ହାଇଦ୍ରାବାଦ: ଅଟୋମୋବାଇଲ କମ୍ପାନୀ ଜିପ୍ ଇଣ୍ଡିଆ ଏକ ନୂଆ SUV ଜିପ୍ ମେରିଡିଆନ ଲଞ୍ଚ କରିଛି । ଅପଡେଟେଡ ଜିପ୍ ମେରିଡିଆନର 5 ଓ 7-ସିଟର କନଫିଗରେସନ ପାଇଁ 4ଟି ଭାରିଏଣ୍ଟ ଉପଲବ୍ଧ । ଯାହାର ନାମ ରହିଛି ଲଙ୍ଗିଟ୍ୟୁଡ, ଲଙ୍ଗିଟ୍ୟୁଡ ପ୍ଲସ (Longitude Plus), ଲିମିଟେଡ (O) ଓ ଓଭରଲ୍ୟାଣ୍ଡ (Overland) ।
ବାହାର ଡିଜାଇନ:-
2025 ଜିପ୍ ମେରିଡିଆନର ଏକ୍ସଟିରିଅର ବା ବାହାର ଡିଜାଇନ ଉପରେ ନଜର ପକାଇଲେ କମ୍ପାନୀ ଏଥିରେ କୌଣସି ପରିବର୍ତ୍ତନ କରିନାହିଁ । ଏଥିରେ 7-ସ୍ଲେଟ ଗ୍ରିଲ, ଡିଆରଏଲ ସହିତ ସ୍ଲିକ LED ହେଡଲ୍ୟାମ୍ପ, ଭାରିଏଣ୍ଟ ଅନୁସାରେ ଭିନ୍ନ ଭିନ୍ନ ପ୍ରକାରର 18 ଇଞ୍ଚ ଆଲଏ ହ୍ବିଲ ଏବଂ ସ୍ଲିକ୍ ଏଲଇଡି ଟେଲ ଲ୍ୟାମ୍ପ ମିଳିବ ।
| ଏହା ବି ପଢନ୍ତୁ |
2025 Jeep Meridianର ଫିଚର୍ସ:-
- ଫିଚର ସମ୍ପର୍କରେ ଆଲୋଚନା କଲେ ନୂଆ ମେରିଡିଆନରେ ଲେଭଲ 2 ADAS ସୁଟ୍ ଓ ଅଧିକ କନେକ୍ଟିଭିଟି ଫିଚର ସହିତ ଅନେକ ଟେକ୍ନୋଲୋଜିକୁ ସାମିଲ କରାଯାଇଛି ।
- ଏହି କାରରେ ୱେୟାରଲେସ ଆଣ୍ଡ୍ରଏଡ ଅଟୋ ଓ ଆପଲ୍ କାରପ୍ଲେ କନେକ୍ଟିଭିଟି ସହିତ 10.1 ଇଞ୍ଚର ଇନଫୋଟେନମେଣ୍ଟ ସିଷ୍ଟମ ଓ 10.2 ଇଞ୍ଚର ଡିଜିଟାଲ ଇନଷ୍ଟ୍ରୁମେଣ୍ଟ ପ୍ୟାନେଲ ଦିଆୟାଇଛି ।
- ୱେୟାରଲେସ ଚାର୍ଜର ସହ ଡୁଆଲ-ଜୋନ କ୍ଲାଇମେଟ କଣ୍ଟ୍ରୋଲ ଫିଚର ମଧ୍ୟ ରହିଛି ।
- ଏହା ବ୍ୟତୀତ ଏହାର ପାନୋରାମିକ୍ ସନରୁଫ୍, ଭେଣ୍ଟିଲେଟେଡ୍ ସାମ୍ନା ସିଟ୍ ମିଳିବ ।
2025 Jeep Meridianର ଦାମ (ଏକ୍ସ-ଶୋରୁମ):-
| ଭାରିଏଣ୍ଟ | ଦାମ |
| Jeep Meridian Longitude (5-ସିଟର) | 24.99 ଲକ୍ଷ ଟଙ୍କା |
| Jeep Meridian Longitude Plus | 27.5 ଲକ୍ଷ ଟଙ୍କା |
| Jeep Meridian Limited (O) | 30.49 ଲକ୍ଷ ଟଙ୍କା |
| Jeep Meridian Overland | 36.49 ଲକ୍ଷ ଟଙ୍କା |
କିପରି ରହିଛି ପାୱାରଟ୍ରେନ ?
ନୂଆ ଅପଡେଟେଡ ଜିପ୍ ମେରିଡିଆନର ପାୱାରଟ୍ରେନରେ କୌଣସି ପରିବର୍ତ୍ତନ କରାଯାଇନାହିଁ । ଏଥିରେ ସେହି 2.0 ଲିଟର ଡିଜେଲ ଇଞ୍ଜିନ ଲଗାଯାଇଛି । ଯାହାକି 6-ସ୍ପିଡ ମ୍ୟାନୁଆଲ ଓ 9-ସ୍ପିଡ ଅଟୋମେଟିକ ଟର୍କ କନଭର୍ଟର ଗିଅରବକ୍ସ ଯୋଡ଼ା ୟାଇଛି । ଏହି ଇଞ୍ଜିନ 168bhp ସହିତ 350nmରୁ ଅଧିକ ଟର୍କ ଉତ୍ପନ୍ନ କରେ । ଏହାବାଦ ପୂର୍ବ ମଡେଲ ଭଳି 4x2 ଓ 4x4 ଭର୍ସନ ଭଳି ଉପଲବ୍ଧ ।
