ଭୁବନେଶ୍ବର: ଚଳିତବର୍ଷ ଦୁର୍ଗା ପୁଜା ପାଇଁ ପୋଲିସ ପକ୍ଷରୁ ସୁରକ୍ଷା ପ୍ରସ୍ତୁତି ଶେଷ ହୋଇଛି । ଏନେଇ ଉଭୟ କଟକ ଓ ଭୁବନେଶ୍ୱର ପାଇଁ କମିସନରେଟ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ଥ ହୋଇଛି । ବିଶ୍ବପ୍ରସିଦ୍ଧ ପୁରୀ ରଥଯାତ୍ରା ଆୟୋଜନ ଭଳି ଟ୍ବିନିସଟିରେ ମୁତୟନ ହେବେ ଫୋର୍ସ । ପୋଲିସ ଫୋର୍ସ ସହ କେନ୍ଦ୍ରୀୟ ଫୋର୍ସ ମଧ୍ୟ ନିୟୋଜିତ ପାଇଁ ବ୍ୟବସ୍ଥା କରାଯାଇଛି ।
ରାଜଧାନୀରେ ୧୮୭ ମଣ୍ଡପ
କେବଳ ଭୁବନେଶ୍ୱର ପାଇଁ ୧୮୭ଟି ପୂଜା ମଣ୍ଡପ ଅନୁମତି ନେଇଛନ୍ତି । ରାଜଧାନୀରେ ପୂଜା ସୁରୁଖୁରୁରେ ଶେଷ କରିବା ପାଇଁ ୩୮ ପ୍ଲାଟୁନ ଫୋର୍ସ ମୁତୟନ ବ୍ୟବସ୍ଥା କରାଯାଇଛି । ତା’ ସହିତ ୨ଟି ବୋମା ନିଷ୍କ୍ରୟକାରୀ ଟିମ୍ ସହ ୨ଟି ଓଡ୍ରାଫ ଟିମ୍ ମୁତୟନ ପାଇଁ ବ୍ୟବସ୍ଥା କରାଯାଇଛି । ସାଦା ପୋଷାକରେ ପୋଲିସ ମୁତୟନ ପାଇଁ ବ୍ୟବସ୍ଥା ସହ ଟ୍ରାଫିକ କଟକଣା ଓ ଅପରାଧ ଉପରେ ନଜର ରଖିବାକୁ ମଧ୍ୟ ବ୍ୟାପକ ବ୍ୟବସ୍ଥା କରାଯାଇଛି । ଏନେଇ ୧୦ ଅତିରିକ୍ତ ଡିସିପି ଓ ଅତିରିକ୍ତ ଏସପି ରାଙ୍କର ଅଫିସରଙ୍କ ସହ ୨୨ଜଣ ଡିଏସପି ଓ ୪୫ ଇନସ୍ପେକ୍ଟର ଓ ୨୦୦ ଏସଆଇ ଓ ଏଏସଆଇ ମୁତୟନ ପାଇଁ ବ୍ୟବସ୍ଥା ହୋଇଛି । ସ୍ପେଶାଲ ଟାକ୍ଟିକାଲ ୟୁନିଟ ସହ ସବୁ ପୂଜା ମଣ୍ଡପରେ ସୁରକ୍ଷା ପାଇଁ ଭଲ୍ୟୁଣ୍ଟର ବ୍ୟବସ୍ଥା କରିବାକୁ ସମସ୍ତ ମଣ୍ଡପର କାର୍ଯ୍ୟକର୍ତ୍ତାଙ୍କ ସହ ପୋଲିସ ଆଲୋଚନା କରିଛି ।
- ଭୁବନେଶ୍ୱରରେ ୧୮୭ ପୂଜା ମଣ୍ଡପ
- ୩୮ ପ୍ଲାଟୁନ ଫୋର୍ସ ମୁତୟନ
- ୨ ବୋମା ନିଷ୍କ୍ରୟକାରୀ ଟିମ୍ ଓ ୨ ଓଡ୍ରାଫ ଟିମ୍
- ସାଧା ପୋଷାକରେ ପୋଲିସ ମୁତୟନ
- ଟ୍ରାଫିକ କଟକଣା ଓ ଅପରାଧ ଉପରେ କଡ଼ା ନଜର
- ୧୦ ଅତିରିକ୍ତ ଡିସିପି ଓ ଅତିରିକ୍ତ ଏସପି ନିୟୋଜିତ
- ୨୨ ଡିଏସପି, ୪୫ ଇନସ୍ପେକ୍ଟର, ୨୦୦ ଏସଆଇ ଓ ଏଏସଆଇ ମୁତୟନ
- ସ୍ପେଶାଲ ଟାକ୍ଟିକାଲ ୟୁନିଟ ସହ ସବୁ ପୂଜା ମଣ୍ଡପରେ ସୁରକ୍ଷା ପାଇଁ ଭଲ୍ୟୁଣ୍ଟର ବ୍ୟବସ୍ଥା
କଟକ ପାଇଁ ଦୁଇଗୁଣା ଫୋର୍ସ
ସିଲିଭର ସିଟି କଟକ ପାଇଁ ଏଥର ୧୬୬ଟି ପୂଜା ମଣ୍ଡପରେ ସୁରକ୍ଷା ଦୃଷ୍ଟିରୁ ଜଣେ ଏସପିଙ୍କ ନେତୃତ୍ୱରେ ୭ ଜଣ ଅତିରିକ୍ତ ଏସପି ଦାୟିତ୍ବରେ ରହିବେ । ସେହିପରି ୩୯ ଡିଏସପି, ୬୦ ଇନସ୍ପେକ୍ଟର, ୩୫୦ ଏସଆଇ ଓ ଏଏସଆଇ ମଧ୍ୟ ନିୟୋଜିତ ରହିବେ । ୬୪ ପ୍ଲାଟୁନ ଫୋର୍ସ ସହ କେନ୍ଦ୍ରୀୟ ସୁରକ୍ଷା ବଳ ‘ସିଆରପିଏଫ’ର ୬ ପ୍ଲାଟୁନ୍, ରାପିଡ ଆକ୍ସନ ଫୋର୍ସର 3 ପ୍ଲାଟୁନ ଓ ଆଣ୍ଟି-ଟେରର ସ୍କ୍ୱାଡ ଗୋଟିଏ ପ୍ଲାଟୁନ ଫୋର୍ସ ମୁତୟନ ପାଇଁ ବ୍ୟବସ୍ଥା କରାଯାଇଛି । ଏଥିସହ ପୂଜା ମଣ୍ଡପଗୁଡିକର ସୁରକ୍ଷାକୁ ଦୃଷ୍ଟିରେ ରଖି ସମସ୍ତ ପ୍ରକାର ବ୍ୟବସ୍ଥା କରାଯାଇଛି ।
- କଟକରେ ଏଥର ୧୬୬ ପୂଜା ମଣ୍ଡପ
- ଜଣେ ଏସପିଙ୍କ ନେତୃତ୍ୱରେ ୭ ଜଣ ଅତିରିକ୍ତ ଏସପିଙ୍କୁ ଦାୟିତ୍ବ
- ୩୯ ଡିଏସପି, ୬୦ ଇନସ୍ପେକ୍ଟର, ୩୫୦ ଏସଆଇ ଓ ଏଏସଆଇ ନିୟୋଜିତ
- ୬୪ ପ୍ଲାଟୁନ ଫୋର୍ସ ସହ କେନ୍ଦ୍ରୀୟ ସୁରକ୍ଷା ବଳ ‘ସିଆରପିଏଫ’ର ୬ ପ୍ଲାଟୁନ୍
- ରାପିଡ ଆକ୍ସନ ଫୋର୍ସ 3 ପ୍ଲାଟୁନ ଓ ଆଣ୍ଟି-ଟେରର ସ୍କ୍ୱାଡ ୧ ପ୍ଲାଟୁନ ଫୋର୍ସ ମୁତୟନ
ଟ୍ରାଫିକ ପାଇଁ ସ୍ବତନ୍ତ୍ର ନିର୍ଦ୍ଦେଶାବଳୀ
‘ଓଡିଶା ଅର୍ବାନ ପୁଲିସ ଆକ୍ଟ-୨୦୦୩’ ଧାରା-୨୮ (ଓଡ଼ିଶା ଆକ୍ଟ-୨୦୦୭ର ଧାରା ୮ ), ଟ୍ରାଫିକ୍ ଓ ପବ୍ଲିକ୍ ଅର୍ଡର-୨୦୦୮ ଧାରା ୩୬ ଅନୁସାରେ ସହରରେ ପୂଜା ସମୟରେ ଭାରିଯାନ ପ୍ରବେଶ ଓ ରାସ୍ତାରେ ଡାଇଭର୍ସନ ପାଇଁ ମଧ୍ୟ ଆଡଭାଇଜିରୀ ଜାରି କରାଯାଇଛି । ଯେଉଁଥିରେ ପୂଜା ସମୟରେ ଅପରାହ୍ନ ୪ ଘଟିକାଠାରୁ ରାତ୍ର ୨ ଘଟିକା ପର୍ଯ୍ୟନ୍ତ ଏହି ଟ୍ରାଫିକ କଟକଣା ଲାଗୁ ହେବ ।
ଭାରିଯାନ ଉପରେ କଟକଣା
ଶ୍ରଦ୍ଧାଳୁଙ୍କ ଭିଡ଼କୁ ଦେଖି ଆବଶ୍ୟକ ପଡିଲେ ଖୋର୍ଦ୍ଧା ପଟୁ ଭୁବନେଶ୍ବର ଆଡ଼କୁ ଆସୁଥିବା ସମସ୍ତ ପ୍ରକାର ଭାରିଯାନକୁ ଭୁବନେଶ୍ବର ଆଡ଼କୁ ଆସିବାକୁ ଦିଆଯିବ ନାହିଁ । ସେହି ଗାଡ଼ିଗୁଡ଼ିକ ପିତାପଲି ଛକଠାରୁ ବାମପଟ ରାସ୍ତାରେ ଭାୟା ଚନ୍ଦକା-ବାରଙ୍ଗ ରାସ୍ତା ଦେଇ ବାଲିକୁଦାଠାରେ ଜାତୀୟ ରାଜପଥ–୧୬ରେ ପହଞ୍ଚିବେ ।
ଏହା ମଧ୍ୟ ପଢ଼ନ୍ତୁ:ହାଇକୋର୍ଟଙ୍କ ରାୟ, 'ହେବ ରାବଣପୋଡ଼ି, ହେବନି ବାଣ ପ୍ରତିଯୋଗିତା' - HC On Ravan Podi ଏହା ମଧ୍ୟ ପଢ଼ନ୍ତୁ:ଚାଉଳିଆଗଞ୍ଜରେ ମାଆ ଦୁର୍ଗାଙ୍କ ମହକ,ଏଲଇଡି ଲାଇଟରେ ଝଲସୁଛି ଚାନ୍ଦିମେଢ଼ |
ଜମିବ ରାବଣ ପୋଡି
ରାବଣପୋଡି ସମୟରେ କଟକ ପଟୁ ଆସୁଥିବା ସମସ୍ତ ଗାଡିଗୁଡିକ ଜୟଦେବ ବିହାରଠାରୁ ବାମପାର୍ଶ୍ଵ ରାସ୍ତା ଦେଇ ବେହେରା ସାହି, ଶାସ୍ତ୍ରୀ ନଗର, ପାୱାର ହାଉସ ଏବଂ ୟୁନିଟ-୮, ଡ଼ିଏଭି ସ୍କୁଲ ଛକଦେଇ ସିଆରପି ଛକରେ ବାହାରିବେ ।
ବସ୍ ଯାତାୟତ ପାଇଁ ବ୍ୟବସ୍ଥା
ପୁରୀ ପଟୁ ବରମୁଣ୍ଡା ଆଡକୁ ଆସୁଥିବା ବସଗୁଡିକ ଲିଙ୍ଗିପୁର ଛକଠାରୁ ସମନ୍ତରାପୁର, କଳ୍ପନା, ରାଜମହଲ, ଶିଶୁଭବନ, ସୁର କମ୍ପାନି, ଗଙ୍ଗନଗର ଏବଂ ଫାୟାର ଟ୍ରେନିଂ ସ୍କୁଲ ଛକଦେଇ ବରମୁଣ୍ଡା ବସ ଷ୍ଟାଣ୍ଡକୁ ପ୍ରବେଶ କରିପାରିବ । ସେହିପରି ବରମୁଣ୍ଡାରୁ ପୁରୀ ଅଭିମୁଖେ ଯିବାକୁ ଚାହୁଁଥିବା ଗାଡିଗୁଡିକ ଏଇଭଳି ସମାନ ମାର୍ଗ ଅନୁସରଣ କରିବେ ।
ଇଟିଭି ଭାରତ, ଭୁବନେଶ୍ବର
