତୁ ପ୍ରଦାନ କରିବାକୁ ଲକ୍ଷ୍ୟ ରଖିଛି । ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତଙ୍କ ଦ୍ବାରା ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (IFFI)ର ଉଦଘାଟନୀ ସମାରୋହରେ ଏହି ପ୍ଲାଟଫର୍ମ ଉନ୍ମୋଚିତ କରାଯାଇଛି । ଏହି ଆପ୍କୁ ଗୋଆ ମୁଖ୍ୟମନ୍ତ୍ରୀ ଭାରତୀୟ ମନୋରଞ୍ଜନ ଶିଳ୍ପ ପାଇଁ ଏକ ଗୁରୁତ୍ବପୂର୍ଣ୍ଣ ମୁହୂର୍ତ୍ତ ବୋଲି କହିଛନ୍ତି ।
| ଏହା ବି ପଢନ୍ତୁ |
କେଉଁ ଭାଷାରେ ପ୍ରସାରଣ ?
‘ୱେଭ୍ସ’ ପ୍ଲାଟଫର୍ମରେ ୟୁଜର ହିନ୍ଦୀ, ଇଂରାଜୀ, ବଙ୍ଗାଳୀ, ମରାଠୀ, କନ୍ନଡ, ମାଲାୟାଲାମ, ତେଲେଗୁ, ତାମିଲ, ଗୁଜୁରାଟୀ, ପଞ୍ଜାବୀ ଏବଂ ଆସାମି ଭଳି 12 ଭାଷାରେ କଣ୍ଟେଣ୍ଟ ଦେଖିପାରିବେ । ଏଥିରେ 65ଟି ଲାଇଭ୍ ଟିଭି ଚ୍ୟାନେଲ୍, ଭିଡିଓ-ଅନ୍-ଡିମାଣ୍ଡ, ଫ୍ରି-ଟୁ-ପ୍ଲେ ଗେମ୍ ଏବଂ ONDC ସହଯୋଗରେ ଅନଲାଇନ୍ ସପିଂ ଅନ୍ତର୍ଭୁକ୍ତ । ଏ ନେଇ ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ସଞ୍ଜୟ ଜାଜୁ କହିଛନ୍ତି, "ସରକାରଙ୍କ ଡିଜିଟାଲ ଭାରତ ସ୍ବପ୍ନ ଲାଗି ୱେଭ୍ସ OTT ଏକ ଗୁରୁତ୍ବପୂର୍ଣ୍ଣ ପଦକ୍ଷେପ । ଏହା ଗ୍ରାମୀଣ ଦର୍ଶକଙ୍କୁ ଭାରତନେଟ୍ ମାଧ୍ୟମରେ ବିଭିନ୍ନ ପ୍ରକାର ବିଷୟବସ୍ତୁ ପହଞ୍ଚାଇ ଡିଜିଟାଲ ମିଡିଆ ଏବଂ ମନୋରଞ୍ଜନ ମଧ୍ୟରେ ବ୍ୟବଧାନକୁ ଦୂର କରିବ ବୋଲି ଆଶା କରାଯାଇଛି ।"
WAVES is finally here!
— DD News (@DDNewslive) November 20, 2024
Explore WAVES, the new OTT platform by Prasar Bharati, for FREE. Stream old Doordarshan favourites like Ramayan and Mahabharat and the latest releases like Fauji 2.O. What’s more?
You can now listen to radio programs & devotional songs, read books, play… pic.twitter.com/TyZ8VgbVLp
'Waves'ରୁ ୟୁଜର କଣ ସୁବିଧା ପାଇବେ ?
- ଏଠାରେ ଦେଶର ମହାନ ବ୍ୟକ୍ତି ଓ ଐତିହାସିକ ଘଟଣାବଳୀ ଉପରେ ଇ-ବୁକ୍ସ ଉପଲବ୍ଧ । ଯାହାକୁ ଆପଣ ପଢିପାରିବେ ।
- ଏଥିରେ ଟାଇମଲେସ୍ ଶୋ' ମଧ୍ୟ ଉପଲବ୍ଧ । 80 ଓ 90 ଦଶକର ଦୂରଦର୍ଶନର ଲୋକପ୍ରିୟ ଶୋ' ଯେପରିକି ମହାଭାରତ, ରାମାୟଣ, ଶକ୍ତିମାନକୁ ୟୁଜର ଲାଇବ୍ରେରୀ ସେକ୍ସନ ଯାଇ ଦେଖିପାରିବେ । ଏପରିକି ଦେଶର ପ୍ରଥମ ଟେଲିଭିଜନ ଶୋ' 'ହମ ଲୋଗ୍' ମଧ୍ୟ ଏହି ଆପ୍ରେ ଉପଲବ୍ଧ ।
- କ୍ରାଇମଠୁ ଆରମ୍ଭ କରି ହରର୍, ଆକ୍ସନ, କମେଡି ସବୁ ପ୍ରକାରର ଫିଲ୍ମକୁ ଆପଣ ଏହି ଆପ୍ରେ ପାଇବେ ।
- ଏଥିରେ ଆପଣ ଇଭେଣ୍ଟଗୁଡ଼ିକୁ LIVE ଦେଖିପାରିବେ । ଯେପରିକି ଆପଣ ଅଯୋଧ୍ୟାରୁ ପ୍ରଭୁ ଶ୍ରୀରାମଙ୍କ ଆଳତୀ ଦେଖିପାରିବେ । ଚଳିତ ମାସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ 'ମନ୍ କି ବାତ୍' ଶୁଣିପାରିବେ ।
- ଭାରତ ସରକାରଙ୍କ ଏହି OTT ଆପ୍ରେ 'ମଙ୍କି କିଙ୍ଗ - 'ଦ ହିରୋ ଇଜ୍ ବ୍ୟାକ୍', 'ଫୌଜା', 'ଥୋଡେ ଦୂର୍ ଥୋଡେ ପାସ୍', 'ଭେଦ୍ ଭରମ୍', 'ଭାରତ କା ଅମୃତ କଲସ', 'ଦଶମି', 'କର୍ପୋରେଟ ସରପଞ୍ଚ', 'ଜାନକୀ', 'ଛୋଟା ଭୀମ', 'ଆକବର ବିରବଲ' ଆଦି ଦେଖିପାରିବେ ।
'Waves'ର କିଛି ଲାଇଭ ଚ୍ୟାନେଲ:-
- ଡିଡି ଇଣ୍ଡିଆ
- ଡିଡି କିସାନ୍
- ଡିଡି ସମ୍ବାଦ
- ଡିଡି ଭାରତୀ
- ବି4ୟୁ ଭୋଜପୁରୀ
- ବି4ୟୁ କଡକ
- ବି4ୟୁ ମ୍ୟୁଜିକ୍
- 9XM ମ୍ୟୁଜିକ୍
- ଦିବ୍ୟା
- ପିଟାରା ମୁଭିଜ୍
For decades, Prasar Bharati has brought stories that inspire, unite, and connect us. Now, it’s time to turn the page to the next chapter with WAVES OTT.
— Prasar Bharati Archives प्रसार भारती अभिलेखागार (@centralarchives) November 20, 2024
⭐️No subscription required
Download now
Android : https://t.co/CVq1EJhFVR…
iOS : https://t.co/WSOduWDOAA…@waves_pb pic.twitter.com/7k8tPUyfSa
କିପରି ଡାଉନଲୋଡ କରିବେ Waves ?
ଆଣ୍ଡ୍ରଏଡ୍ ୟୁଜର ଗୁଗୁଲ୍ ପ୍ଲେ ଷ୍ଟୋରରୁ ଏବଂ ଆଇଓଏସରେ ଆପଲ୍ ଆପ୍ ଷ୍ଟୋରରୁ 'ୱେଭ୍ସ' ଡାଉନଲୋଡ୍ କରିପାରିବେ ।
କାହାକୁ ଦେବ ଟକ୍କର ?
OTT ପ୍ଲାଟଫର୍ମରେ ପୂର୍ବରୁ ଅନେକ ଆପ୍ ନିଜର ଲୋକପ୍ରିୟତା ହାସଲ କରିସାରିଛନ୍ତି । ନେଟଫ୍ଲିକ୍ସ, ଜିଓ ସିନେମା, ପ୍ରାଇମ ଭିଡିଓ, ଡିଜନି ପ୍ଲସ ହଟଷ୍ଟାର (ଏବେ ଜିଓଷ୍ଟାର), ଜି5 ଓ ସୋନି ଲିଭ ଭଳି ଓଟିଟି ପ୍ଲାଟଫର୍ମ ସବସ୍କ୍ରିପସନ ସହିତ ଦର୍ଶକଙ୍କ ପସନ୍ଦ ହୋଇପାରିଛି । ଏବେ ଏହି ପ୍ଲାଟଫର୍ମରେ ସରକାରୀ ଓଟିଟି ଆପ୍ 'Waves' ଏଣ୍ଟ୍ରି ମାରିଛି । ଫଳରେ ଏବେ ଏହି ପ୍ଲାଟଫର୍ମରେ ପ୍ରତିଯୋଗିତା ବୃଦ୍ଧି ପାଇଛି ।
