ଭୁବନେଶ୍ବର: ଜୁଲାଇ ପହିଲାରୁ ଲାଗୁ ହେବ ନୂଆ ପୋଲିସ ଆଇନ । ହଟିବ ୧୮୬୦ ମସିହାରୁ ଚାଲିଥିବା ବ୍ରିଟିଶ ଆଇନ । ପୁରୁଣା ବ୍ରିଟିଶ୍ ଢାଞ୍ଚାରେ କାର୍ଯ୍ୟକାରୀ ହେବ ନାହିଁ ଭାରତୀୟ ଦଣ୍ଡ ବିଧାନ ବା ପିଙ୍ଗଳ ଧାରା IPC, CrPC ଓ ଏଭିଡେନ୍ସ ଆକ୍ଟ । ଏନେଇ ସରକାର ବିଜ୍ଞପ୍ତି ପରେ କେନ୍ଦ୍ରୀୟ ଗୃହ ସଚିବଙ୍କ ଅଧ୍ୟକ୍ଷତାରେ ସବୁ ରାଜ୍ୟର ଡିଜି ଓ ମୁଖ୍ୟ ଶାସନ ସଚିବଙ୍କ ସହ ଗୃହ ସଚିବଙ୍କ ବୈଠକ ସରିଛି । ଭିଡିଓ କନଫରେନ୍ସ ଜରିଆରେ ଏହି ନୂଆ ଆଇନ ଲାଗୁ ନେଇ ଆଲୋଚନା କରାଯାଇଛି ।
ଜୁଲାଇ ୧ରୁ ଲାଗୁ ହେବ ନୂଆ ପୋଲିସ ଆଇନ (ETV Bharat Odisha) IPC CrPC And Evidence Act (ETV Bharat Odisha) ନୂଆ ପୋଲିସ ଆଇନ କଣ ?
୧୮୬୦ ମସିହାର ଭାରତୀୟ ପିଙ୍ଗଳ ଧାରା ବା IPC ଆଇନ ବଦଳରେ କାର୍ଯ୍ୟକାରୀ ହେବ ଭାରତୀୟ ନ୍ୟାୟ ସଂହିତା । ୧୯୭୩ ମସିହାର କ୍ରିମିନାଲ ପ୍ରୋସିଜିଓର କୋଡ୍ ବା CrPC ଆଇନ ବଦଳରେ କାର୍ଯ୍ୟକାରୀ ହେବ ଭାରତୀୟ ନାଗରିକ ସୁରକ୍ଷା ସଂହିତା ଆଇନ । ସେହିପରି ୧୮୭୨ ମସିହାର Indian Evidence ଆକ୍ଟ ବଦଳରେ କାର୍ଯ୍ୟକାରୀ ହେବ ଭାରତୀୟ ସାକ୍ଷ୍ୟ ଆଇନ ।
କେବେ ମିଳିଲା ସଂସଦର ଅନୁମୋଦନ ?
ଗତବର୍ଷ (2023) ଡିସେମ୍ବର 21 ତାରିଖରେ ଏହି 3 ସଂଶୋଧିତ ଅଧିନିମୟମକୁ ସଂସଦରେ ପାରିତ କରାଯାଇଥିଲା । ଗୃହମନ୍ତ୍ରୀ ଅମିତ ଶାହ ଏହାକୁ ଆଗତ କରିବା ପରେ ଦୀର୍ଘ ଚର୍ଚ୍ଚାରେ ଏହି ସଂଶୋଧନର ଆବଶ୍ୟକତା ସମ୍ପର୍କରେ ତର୍କ ରଖିଥିଲେ । ପରେ ଏହା 25 ଡିସେମ୍ବରରେ ରାଷ୍ଟ୍ରପତିଙ୍କ ଅନୁମୋଦନ ମଧ୍ୟ ଲାଭ କରିଥିଲା । ଏବେ ଏହା ଜୁଲାଇ ପହିଲାରୁ କାର୍ଯ୍ୟକାରୀ ହେବାକୁ ଯାଉଛି । ଏହି ନୂଆ ଅଧିନିୟମ ଅନୁସାରେ କୌଣସି ଅପରାଧିକ ମାମଲାର ତଦନ୍ତ, କାର୍ଯ୍ୟାନୁଷ୍ଠାନ ଓ ବିଚାର ପ୍ରକ୍ରିୟାରେ ପୋଲିସ ବ୍ୟବସ୍ଥା ଓ ନ୍ୟାୟିକ ବ୍ୟବସ୍ଥା ଉଭୟ କାର୍ଯ୍ୟ କରିବେ ।
ଜୁଲାଇ ପହିଲାରୁ ନୂଆ ପୋଲିସ ଆଇନ ?
ଜୁଲାଇ ୧ ତାରିଖରୁ ଲାଗୁ ଦେଶରେ ନୁଆ ଭାରତୀୟ ନ୍ୟାୟ ସଂହିତା । ଦେଢ ଶହ ବର୍ଷର ପୁରୁଣା ବ୍ରିଟିଶ ଆଇନ ପରିବର୍ତ୍ତନ ହୋଇଛି । ଯାହାକି ଏକ ବୈପ୍ଳବିକ ପରିବର୍ତ୍ତନ । ଆଉ ପୁରୁଣା IPC ଓ CRPC ଲାଗୁ ହେବ ନାହିଁ । ସେନେଇ ଏଡିଜି କ୍ରାଇମବ୍ରାଞ୍ଚ ଅଧକ୍ଷତାରେ ତାଲିମ ଦିଆଯାଉଛି । ଏହା କାର୍ଯ୍ୟକାରୀ କରିବାକୁ ଟ୍ରେନିଂ ଆବଶ୍ୟକତା ରହିଛି । ଏନେଇ ଅଫିସରଙ୍କୁ ପର୍ଯ୍ୟାୟ କ୍ରମେ ଟ୍ରେନିଂ ଦିଆଯାଉଛି । ଅଧିକାଶଂ ତାଲିମ ଅନଲାଇନ ଓ ଅଫଲାଇନ ଜରିଆରେ ଦିଆଯାଉଛି । କ୍ରାଇମ୍ କ୍ରିମିନାଲ ଟ୍ରାକି ବା ସିସିଟିଏନ ଏସରେ ପରିବର୍ତ୍ତନ ଓ ଅପଗ୍ରେଡେସନର ଆବଶ୍ୟକତା ରହିଛି । ନ୍ୟାସନାଲ କ୍ରାଇମ ରେକର୍ଡ ବ୍ୟୁରୋ ସହ ଷ୍ଟେଟ କ୍ରାଇମ୍ ରେକର୍ଡ ବ୍ୟୁରୋରେ ମଧ୍ୟ ଏନେଇ ଅପଗ୍ରେଡ କରାଯାଉଛି । ନୂଆ ନିୟମ କାର୍ଯ୍ୟକାରୀ ପାଇଁ ପ୍ରାବଧାନ ରହିଛି, ଯେପରିକି ବିଭିନ୍ନ ଫର୍ମରେ ନୋଟିଫିକେସନରେ ପରିବର୍ତ୍ତନ ହେବ ।
ଏହା ମଧ୍ୟ ପଢ଼ନ୍ତୁ...ବାଣ ନିଷ୍କ୍ରିୟ କରୁଥିବା ବେଳେ ଫୁଟିଲା ବୋମା, ପୋଲିସ କର୍ମଚାରୀ ମୃତ - Cuttack bomb blast
ଏନେଇ ଏହାର କାର୍ଯ୍ୟକାରୀ ଓ ତଦାରଖ ପାଇଁ ରାଜ୍ୟରେ ଏକ କମିଟି ମଧ୍ୟ ଗଠନ ହୋଇଛି । ଗୃହ ସଚିବଙ୍କ ଅଧ୍ୟକ୍ଷତାରେ ମଧ୍ୟ ପର୍ଯ୍ୟାୟ କ୍ରମେ ଏହା ଉପରେ କାର୍ଯ୍ୟକାରିତା ନେଇ ଆଲୋଚନା ହେଉଛି । ଆବଶ୍ୟକୀୟ ଦିଗରେ ପଦକ୍ଷେପ ନିଆଯାଉଛି । ପୁରୁଣ ନିୟମ ଓ ନୂଆ ନିୟମ ମଧ୍ୟରେ ଅନେକ ତଫାତ ରହିଛି । ପୁରୁଣା ନିୟମରେ ଅପରାଧ ଗୁରୁତ୍ବ ଦିଆଯାଇଥିଲା ଏବେ କିନ୍ତୁ ଅପରାଧ ସହ ନ୍ୟାୟକୁ ଅଧିକ ଗୁରୁତ୍ବ ଦିଆଯାଉଛି । ମାନବାଧିକାର, ଇନଭେଷ୍ଟିଗେସନରେ ଟେକ୍ନୋଲୋଜିର ବ୍ୟବହାର ସହ ଟ୍ରାଫିକ ସମୟରେ କିପରି ସେ ଦିଗରେ ଅଧିକ ଫୋର୍ସ ଦେଇ ହେବ ସେନେଇ ନୂଆ ଆଇନରେ ପ୍ରାବଧାନ ରହିଛି । ଯାହା ପୁରୁଣା କେସ ଟ୍ରାୟଲ ହେବ ତାହା ସେହି ପୁରୁଣା IPC ଓ CRPC ଆଧାରରେ ହେବ । ନୂଆ ମାମଲା ପାଇଁ ଜୁଲାଇରୁ ଲାଗୁ ହେବ ନୂଆ ଆଇନ । ଏନେଇ ଲୋକଙ୍କୁ ଅବଗତ କରାଯିବ ସହ ସରକାରୀ ସ୍ତରରେ ସୂଚନା ଦିଆଯିବ ।
ଇଟିଭି ଭାରତ, ଭୁବନେଶ୍ବର
