ଭୁବନେଶ୍ବର: ରାଜ୍ୟରେ ଅସହ୍ୟ ଗ୍ରୀଷ୍ମ ଲହରୀ ଜାରି ରହିଥିବା ବେଳେ ରାଜ୍ୟର ସବୁଠାରୁ ଉତ୍ତପ୍ତ ସହର ପାଲଟିଛି ଅନୁଗୋଳ । ଆଜି (ଶନିବାର) ଅନୁଗୋଳରେ ତାପମାତ୍ରା ୪୪.୭ ଡିଗ୍ରୀ ରେକର୍ଡ ହୋଇଛି । ରାଜ୍ୟର 4 ସହରରେ ତାପମାତ୍ରା 44 ଡିଗ୍ରୀ ପାର କରିଥିବା ବେଳେ 32 ସହରରେ 40 ଡିଗ୍ରୀରୁ ଅଧିକ ତାପମାତ୍ରା ରେକର୍ଡ ହୋଇଛି । ସେହିପରି ଭୁବନେଶ୍ୱରରେ ୪୪.୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିବା ବେଳେ ଆସନ୍ତାକାଲି ପାଇଁ 13 ଜିଲ୍ଲାକୁ ରେଡ୍ ଆର୍ଲଟ ଜାରି କରିଛି ପାଣିପାଗ ବିଭାଗ ।
ଆଜି ୪୪.୭ ଡିଗ୍ରୀ ସହ ଅନୁଗୋଳ ରାଜ୍ୟର ଉତ୍ତପ୍ତ ସହର ପାଲଟିଛି । ସେହିପରି ଭୁବନେଶ୍ୱରରେ ୪୪.୬ ଡିଗ୍ରୀ ଏବଂ ବାରିପଦାରେ 44.2 ଡିଗ୍ରୀ ତାପମାତ୍ରା ରେକର୍ଡ ହୋଇଛି । ଭୁବନେଶ୍ୱର ଆଜିର ତାପମାତ୍ରା ଏପ୍ରିଲ ମାସର ଚତୁର୍ଥ ସର୍ବାଧିକ ତାପମାତ୍ରା ରେକର୍ଡ ହୋଇଛି । ତେବେ ବର୍ତ୍ତମାନ ଉତ୍ତର-ପଶ୍ଚିମ ଓ ପଶ୍ଚିମ ଦିଗରୁ ଗରମ ଓ ଶୁଷ୍କ ବାୟୁ ରାଜ୍ୟ ମଧ୍ୟକୁ ପ୍ରବାହିତ ହେଉଛି । ଯାହା ପ୍ରଭାବରେ ଦିନର ତାପମାତ୍ରା ବୃଦ୍ଧି ହେଉଛି । ଆସନ୍ତା ୨୪ ଘଣ୍ଟାରେ ଆହୁରି କିଛି ସ୍ଥାନରେ ୨ ଡିଗ୍ରୀ ତାପମାତ୍ରା ବଢିବ । ଏହାର ପ୍ରଭାବରେ ରାଜ୍ୟରେ ଦିନର ତାପମାତ୍ରା ସ୍ବାଭାବିକ ତୁଳନାରେ ୪ରୁ ୬ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ପାଇବା ସହ ଭୀଷଣ ଗ୍ରୀଷ୍ମ ପ୍ରବାହ ଜାରି ରହିଛି ବୋଲି ଆକଳନ କରିଛି ପାଣିପାଗ ବିଭାଗ ।
ଆସନ୍ତାକାଲି ଠାରୁ ଦିନର ଗ୍ରାଷ୍ମ ପ୍ରବାହ ବୃଦ୍ଧି ପାଇବା ସହ ତାପମାତ୍ରା ଧିରେ ଧିରେ ବଢ଼ିବ । ଭୀଷଣ ଗ୍ରୀଷ୍ମ ପ୍ରବାହକୁ ନେଇ ଆସନ୍ତାକାଲି (ରବିବାର) 13 ଜିଲ୍ଲାକୁ ରେଡ ଆଲର୍ଟ ଜାରି କରାଯାଇଛି । ଉତ୍ତର ଆଭ୍ୟନ୍ତରୀଣ ଓ ପଶ୍ଚିମ ଓଡ଼ିଶାର ଜିଲ୍ଲା ଗୁଡ଼ିକରେ ତାପମାତ୍ରା ଅଧିକ ରହିବ । ଏନେଇ ୧୫ ଜିଲ୍ଲାକୁ ଅରେଞ୍ଜ ଓ ୨ ଜିଲ୍ଲାକୁ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ । ସେହିପରି 29 ତାରିଖରେ ମଧ୍ୟ 13 ଜିଲ୍ଲାକୁ ରେଡ ଆଲର୍ଟ ଜାରି କରାୟାଇଛି । ବିଶେଷ କରି ଆଗାମୀ 3 ଦିନ ପର୍ଯ୍ୟନ୍ତ ଗ୍ରୀଷ୍ମ ପ୍ରଵାହକୁ ନେଇ ୩୦ଟି ଜିଲ୍ଲାକୁ ଚେତାବନୀ ଜାରି କରିଛି ପାଣିପାଗ ବିଭାଗ ।
ଏହା ମଧ୍ୟ ପଢ଼ନ୍ତୁ...ଉପର ମୁହାଁ ପାରଦ: ଆଉ 5 ଦିନ ହିଟୱେଭ, 13 ଜିଲ୍ଲାକୁ ରେଡ ଆଲର୍ଟ - HEAT WAVE IN ODISHA
ଆଜି ବିଭିନ୍ନ ସହରରେ ରେକର୍ଡ ହୋଇଥିବା ତାପମାତ୍ରା:-
ଅନୁଗୋଳ- 44.7 ଡିଗ୍ରୀ
ଭୁବନେଶ୍ବର- 44.6 ଡିଗ୍ରୀ
ବାରିପଦା- 44.2 ଡିଗ୍ରୀ
ବୌଦ୍ଧ- 43.7 ଡିଗ୍ରୀ
ଢେଙ୍କାନାଳ- 43.7 ଡିଗ୍ରୀ
ଭବାନୀପାଟଣା- 43.7 ଡିଗ୍ରୀ
ନୂଆପଡ଼ା- 43.6 ଡିଗ୍ରୀ
ଝାରସୁଗୁଡା- 43.6 ଡିଗ୍ରୀ
ବଲାଙ୍ଗୀର- 43.5 ଡିଗ୍ରୀ
ଯାଜପୁର- 43.5 ଡିଗ୍ରୀ
ତାଳଚେର- 43.5 ଡିଗ୍ରୀ
ନୟାଗଡ଼- 43.5 ଡିଗ୍ରୀ
କଟକ- 43.3 ଡିଗ୍ରୀ
ଟିଟିଲାଗଡ଼- 43 ଡିଗ୍ରୀ
ଇଟିଭି ଭାରତ, ଭୁବନେଶ୍ବର
