ଭୁବନେଶ୍ବର: ସଦଳବଳ ଆସିଲେ ତାଲା କାଟି ଘରେ ପଶିଲେ। କବାଟ ଭାଙ୍ଗି ଠକ ଦମ୍ପତିଙ୍କ ଘରେ ପଶିଛି ଆୟକର ବିଭାଗ । ବହୁ ବଡ଼ ବଡିଆଙ୍କଠୁ ଚୁନ ଲଗାଇଥିବା ଅନିଲ ମହାନ୍ତି ଓ ତାଙ୍କ ପାର୍ଟନର୍ ହଂସିତାଙ୍କ ଘରେ ଚଢ଼ାଉ କରିଛି ଆୟକର ବିଭାଗ । ଭୁବନେଶ୍ୱରର ଚାରୋଟି ସ୍ଥାନ ସମେତ ଓଡ଼ିଶା ଓ ଓଡ଼ିଶା ବାହାରେ ମୋଟ 12ଟି ସ୍ଥାନରେ ରେଡ୍ କରିଛି ଆୟକର ବିଭାଗ । ପ୍ରଧାନମନ୍ତ୍ରୀ କାର୍ଯ୍ୟାଳୟର ସଚିବଙ୍କ ସମ୍ପର୍କୀୟ କହି ଅନେକ ବଡ଼ ବଡିଆଙ୍କୁ ଲୁଟିଥିଲେ ଅନିଲ ମହାନ୍ତି ଓ ତାଙ୍କ ପାର୍ଟନର୍ ହଂସିକା ।
ଏକକାଳୀନ 12ଟି ଜାଗାରେ ରେଡ୍
କମିସନରେଟ ପୋଲିସର କେସ୍ ନମ୍ବର 611 ର (ଗ) ରେ ହୋଇଥିବା ଅନିଲ ମହାନ୍ତି ଓ ପାଟନର୍ ହଂସିକାଙ୍କ ସହ ସମ୍ପର୍କିତ ବିଭିନ୍ନ ସ୍ଥାବର ଓ ଅସ୍ଥାବର ସମ୍ପତ୍ତିର ଛାନଭିନ କରିଛି ଆୟକର ଟିମ୍ । ଏନେଇ ଆୟକର ଟିମ୍ର 12ଟି ଟିମ୍ ଏକକାଳିନ ଭାବେ ଭୁବନେଶ୍ୱର ନୟାପଲ୍ଲୀର 8 ନମ୍ବର ଅଞ୍ଚଳରେ ଥିବା ଏକ ଘର ସମେତ ପଟିଆ ଜେଡ 1 ଆପାର୍ଟମେଣ୍ଟର ଟାଓ୍ବାର-6 ରେ ଥିବା ଦୁଇଟି ଫ୍ଲାଟ ଓ ରଘୁନାଥ ନଗରରେ ଥିବା ଏକ ଘର ସମେତ ମଞ୍ଚେଶ୍ବର ଇଣ୍ଡଷ୍ଟ୍ରିଆଲ ଅଞ୍ଚଳରେ ଥିବା ଏକ ଅଫିସରେ ମଧ୍ୟ ଚଢାଉ କରିଛି । ଏହା ସହିତ ଗଞ୍ଜାମର ବ୍ରହ୍ମପୁର ଓ କଳାହାଣ୍ଡିରେ ଥିବା ହଂସିକାଙ୍କ ଘର ସହ ଲାଞ୍ଜିଗଡ଼ ଓ କୋଲକାତା ସମେତ ଝାଡଖଣ୍ଡ ବୋକାରୋରେ ମଧ୍ୟ ରେଡ୍ କରାଯାଉଛି ।
ଭାଇମାନଙ୍କ ନାଁ ବ୍ୟବହାର କରି ଖୋଲିଥିଲା 8 ସଂସ୍ଥା
ଏନେଇ ତାର ଘର ସମ୍ପତ୍ତି ଓ ଗାଡି ସମେତ ଯେଉଁ ସବୁ କମ୍ପାନୀ ସହ କାରବାର ରହିଛି ତାର ମଧ୍ୟ ଖୋଳତାଡ ଚାଲିଛି । ଏପରିକି କିଛି କମ୍ପାନିର ସିଏସଆର କାରବାର ବୁଲୁଥିବା ସଂସ୍ଥାର ମଧ୍ୟ ତଥ୍ୟ ଆଧାରରେ ଛାନଭିନ ଜାରି ରହିଛି। ନିଜର ଆୟ ମାସକୁ 70ଲକ୍ଷ ଦେଖାଉଥିବା ଏହି ଠକ ପାର୍ଟନରଙ୍କ ବିଭିନ୍ନ ବ୍ୟବସାୟିକ କାରବାର ଥିବା ମଧ୍ୟ ଜାଣିବାକୁ ପାଇଛି ଆୟକର ଟିମ୍ । ଏପରିକି ନିଜର ଭାଇମାନଙ୍କ ନା ବ୍ୟବହାର କରି 8ଟି କର୍ପୋରେଟ ସଂସ୍ଥା ମଧ୍ୟ ଖୋଲିଥିବା ଆୟକର ଟିମ୍ ଜାଣିବାକୁ ପାଇଛି । ଏପରିକି ସେସବୁ ସଂସ୍ଥାର ଅଫିସ ମାନଙ୍କରେ ମଧ୍ୟ ଛାନଭିନ କରାଯାଇଛି ।
ଏହା ମଧ୍ୟ ପଢନ୍ତୁ:- ଦିଲ୍ଲୀ ବିଧାନସଭା ନିର୍ବାଚନ ପାଇଁ ଫେବୃଆରୀ 5 ରେ ଭୋଟିଂ, 8ରେ ଗଣତି
ଏକାଧିକ ବେନାମୀ କମ୍ପାନୀ ଖୋଲିଥିଲା
ଆୟ କେତେ ରହୁଥିଲା ଖର୍ଚ୍ଚ କେତେ ରହୁଥିଲା । ବ୍ୟାଙ୍କ ଷ୍ଟେଟମେଣ୍ଟ ଓ ସମସ୍ତ ଟ୍ୟାକ୍ସ ରିପୋର୍ଟ ମଧ୍ୟ ଛାନଭିନ କରୁଛି ଆୟକର ଟିମ୍ । ଛାନଭିନ ସମୟରେ ଏକାଧିକ ବେନାମୀ କମ୍ପାନି ଖୋଲିଥିବା ଜାଣିବାକୁ ପାଇଛନ୍ତି ଆଇଟି ଟିମ । ଯେଉଁଠି ସେ ନିଜକୁ ଡାଇରେକ୍ଟର ଓ ଏମଡି ବୋଲି ଦର୍ଶାଇଥିବା ଜଣାପଡିଛି। ତେବେ ଗତ 25 ତାରିଖରେ ଅନିଲ ମହାନ୍ତି ଓ ହଂସିକାକୁ ଗିରଫ କରିଥିଲା କମିସନରେଟ ପୋଲିସ। ଜଣେ ପ୍ରତିପତି ଲୋକଙ୍କୁ ମେଲ୍ ପଠାଇ ନିଜକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ସଚିବଙ୍କ ଝିଅ ଜ୍ବାଇଁଙ୍କ ପରିଚୟ ଦେଇ ଠକାମି କରିବାକୁ ଉଦ୍ୟମ କରୁଥିବା ପୋଲିସ ପାଖରେ ଅଭିଯୋଗ ହୋଇଥିଲା ।
ଅଭିଯୋଗ ପରେ ଘଟଣାକୁ ସ୍ପେଶାଲ କ୍ରାଇମ୍ ୟୁନିଟ ତଦନ୍ତ କରିଥିଲା । ଅନିଲର ଭାଇ ସମେତ ପତ୍ନୀଙ୍କୁ ମଧ୍ୟ ପଚରାଉଚରା କରିଥିଲା । ଠକ ପାଟନର୍ ନିଜକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ସଚିବ ପି.କେ ମିଶ୍ରଙ୍କ ଝିଅ ଜ୍ବାଇଁ କହି ଠକାମି କରୁଥିବାର ଅଭିଯୋଗ ଆସିଥିଲା ।
ଇଟିଭି ଭାରତ, ଭୁବନେଶ୍ବର
