ଜଗତସିଂହପୁର: ଜିଲ୍ଲାରେ କଂଗ୍ରେସ ନିଜର ସ୍ଥିତି ମଜବୁତ କରିବା ପାଇଁ ପ୍ରୟାସ କରୁଛି । ଆଗାମୀ ନିର୍ବାଚନ ଲାଗି ପ୍ରସ୍ତୁତି ଆରମ୍ଭ କରିଛି ଦଳ । ରାଉରକେଲାରେ କଂଗ୍ରେସ ପକ୍ଷରୁ 10ଟି ଗ୍ୟାରେଣ୍ଟି କାର୍ଡ ଉନ୍ମୋଚନ କରାଯାଇଛି । ଲୋକଙ୍କ ଜୀବନ ଧାରଣରେ ଉନ୍ନତି ଆଣିବା ଲକ୍ଷ୍ୟରେ ଅନେକ ସୁବିଧା ସୁଯୋଗର ପ୍ରତିଶ୍ରୁତି ଦେବା ସହ ଗତକାଲି(ଜଗତସିଂହପୁର) ଏହି ଗ୍ୟାରେଣ୍ଟିକୁ ଉନ୍ମୋଚିତ କରିଛି ଜିଲ୍ଲା କଂଗ୍ରେସ । ଆଗାମୀ ନିର୍ବାଚନକୁ ଆଖି ଆଗରେ ରଖି ଦଳର ଏହି ପଦକ୍ଷେପ ନିର୍ବାଚନ ମଣ୍ଡଳୀ ସହିତ ଯୋଡ଼ି ହେବା ପାଇଁ ଲକ୍ଷ୍ୟ ରଖିଛି । ଲୋକଙ୍କ ଆବଶ୍ୟକତାକୁ ସିଧାସଳଖ ସମାଧାନ କରିବା ପାଇଁ ଏଭଳି ଗ୍ୟାରେଣ୍ଟି କାର୍ଡ ଆଣିଛି କଂଗ୍ରେସ ।
କଂଗ୍ରେସର ୧୦ଟି ଦାବି ହେଲା: *ଗୃହ ଜ୍ୟୋତି- ଏହି ଗ୍ୟାରେଣ୍ଟି ଅଧୀନରେ ବାସିନ୍ଦାମାନେ 200 ୟୁନିଟ୍ ପର୍ଯ୍ୟନ୍ତ ରିହାତି ସହିତ ସେମାନଙ୍କ ବିଦ୍ୟୁତ୍ ବିଲ ଉଲ୍ଲେଖନୀୟ ରିହାତି ଆଶା କରିପାରିବେ । ଏହି ପଦକ୍ଷେପ ଦ୍ବାରା ଘର ଉପରେ ପଡୁଥିବା ଆର୍ଥିକ ବୋଝକୁ ଦୂର କରିବା ସହ ବିଜୁଳିକୁ ଅଧିକ ସୁଲଭ କରିବା ଲକ୍ଷ୍ୟ ରଖାଯାଇଛି ।
*ଯୁବ ବେକାରୀ ସମସ୍ୟାର ସମାଧାନ ପାଇଁ କଂଗ୍ରେସ ୫ଲକ୍ଷ ନିଯୁକ୍ତି ସୁଯୋଗ ସୃଷ୍ଟି କରିବାକୁ ସଙ୍କଳ୍ପ ନେଇଛି । ଏହା ବ୍ୟତୀତ ବେକାର ଯୁବକ ଯୁବତୀଙ୍କୁ ମାସିକ 3000 ଟଙ୍କା ବେକାରୀ ଭତ୍ତା ପ୍ରଦାନ କରିବା ପାଇଁ ଗ୍ୟାରେଣ୍ଟି ଦେଇଛି ।
*କୃଷକ ବନ୍ଧୁ - ଅର୍ଥନୀତି ପ୍ରତି କୃଷକମାନଙ୍କର ଗୁରୁତ୍ବପୂର୍ଣ୍ଣ ଅବଦାନକୁ ଉପଲବ୍ଧି କରି କଂଗ୍ରେସ କୃଷି ଶ୍ରମିକମାନଙ୍କ ପାଇଁ ଏକ ସହାୟତା ପ୍ୟାକେଜ ପ୍ରତିଶୃତି ଦେଇଛି । ଏଥିରେ ଚାଷୀଙ୍କୁ ୨ହଜାର ଟଙ୍କା ପେନସନ, କୃଷି ଋଣରେ ଛାଡ଼, ଧାନ କ୍ବିଣ୍ଟାଲ ପିଛା ସର୍ବନିମ୍ନ ସହାୟକ ମୂଲ୍ୟ ୩ ହଜାର ଟଙ୍କା ରହିଛି ।
*ଗୃହ ଲକ୍ଷ୍ମୀ- ସମାଜରେ ମହିଳାଙ୍କ ଭୂମିକା ବୃଦ୍ଧି କରିବା ଉପରେ ଗୁରୁତ୍ବ ଦିଆଯିବାର ସମ୍ଭାବନା ରହିଛି । ସ୍ବୟଂ ସହାୟକ ଗୋଷ୍ଠୀଙ୍କ ବ୍ୟାଙ୍କ ଲୋନ ଛାଡ଼ ଏବଂ ମହିଳାଙ୍କୁ ମାସିକ ୨୦୦୦ ଟଙ୍କା ଭତ୍ତା, ଏବଂ ଆଦିବାସୀ ଓ ଦଳିତ ମହିଳାଙ୍କୁ ୩୦୦୦ ଟଙ୍କା ଭତ୍ତା ପ୍ରଦାନ କରିବା । ଏହା ସହ ମାତ୍ର ୫୦୦ ଟଙ୍କାରେ ଗ୍ୟାସ ଯୋଗାଇ ଦେବା ।
*ଜନ କଲ୍ୟାଣ- ଏହି ଗ୍ୟାରେଣ୍ଟି ଓଡ଼ିଶାବାସୀଙ୍କ ସର୍ବାଙ୍ଗୀନ କଲ୍ୟାଣ ପାଇଁ ଆରମ୍ଭ କରାଯାଇଥିବା କଂଗ୍ରେସ କହିଛି । ଏଥିରେ ସ୍ବାସ୍ଥ୍ୟସେବା ପାଇଁ ୨୫ ଲକ୍ଷ ଟଙ୍କା ଯାଏ ସ୍ବାସ୍ଥ୍ୟ ବୀମା ଏବଂ ମାଗଣା ଚିକିତ୍ସା ବ୍ୟବସ୍ଥା, ବାର୍ଦ୍ଧକ୍ୟ, ବିଧବା ଏବଂ ଦିବ୍ୟାଙ୍ଗ ପାଇଁ ମାସିକ ଭତ୍ତା ୨୦୦୦ ଟଙ୍କା, ଚିଟଫଣ୍ଡ ଜମାକାରୀଙ୍କ ଟଙ୍କା 6 ମାସରେ ଫେରାଇ ଦିଆଯିବ ।
ଏହା ମଧ୍ୟ ପଢନ୍ତୁ-ରାଉରକେଲାରେ ଉନ୍ମୋଚନ ହେଲା କଂଗ୍ରେସର ଗ୍ୟାରେଣ୍ଟି କାର୍ଡ
ସେହିପରି ବାର୍ଦ୍ଧକ୍ୟ ଭତ୍ତା, ବିଧବା ଭତ୍ତା, ଦିବ୍ୟାଙ୍ଗ ଭତ୍ତା ମାସିକ 2000 ଟଙ୍କା ବୃଦ୍ଧିସ,ଚିଟଫଣ୍ଡ ପ୍ରଭାବିତ ଜମାକାରୀ ମାନଙ୍କୁ ୬ ମାସ ମଧ୍ୟରେ ସୁଧ ସହ ଜମାରାଶି ଫେରସ୍ତ, ଶିକ୍ଷାନୁଷ୍ଠାନ ଓ ଚାକିରୀ କ୍ଷେତ୍ରରେ ପଛୁଆ ବର୍ଗ ପାଇଁ ୨୭%ସ୍ଥାନ ସଂରକ୍ଷଣ ବ୍ୟବସ୍ଥା, ଆଦିବାସୀ ଓ ଦଳିତ ବର୍ଗଙ୍କ ନିଜ ଜମି ଓ ଜଙ୍ଗଲ ଜମି ଉପରେ ସମ୍ପୂର୍ଣ୍ଣ ଅଧିକାର ଓ ୧୦୦ ଦିନ ମଧ୍ୟରେ ପେସା ଆଇନକୁ କଡାକଡି ଭାବେ ଲାଗୁ କରାଯିବା ପାଇଁ କଂଗ୍ରେସ ସଂକଳ୍ପବଦ୍ଧ ବୋଲି ଜିଲ୍ଲା କଂଗ୍ରେସ ପକ୍ଷରୁ ପ୍ରେସ ବାର୍ତ୍ତା ମଧ୍ୟମରେ ପ୍ରକାଶ କରାଯାଇଛି । ଜିଲ୍ଲା କଂଗ୍ରେସ ସଭାପତି ନଟବର ବାରିକଙ୍କ ସଭାପତିତ୍ବରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ପ୍ରଦେଶ କଂଗ୍ରେସ ଉପ ସଭାପତି ତଥା ପର୍ଯ୍ୟବେକ୍ଷକ ପ୍ରତିମା ମଲ୍ଲିକ,ପ୍ରଦେଶ କଂଗ୍ରେସ ସମ୍ପାଦକ ତଥା ପୂର୍ବତନ ପୌର ପରିଷଦ ଅଧ୍ୟକ୍ଷ ବିପ୍ଳବ ଚୌଧୁରୀ,ପୌର ପରିଷଦ ଅଧ୍ୟକ୍ଷା ଅର୍ଚ୍ଚନା ସିଂହ ପ୍ରମୁଖ ଉପସ୍ଥିତ ରହି ଗ୍ୟାରେଣ୍ଟି କାର୍ଡକୁ ଅନୁଷ୍ଠାନିକ ଭାବେ ଉନ୍ମୋଚନ କରିଥିଲେ l
ଇଟିଭି ଭାରତ,ଜଗତସିଂହପୁର
