ତେହରାନ: ଏବେ ଖୁବଶୀଘ୍ର ଇରାନ ନାଗରିକଙ୍କ ହାତରେ ଦେଖିବାକୁ ମିଳିବ ଆଇଫୋନ 14,1 5 ଓ 16 । ଏହା ସେତେବେଳେ ସମ୍ଭବ ହୋଇଛି ଯେତେବେଳେ ରାଷ୍ଟ୍ର ଗତ 2023ଠୁ ଲାଗିଥିବା ବ୍ୟାନକୁ ବୁଧବାର ହଟାଇଛି । ଫଳରେ ଯୁଏସ ଟେକ ଜାଏଣ୍ଟ ଆପଲ୍ର ବିଭିନ୍ନ ପ୍ରଡକ୍ଟ ଇରାନ ନାଗରିକ ବ୍ୟବହାର କରିପାରିବେ । ଇରାନରେ ଏବେ ଟେଲି ଯୋଗାଯୋଗ ବିଭାଗୀୟ ମନ୍ତ୍ରୀ ଏ ନେଇ ଆପଲ୍କୁ ଅନୁମତି ପ୍ରଦାନ କରିଥିବା ଘୋଷଣା କରିଛନ୍ତି ।
ଇରାନର ବିଭାଗୀୟ ମନ୍ତ୍ରୀ ସତର୍ ହାସମି Xରେ କହିଛନ୍ତି ଯେ ଇରାନ ବଜାରରେ ନୂତନ ଆଇଫୋନ ମଡେଲ ପଞ୍ଜୀକରଣ ସମସ୍ୟାର ସମାଧାନ ହୋଇଛି ଏବଂ ଇରାନର ରାଷ୍ଟ୍ରପତି ମାସୁଦ ପେଜେଶକିଆନ ଯୋଗାଯୋଗ ମନ୍ତ୍ରଣାଳୟର ଏହି ଉଦ୍ୟମକୁ ସମର୍ଥନ କରିଛନ୍ତି । ଏଣୁ ଦେଶରେ ଆପଲ୍ ପ୍ରଡକ୍ଟର ଆମଦାନୀ ନେଇ ଖୁବଶୀଘ୍ର ଘୋଷଣା କରାଯିବ ବୋଲି ସେ କହିଛନ୍ତି ।
| ଏହା ବି ପଢନ୍ତୁ |
1ମାସ ପରେ ଇରାନରେ ଅକାମି ହେଉଥଲା iPhone:-
2023 ନିଷେଧାଦେଶ ପରେ, ଆଇଫୋନ୍ 13 ଏବଂ ପୁରାତନ ମଡେଲଗୁଡିକ ଅଧିକ ଚାହିଦା ସହିତ ରାଷ୍ଟ୍ରରେ ପୁଣି ଥରେ ଆମଦାନୀ ହୋଇପାରେ, ଯାହା ଅନେକ ଯୁବକ ଇରାନୀୟମାନଙ୍କ ପାଇଁ ଏକ ସ୍ଥିତିର ପ୍ରତୀକ ହୋଇ ରହିଥାଏ । ଏହି ନିଷେଧାଦେଶ ଲାଗୁ ହୋଇଥିବାବେଳେ ଇରାନକୁ ଆସୁଥିବା ଯେକୌଣସି ଆଇଫୋନ୍ 14, 15 କିମ୍ବା ନୂତନ ମଡେଲ 1 ମାସ ପରେ ଇରାନର ରାଜ୍ୟ ନିୟନ୍ତ୍ରିତ ମୋବାଇଲ୍ ଫୋନ୍ ନେଟୱାର୍କ ଦ୍ବାରା ବନ୍ଦ କରି ଦିଆଯାଏ । ଫଳରେ ପର୍ଯ୍ୟଟକମାନେ ଅସୁବିଧା ଭୋଗୁଥିଲେ । ହେଲେ ଏବେ ଏହି ନିଷେଧାଦେଶ ହଟିବା ପରେ ପର୍ଯ୍ୟଟକଙ୍କ ଭ୍ରମଣ ସମୟ ସୀମାକୁ ବୃଦ୍ଧି କରିବାରେ ଅନୁମତି ଦେବ।
କଣ କହିଥିଲେ ତତ୍କାଳୀନ ସରକାର ?
2020ରେ ଇରାନର ସର୍ବୋଚ୍ଚ ନେତା ଆୟତୋଲ୍ଲା ଅଲି ଖାମେନେ ଆଇଫୋନ୍ ଆମଦାନୀକୁ ସ୍ପଷ୍ଟ ଭାବରେ ସମାଲୋଚନା କରିଥିବା ବେଳେ ଏହାକୁ ଆମେରିକାର ସବୁଠୁ ବିଳାସପୂର୍ଣ୍ଣ ସାମଗ୍ରୀ ବୋଲି କହିଥିଲେ । ତାଙ୍କ ଅଫିସିଆଲ୍ ୱେବସାଇଟରେ ଥିବା ଏକ ଟ୍ରାନ୍ସକ୍ରିପସନ୍ ଅନୁଯାୟୀ ସେହି ସମୟରେ ଖାମେନେ କହିଥିଲେ ଯେ, "ଅତ୍ୟଧିକ ଆମଦାନୀ ବିପଜ୍ଜନକ । ଏପରି ଆମଦାନୀ ଏକ ବିଳାସପୂର୍ଣ୍ଣ ଉତ୍ପାଦ, ଅର୍ଥାତ୍ ଏହାର କୌଣସି ଆବଶ୍ୟକତା ନାହିଁ । ମୁଁ ଶୁଣିଛି ଏକ ପ୍ରକାର ଆମେରିକୀୟ ବିଳାସପୂର୍ଣ୍ଣ ସେଲଫୋନ୍ ଆମଦାନୀ କରିବା ପାଇଁ ପ୍ରାୟ ଅଢେଇ ବିଲିଅନ୍ ଡଲାର ଖର୍ଚ୍ଚ ହୋଇଛି ।" ଅନ୍ୟପଟେ ଇରାନରେ ଅନ୍ୟ ସ୍ମାର୍ଟଫୋନ ବ୍ରାଣ୍ଡ ଯେପରିକି ମୋଟୋରୋଲା, ସାମସଙ୍ଗ, ନୋକିଆ, ସାଓମି ଓ ହୁୱାଇ ଉପଲବ୍ଧ ।
